Politike

“Demokrat i orëve të para”, Rama s’ndalet për Teatrin, poston fjalët e Ndriçim Xhepës: Duhet prishur

  • Rama del ‘blof’ dhe me Ndriçim Xhepën, deklarata e aktorit që e përgënjeshtron
  • Rama ka postuar një deklaratë te aktorit të njohur Ndriçim Xhepa, i cili ka thënë që Teatri duhet prishur dhe të ndërtohet një i ri.
    Featured image of article: “Demokrat i orëve të para”, Rama s’ndalet për Teatrin, poston fjalët e Ndriçim Xhepës: Duhet prishur Kryeministri, Edi rama dhe aktori, Ndriçim Xhepa

    TIRANË- Kryeministri Edi Rama duket se nuk ndalet në “luftën” e tij me artistët për Teatrin Kombëtar. Sot Rama ka postuar një deklaratë te aktorit të njohur Ndriçim Xhepa, i cili ka thënë që Teatri duhet prishur dhe të ndërtohet një i ri.

    Më tej Rama shtn se Xhepa është një demokrat i orëve të para, ndërsa për Teratrin thotë se është një gërmadhe që gabimisht ka atë emër.

    E cila s’ka asnjë lidhje me muret prej tallashi të karakatinës së “Dopo Lavoros”, ndërtuar nga ushtria italiane, si një ngrehinë e përkohshme për argëtimin pas pune”,  shton më tej shefi i qeverisë.

     “Ndriçim Xhepa ka bërë histori me peshë të posaçme në skenën e Teatrit Kombëtar. Ai është ngjitur me mijëra e mijëra herë në atë skenë dhe ka të drejtën e një nostalgjie mijëra e mijëra herë më të fortë, se sa disa figura që rolin e tyre më të spikatur në karrierën teatrale, kanë atë të protestuesit për mbrojtjen e një Turpi Kombëtar, siç është sot gërmadha që gabimisht quhet akoma teatër kombëtar! Edhe Ndriçim Xhepa, sa për kujtesë, është një demokrat i orëve të para, të cilin s’e ka lidhur kurrë asgjë me Partinë Socialiste, pavarësisht se si qytetar i nderuar që është në radhë të parë, ai s’ka bërtitur apo sharë ndonjëherë në publik, siç bëjnë demokratikasit e dalluar shqiptarë. Ja çfarë mendon aktori ynë i madh, për çështjen e teatrit dhe ja se sa thjeshtësisht bukur, e sheh ai edhe ruajtjen e historisë së teatrit kombëtar. E cila s’ka asnjë lidhje me muret prej tallashi të karakatinës së “Dopo Lavoros”, ndërtuar nga ushtria italiane, si një ngrehinë e përkohshme për argëtimin pas pune.

    NDRIÇIM XHEPA: Duke pasur parasysh kondicionet në të cilat është ndërtuar kjo ndërtesë nga italianët, vitet që kanë kaluar mbi afatin e ekzistencës së saj, pra, trefishi i kohës, duhet prishur dhe duhet të ngrihet një godinë e re. Dhe vlerat e traditës së këtij institucioni për më shumë se 70 vjet, duhet të ruhen me fanatizëm nëpër arkiva të një teatri serioz sepse kam përshtypjen se nuk jemi aq të respektueshëm dhe dinjitozë në ruajtjen e vlerave të gjeneratave të kaluara, ashtu si ndodh në çdo institucion dinjitoz europian. Janë këto disa probleme, që unë i konstatoj prej shumë vitesh në institucionin ku punoj prej 37 vitesh”, është ky reagimi i Ramës që citon dhe aktorin Ndriçim Xhepa.

    Ditët e fundit Rama ka zgjedhur që artistëve e aktivistëve që kërkojnë ruajtjen e godinës të mos u përgjigjet me fjalët e tij, por të artistëve të tjerë. Kryeministri ka sjell në vëmendje deklaratën e Raimonda Bulkut, Jusuf Vrionit të Leka Bungos, të cilët sipas tij kërkojnë një teatër të ri. Ndërkohë tek oborri i Teatrit vijon rezistenca, ku Aleanca nënshkroi dhe një marrëveshje me PD për ruajtjen e godinës ekzistuese. Nga ana tjetër Presidenti Ilir Meta dërgoi në Gjykatën Kushtetuese ligjin special që i hap rrugën shembjes së Teatri Kombëtar dhe atij Eksperimental.

    (A.B. Dosja.al)

    Shto Koment