Politike

PD nxjerr dënimin e Pjetrit, Rama e pezullon. Kryebashkiaku: Pres hetimet

  • VOA: Dokumentet e PD janë origjinale, Pjetri s’do e gëzojë karrigen
  • Pjetri e dinte që do akuzohej, kush e tradhëtoi Bashën gjatë mbledhjes në Shkodër?
  • Valdrin Pjetri: Pres me padurim vendimin e autoriteteve
  • Edi Rama “lan duart” me Valdrin Pjetrin, e pezullon nga PS: I kemi rrugët e ndara
  • Partia Demokratike publikon dokumentet për dënimin e Valdrin Pjetrit në Itali. Krybashkiaku i Shkodrës shprehet se po pret vendimin e përfundimit të procesit të verifikimit të figurës nga ana e autoriteve zyrtare shqiptare dhe italiane. Rama pezullon Pjetrin.
    Featured image of article: PD nxjerr dënimin e Pjetrit, Rama e pezullon. Kryebashkiaku: Pres hetimet Valdrin Pjetri, Taulant Balla dhe Gazmend Bardhi

    TIRANË– Partia Demokratike ka publikuar ditën e sotme dokumentet që tregojnë se kryebashkiaku i Shkodrës Valdrin Pjetri ka qenë i dënuar në Itali.  Sipas vendimit të dalë nga sistemi i kuesturës së Firences.

    Në dokument theksohet më tej se Pjetri është dënuar nga Gjykata e Firences, me vendimin e formës së prerë të datës 12 Qershor 2003, me 18 muaj burg dhe 1000 Euro gjobë, për veprën penale “shpërndarje, prodhim dhe trafikim i lëndëve narkotike dhe lëndëve të tjera të paligjshme psikotrope”, të kryer në bashkëpunim.

    Për shkak të marrëveshjes së pranimit të fajësisë, gjykata ka urdhëruar pezullimin e dënimit.

    PD-ja theksoi më tej se të gjitha këto të dhëna provojnë se Valdrin Pjetri është subjekt ndalimi për të ushtruar një funksion publik nga ligji i dekriminalizimit.

    Në lidhje me këtë lajm ka pasur reagime nga Partia Socialiste dhe nga vetë kryebashkiaku i Shkodrës Valdrin Pjetri.

    Kryeministri Edi Rama e pezulloi Pjetrin nga çdo funksion në Partinë Socialiste deri në daljen e vendimit përfundimtar. Numri dy i partisë socialiste, Taulant Balla theksoi se duhet zbardhur e vërteta por që akuzat e PD-së i cilësoi si shpifje.

    Nga ana tjetër, vetë Pjetri u shpreh se po pret vendimin e përfundimit të procesit të verifikimit të figurës nga ana e autoriteve zyrtare shqiptare dhe italiane.

    Prej disa javësh lufta politike mes kampeve PD-PS në qytetin e Shkodrës është bërë e ashpër. Opozita akuzon kryetarin e ri të Bashkisë së Shkodrës, Valdrin Pjetrin se ka qenë i dënuar në Itali për prodhim dhe trafikim të lëndëve narkotike, gjë që socialisti nuk e ka deklaruar në formularin dekriminalizimit.

    Nga ana tjetër vetë Pjetri ka publikuar disa certifikata, sipas të cilave Pjetri vërteton se akutalisht nuk ka asnjë proces gjyqësor të hapur, ose çështje nën hetim.

    (f.m/dosja.al)

    • 19:45

      Berisha: Rama për lëkurën e tij po shet dhe të vëllanë

      Sali Berisha dhe Edi Rama

      Ish-kryeministri Sali Berisha ka akuzuar pasardhësin e tij Edi Ramën, se po bën çdo gjë për të shpëtuar veten e tij.

      Me anë të një statusi në rrjetet e tij sociale, Berisha shkruan se Ramës po i shtrëngohet laku në fyt pasi e kishte mbrojtur Valdrin Pjetrin dhe më pas u detyrua që ta pezullonte.

      “Edvin Mafia për lëkurën e tij po shet Olsi Drogën! Miq, Edvin Drogës po i shtrëngohet laku në fyt! Edvin, akuzoje sa të duash Olsi drogë, vetë nuk ke shpëtim. Rama ik!,”-shkruan Berisha.

      Postimi i plotë: 

    • 16:17

      Publikoi dokumentat e dënimit, Bardhi reagon pas pezullimit të Pjetrit: Lojës me larje duarsh i ka ardhur fundi!

      Valdrin Pjetri dhe Gazment Bardhi

      Sekretari i Përgjithshëm i PD-së, Gazment Bardhi ka reaguar menjëherë pas pezullimit të Valdrin Pjetrit nga strukturat e PS-së.

      Me anë të një statusi në rrjetet e tij sociale, Bardhi shkruan se ishte kryeministri Edi Rama ai që emëroi kandidatin për Shkodrën në të gjitha postet drejtuese që ai ka pasur.

      “Lojës me larje duarsh i ka ardhur fundi! Edi Rama është damkosur si kryeministri që promovoi krimin në parlament, qeveri dhe bashki,”– shkruan Bardhi.

      Postimi i plotë:

      Heshti për 11 ditë dhe tani po përsërit filmin që kemi parë me Elvis Roshin, me Arben Ndokën, me Mark Frrokun, me Armando Prengën, me Artur Bushin, me shume edirama kriminelë të veshur me pushtet. Valdrin Pjetrin e emëroi Edi Rama, nuk u bë vetë as drejtor hipoteke, as prefekt, as kandidat për Kryetar Bashkie. Lojës me larje duarsh i ka ardhur fundi! Edi Rama është damkosur si kryeministri që promovoi krimin në parlament, qeveri dhe bashki.

    • 16:17

      Edi Rama “lan duart” me Valdrin Pjetrin, e pezullon nga PS: I kemi rrugët e ndara

      Kryeministri Edi Rama pezulluar nga të gjithë funksionet në Partinë Socialiste, kandidatin për Bashkinë e Shkodrës, Valdrin Pjetrin.

      Me anë të një statusi në rrjetet e tij sociale, Rama shkruan se deri sa të dalë e vërteta ligjore lidhur me të shkuarën e Pjetit, ky i fundit i ka rrugët e ndara nga PS.

      Kurrë s’kam menduar se Valdrini mund të fshehë të vërtetën në raport me ligjin,po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht,”-shkruan ndër të tjera Rama. 

      Postimi i plotë:

      Jo Valdrini,po vëllai im të jetë,s’ka shans të hedhë asnjë hije dyshimi mbi PS dhe mbi mua,në raport me ligjin e me besnikërinë ndaj popullit! Përgjegjësia për çdo akt individual të padenjë është individuale.Përgjegjësia jonë është si reagojmë ndaj një akti të padenjë individual! I edukuar,i zoti,i respektuar familjarisht në Shkodër e kudo ka punuar,po kjo s’mjafton më!Kurrë s’kam menduar se Valdrini mund të fshehë të vërtetën në raport me ligjin,po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht. E me këtë rast,të tërë ta fusin mirë në kokë:Unë s’kam ndërmend të toleroj askënd dhe as të marr përsipër raportin individual me ligjin të askujt!Shkoj në luftë për çdo ide,qëllim a shok armësh,po kosto veprimesh individuale të dyshuara si ky,as marr më,as lejoj më t’i marrë PS!
    • 14:34

      Balla: Të zbardhet e vërteta, me PD-në do përballemi në gjyq

      Taulant Balla

      Kreu i grupit parlamentar të Partisë Sociliste, Taulant Balla ka reaguar në lidhje me dokkumentet e publikuara nga Partia Demokratike ku vërtetohej se kryebashkiaku Valdrin Pjetri ka qenë dënuar në Itali.

      Në një status në rrjetet sociale, Balla i konsideron shpifje akuzat e PD-së dhe shprehet se do të përballet në Gjykatë me ta. Kreu i grupit parlamentar të PS-së shprehet më tej se këto akuza, sipas tij janë të neveritshme dhe të bazuara nga burime të ashtuquajtura “diplomatike”.

      Ndër të tjera Balla shton se pavarësisht akzuave, në këto raste duhet të veproje ligji dhe se duhet zbardhur e vërteta. Ai vë në dukje se përpara ligjit nuk është askush dhe se ka një vijë të kuqe, përpara të cilës duhet të përballet çdo person që ushtron një funksion publik pa asnjë lloj përjashtim.

      Reagimi i plotë i Taulant Ballës

      I kemi ndjekur në vazhdim prononcimet e Partisë Demokratike, mbi pretendimin se Kryetari i Zgjedhur i Bashkisë Shkodër, është subjekt i Ligjit “Për garantimin e integritetit të personave që zgjidhen, emërohen ose ushtrojnë funksione publike”.

      Në raport me ligjin e me drejtësinë dhe padiskutim edhe me këtë aspekt specifik të legjislacionit shqiptar, lidhur me pastërtinë e figurave që ushtrojnë funksione publike, Partia Socialiste ka përcaktuar qartë një vijë të kuqe, për të gjithë anëtarët e saj. Kjo vijë e kuqe nuk përjashton askënd, që nga Kryetari i Partisë deri tek anëtari i thjeshtë.

      Për Partinë Socialiste të gjithë janë të barabartë para ligjit, askush nuk është mbi ligjin dhe ligji është mbi çdo invidid dhe interes politik.

      Pavarësisht opinionit tonë mbi qasjen destruktive dhe gjuhën baltosëse, që karakterizojnë sjelljen publike të Partisë Demokratike, ky rast konkret është një nga ato raste, kur politika duhet t’i referohet vetëm ligjit. E vërteta mbi këtë rast, s’mund të zgjidhet sipas preferencës apo interesit politik. Ajo duhet të zbardhet deri në fund përmes rrugës së përcaktuar qartësisht në ligj.

      Ne e përshëndesim faktin se Prokuroria e Përgjithshme dhe Policia e Shtetit, janë vënë në lëvizje, duke kërkuar zyrtarisht informacionin përkatës pranë autoriteteve italiane, qysh në momentin e parë të shfaqjes së këtij pretendimi, lidhur me pastërtinë e figurës së Kryetarit të zgjedhur të Bashkisë Shkodër, Valdrin Pjetri.

      Për Partinë Socialiste, qoftë pretendimet e opozitës jashtëparlamentare, qoftë sqarimet e dhëna nga Valdrini, përshirë edhe publikimin e dokumentacionit përkatës nga Italia (të vënë më parë në dispozicon prej tij, kur ne kemi kryer si për çdo kandidaturë të gjitha verifikimet ligjore që mundëson statusi ligjor i organizatës sonë) nuk mjaftojnë. Me këtë rast, hedhim poshtë me neveri akuzat lidhur me ndonjë marrje në dijeni, nga burime të ashtuquajtura “diplomatike” apo të çfarëdolloji tjetër, mbi pretendimin e Partisë Demokratike. Kjo është tërësisht e pavërtetë dhe do t’i referohet gjykatës, në formën e padisë njësoj si për shpifje të tjera.

      Dihet botërisht tanimë se në çdo rast, kur mes palëve politike përfshihen institucionet ligjzbatuese dhe kur bëhet fjalë për raportin e individit me ligjin, Partia Socaliste nuk investohet në asnjë debat, përpara se sa institucionet të thonë fjalën e tyre.

      Konkretisht, akuza e ngritur ndaj Valdrin Pjetrit, me një pretendim të bazuar në dokumenta joligjore nga ana e Partisë Demokratike, nuk mjafton as për t’u pranuar a priori, as për t’u rrëzuar a priori.

      Përtej dëshirës sonë që e drejta të jetë në anën e tij, Partia Socialiste garanton opinionin publik dhe komunitetin e nderuar të Bashkisë së Shkodrës, se përtej çdo interesi partiak, politik apo individual, do të qëndrojë edhe në këtë rast në anën e ligjit dhe të interesit publik.

    • 14:34

      Valdrin Pjetri: Pres me padurim vendimin e autoriteteve

      Pas nxjerrjes së dokumenteve ka reaguar edhe vetë Valdrin Pjetri, i cili shprehet se pret me padurim vendimin e përfundimit të procesit të verifikimit të figurës nga ana e autoriteve zyrtare shqiptare dhe italiane.

      Unë të vërtetën time e deklarova para kandidimit si dhe para pak ditësh me dokumenta zyrtare. E vetmja e vërtetë është ajo që del nga zyrat e agjensive të zbatimit të ligjit dhe jo nga foltoret e PD.

      Pres me padurim vendimin e përfundimit të procesit të verifikimit të figurës nga ana e autoriteve zyrtare shqiptare dhe italiane,”- shprehet Pjetri.

    • 14:34

      Zbulohet vendimi, Valdrin Pjetri u dënua në Itali (DOKUMENTI)

      Valdrin Pjetri

      Partia Demokratike ka publikuar ditën e sotme dokumentet që tregojnë se kryebashkiaku i Shkodrës Valdrin Pjetri ka qenë i dënuar në Itali. Ashtu siç paralajmëroi një ditë më parë, PD-ja nxorri sot vendimin sipas sistemit të kuesturës së Firences.

      Sipas këtij dokumenti zyrtar, rezulton se Valdrin Luigj Pjetri, i datëlindjes 18 Shtator 1982, lindur në Shqipëri, është arrestuar në flagrancë, së bashku me shtetasin Altin Doda, në datë 27 Janar 2003 në Firence.

      Më datë 28 Janar 2003, përpara gjykatës, Valdrin Pjetri ka pranuar kryerjen e krimit dhe fajësinë, duke nënshkruar marrëveshje për dënimin e tij të menjëhershëm sipas legjislacionit penal Italian.

      Në dokument theksohet më tej se Pjetri është dënuar nga Gjykata e Firences, me vendimin e formës së prerë të datës 12 Qershor 2003, me 18 muaj burg dhe 1000 Euro gjobë, për veprën penale “shpërndarje, prodhim dhe trafikim i lëndëve narkotike dhe lëndëve të tjera të paligjshme psikotrope”, të kryer në bashkëpunim.

      Për shkak të marrëveshjes së pranimit të fajësisë, gjykata ka urdhëruar pezullimin e dënimit.

      Më datë 3 Shkurt 2003 Vladrin Pjetrit i është revokuar leja e qëndrimit dhe më datë 4 Shkurt 2003 ndaj tij është marrë masa e dëbimit nga shteti Italian.

      Kështu në deklaratën e saj Partia Demokratike thekson se të gjitha këto të dhëna provojnë se Valdrin Pjetri është subjekt ndalimi për të ushtruar një funksion publik nga ligji i dekriminalizimit.

      Deklarata e sekretarit të përgjithshëm të PD-së, Gazment Bardhi

      Edi Rama hesht prej 2 javësh që kur Partia Demokratike zbuloi për opinionin publik se kandidati i tij për Kryetar të Bashkisë Shkodër është një trafikant droge, i dënuar në Itali 16 vjet më parë.

      Me heshtjen prej fajtori, Edi Rama provoi edhe njëherë se bashkëqeverisja me krimin e organizuar është projekti i tij i vetëm që i siguron pushtetin.

      Në këto 6 vjet të drejtimit të vendit, Edi Rama u provua si Kryeministri që promovoi në politikë dhe në administratën publike mbi 300 persona me precedentë kriminalë, nga vrasësit dhe përdhunuesit, tek trafikantët e drogës dhe trafikantët e grave dhe vajzave. 

      Edi Rama hesht për të mbrojtur Valdrin Pjetrin dhe karrigen e tij të kalbur nga bashkëpunimi me krimin. Ai hesht megjithëse ka marrë zyrtarisht përgjigje që Valdrin Pjetri është i dënuar dhe sipas ligjit nuk mund të ushtrojë asnjë funkison publik përfshirë atë të Kryetarit të Bashkisë.

      Me vetëdije, me informacion të plotë për të kaluarën kriminale si trafikant droge, Edi Rama e emëroi Valdrin Pjetrin në 24 Korrik 2019 si drejtues politik të Partisë Socialiste në Qarkun Shkodër.

    Shto Koment