Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË – Ish-ministri i Drejtësisë Ylli Manjani denoncoi një rast të pazakontë ku një familje i “dhuronte me detyrim” banesën e saj në lagjen e “5 majit” institucionit të Bashkisë së Tiranës. Rasti i çuditshëm ka tërhequr vëmendjen e ish-deputetit të Lëvizjes Socialiste për Integrim, duke analizuar në kuadrin ligjor të gjithë çështjen. Në një postim të gjatë në rrjetin e tij social në Facebook, Manjani shkruan se aktmarrëveshja “dhurim me detyrim” nuk parashikohej as në Kushteturë, as në ligjin e Shpronësimeve për Interes Publik dhe as në Kodin Civil. Pra në Shqipëri është e pamundur që t’i dhurosh një pronë shtetit! Megjithatë kjo është bërë e mundur për zonën e “5 majit” nga Bashkia e Tiranës, që sipas tij është në pozicion flagrant antikushtetutë e antiligj.
“Qeveria ka urdhëruar negociatat me banorët për: A. Shpronësim me shpërblim; B. Këmbimin e pronës me një pronë shtetërore; C. Këmbimin e pronës së sjpronësuar me sipërfaqe banimi në ndërtesat e reja. Qeveria madje shkon dhe më tej, iu ofron banorëve qera për kohën e sistemimit deri sa të mundësohet banesa e re. Bashkia e Tiranë qenka qeveri e republikë më vete, mesaduket!!! Si ka mundësi?! Banorët duhet ta denoncojnë këtë gjë në prokurori, krahas ndjekjes gjyqsore të çështjes së shpronësimit të dhunshëm,”-sqaron më tej në postimin e tij ish-ministri Manjani. Ndërsa për ngjarjen në fjalë, reagoi një qytetare, Alsida Hasi. Ajo shkruan në koment se shtëpia e vajzave të saj do të shembet nga Inspektoriati i Mbrojtjes së Territorit. Hasa shtoi se tashmë familja ndodhet në situatë të vështirë, pasi dhe marrja e një banese me qera përbën një kosto të madhe.
POSTIMI I YLLI MANJANIT:
Shënim mbi Republikën “e pavarur” të Bashkisë Tiranë.
—————-
Përgjatë një procesi këshillimor që po jepja për një familje tek 5 Maji, vura re një dokument me titull të çuditshëm. Ishte një akt marrëveshje që propozonte, ndër të tjera DHURIMIN e banesës bashkisë!!!! Dhurim?! Me pahir?! Të një prone ligjërisht të regjistruar në Kadastër?!! Po pse?! Uau! U çudita por nuk e dhashë veten. Jam marrë personalisht me procedura shpronësimi dhe këtë se kisha parë ndonjëherë. Vendosa të rishoh edhe njëherë bazën legale të shtetit, se parlamenti e qeveria moniste ç’nuk kanë shpikur. Pashë Kushtetutën, Ligjin e Shpronësimeve për Interes Publik, Kodin Civil, vendimet e qeverisë për procedurat e shpronësimit (përfshi edhe vendimin nr 7 të vitit 2020) dhe, askund nuk pashë të shkruar që qytetari i dhuron pronë shtetit!!! Askund, po askund fare!
Shteti për interes publik shpronëson dhe nuk rrëmben prona! Tjetër temë se ç’është interesi publik. Por procedurat janë standarde. Zhveshja e pronarit nga pronësia bëhet me shpërblim të plotë të vlerës dhe jo me policë! Çdo me thënë dhurim me detyrim?! Dhurimi është akt vullneti individual jo detyrim!!! Pastaj si mund të ofrosh pronarit ca lekë për qera apo banesë sociale me kredi në këmbim të lënies së shtëpisë dhuratë për shtetin?! Ore janë në terezi këta apo nuk jemi ne?! Prona më shumë se e drejtë kushtetuese është liri. Është liri për të jetuar i pavarur nga shteti. Shteti që vë dorë në pronën privatë ka dhunuar automatikisht edhe lirinë e pronarit.
*****
Familja në fjalë nuk ishte kundër projektit të zhvillimit, por me të drejtë nuk kishte kuptuar llogjikën e dhurimit me pahir të pronës dhe daljes në rrugë me dëshirë!!! Bashkia e Tiranës është në pozicion flagrant antikushtetutë e antiligj. Është madhe edhe një pozicion antiqeveri, sepse vendimet e qeverisë nuk sugjerojnë askund “dhurimin” as me hir e as me pahir. Qeveria ka urdhëruar negociatat me banorët për: A. Shpronësim me shpërblim; B. Këmbimin e pronës me një pronë shtetërore; C. Këmbimin e pronës së sjpronësuar me sipërfaqe banimi në ndërtesat e reja. Qeveria madje shkon dhe më tej, iu ofron banorëve qera për kohën e sistemimit deri sa të mundësohet banesa e re. Bashkia e Tiranë qenka qeveri e republikë më vete, mesaduket!!! Si ka mundësi?! Banorët duhet ta denoncojnë këtë gjë në prokurori, krahas ndjekjes gjyqsore të çështjes së shpronësimit të dhunshëm.
Komenti i Alsida Hasit:
Ylli Manjani ju falenderoj për qartesimet qe keni bere në lidhje me kete proces, i cili jo vetem qe na hedh në rruge të madhe, por edhe na ka shkaktuar nje stres te papare, sidomos femijeve tanë. Me 22 shkurt e ka radhen shtepia e vajzave të mia, dite në të cilen e vogla do të mbushe 5 vjeç. Në vend qe të gezohet për diten e saj te lindjes, do t’i duhet të perballet me dhimbjen e largimit nga streha e saj pa deshire dhe sigurisht largimin nga kopshti, si dhe nga shkolla te vajzes se madhe, pasi eshte e pamundur te gjendet nje tjeter banese me qera, te paguar nga ana jone në kete zone. Të mos permendim faktin qe jane te paperballueshme për buxhetin tonë familjar. A mundet qe Erion Veliaj dhe Edi Rama t’u thone vajzave të mia se çfare faji kane bere për ta merituar kete? Apo jane vajzat e nje familjeje te thjeshte te ketij vendi te kalbur? Apo se femijet e ketyre qe na drejtojne, meritojne me shume se femijet tanë?
Në total në zonën e “5 majit” do të preken 430 ndërtesa, ndërsa faza e parë është me 120 banesa. Banorët kanë protestuar që prej 19 janarit kundër shembjes, duke argumentuar se ka paqartësi për masën dhe periudhën e dëmshpërblimit. Ndërkohë që sot kryeministri Edi Rama, pretendoi sot se banorët e zonës kishin marrë jo vetëm detyrimin, por edhe më shumë.
(d.v/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Ambasada italiane ka vendosur që të mos i ndryshojë rregullar e udhëtimit për të gjithë shtetasit shqiptarë që duan të fluturojnë drejt vendi...
LAÇ – 57-vjeçari Sandër Nezha, i cili u arrestua dje për shembjen e dy shtyllave të tensionit të lartë, mendohet se e ka kryer qëllimisht kë...
FIER– Ministria e Arsimit dhe e Sporteve ka mbyllur sot me urdhër të prerë kopshtin në Fier ku disa javë më parë u mbyt një 3-vjeçar. Në njoftimin ...
TIRANË– Genci Xhahysa edhe pse i mbyllur në burgun e Elbasanit kërkon që të ketë shërbime digjitale në qeli. Në një përgjim të publikuar nga AbcNews,...
TIRANË– Ervin Selita, i njohur me emrin e artit si Vinz, pjesë e grupit shqiptar Hellbanianz është vënë në pranga dhe akuzohet për tentativë vrasjeje...
TIRANË – Thirrja e Ministrisë së Kulturës për projektet kulturore ka ngjallur dyshime lidhur me transparencën e saj. Në 15 dhjetor të vitit të kaluar...
Pak kohë pasi revolta e celulave të ISIS në burgun e Al Hassakah, në Siri, vijon të mbajë në tension rajonin verilindor, një shqiptar është identifikuar mes të ...
TIRANË– Nënë Liza Marku, e cila është kthyer në një simbol të protestës së “5 Majit” ka qenë sërish e pranishme në shesh. Përba;lë Kuvend...
TIRANË– Arma me të cilën Ervin Selita, reperi i njohur si Vinz ka tentuar të vrasë pronarin e hotelit Zeni Xhindi nuk është gjetur ende. Raportohet s...
TIRANË– Banorët e “5 Majit”, Laprakës dhe të Paskuqanit janë nisur drejt zyrave të Bashkimit Evropian në Tiranë për të protestuar kundër ...
