Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Cështja Becchetti nuk është fatura e vetme e kripur që taksapaguesit shqiptarë të cilët ushqejnë buxhetin e shtetit, do të kontribuojnë për mosmarrëveshjet mes qeverisë dhe një investitori të huaj.Të dhënat e raportit të mesvitit mbi zbatimin e buxhetit 2019 dhe 2020, Qendrës Ndërkombëtare për zgjidhjen e Mosmarrëveshjeve të Investimeve si dhe Raportit Vjetor Mbi Zbatimin e Buxhetit te Shtetit 2018, i publikuar nga Kontrolli i Lartë të Shtetit, Open Data Albania, tregojnë se deri në Qershor 2020, Shteti Shqiptar njeh detyrime të mbetura që lidhen me Arbitrazhet Ndërkombëtare në vlerën totale prej 109 mln e 485 mijë e 296 Euro.
Detyrimi kanë të bëjnë me dëmshpërblime që shteti shqiptar duhet tu japë palëve, kryesisht biznese që kanë fituar në arbitrazh ose kosto shpenzimesh arbitrazhi. Këto detyrime përveçse janë të formës përfundimtare, edhe janë njohur nga shteti. Ndërkohë ka procese të tjera arbitrazhi që ende nuk kanë marrë formën përfundimtare apo ende nuk janë njohur zyrtarisht nga shteti shqiptar të cilat janë fatura potenciale në kurriz të taksapaguesëve shqiptarë.
Po njësoj detyrime janë edhe kostot administrative të arbitrazhit apo kamatat e mos shlyerjes së detyrimit menjëherë në kohë.Në gjyqet ndërkombëtare të arbitrazhit për të cilat Shteti shqiptar njeh detyrime financiare janë shtatë çështje. Këto detyrime janë dëmshpërblime për Investitorë Privatë apo Biznese që kanë pretenduar apo paditur Shtetin shqiptar, sikurse edhe kosto që lidhen me procesin e gjykimin në arbitrazh;
J & P Avax kundër Ministrisë së Transportit;
SAFA shpk kundër Ministrisë së Infrastrukturës dhe Energjisë;
Valeria s.r.l kundër Ministrisë së Bujqësisë dhe Zhvillimit Rural;
Anglo-Adriatica Group Limited vs Shqipërisë kundër Ministrisë së Financave
Porti Karpen HFW LLC kundrejt Shqipërisë;
TIA (Tirana International Aeroport) shpk kundrejt Shqipërisë
Sinkron Aranita Brahaj
“Kostot nuk vijnë menjëherë. Nëqoftëse shteti shqiptar miraton një ligj me palë përfituese shteti shqiptar duket sikur nuk ka difekt apo problematikë. Por në momentin që kjo nuk realizohet, palës i lind e drejta që ta zgjidhë mosmarrëveshjen në arbitrazh dhe të kërkojë vlerën e munguar të kontratës që nuk ka realizuar” u shpreh Aranita Brahaj, Open Data.
Por peshën më të madhe ndaj faturës totale të Arbitrazheve, me rreth 91,3% e ka Çështja Hydro dhe të tjerët kundër Shqipërisë – Familja Becchetti. Ky vendim është njohur nga shtetit shqiptar si detyrim që në dokumentin zyrtar Raporti i Mes Vitit mbi Zbatimin e Buxhetit 2019, të publikuar nga Ministria e Financave dhe Ekonomisë. Detyrimet për këtë cështje janë në vlerën 99.6 milion Euro Dëmshpërblim i drejtpërdrejtë ndaj Investitorit dhe 0.3 milion Euro kosto administrative të procesit të arbitrazhit. Në llogaritë e tij, Shteti Shqiptar e ka njohur vetëm 99.9 milion Euro. Por Vendimi i Arbitrazhit e ka gjykuar 108 milion euro.
Vlera e njohur dhe raportuar nga Qeveria Shqiptare nuk përfshin kamatën për vonesën e pagesës së Dëmit të Vendimit 2018. Në këtë vendim parashikohet se për cdo vit Vonesë Qeveria Shqiptare ngarkohet me një kamatë që është normë LIBOR plus 3% interes të përbërë, kamatë që e rrit detyrimin çdo vit me disa miliona euro shtesë. Shkak i mosmarrëveshjeve mes palëve është pengesa për realizimit e investimeve në hidrocentralin e Kalivaçit, televizionin Agon Channel dhe impjantin e trajtimit të mbetjeve nga kompanitë Hydro s.r.l dhe Costruzioni s.r.l. Palë përveç Francesco Becchetti në pretendim janë edhe aksionerët e tjerë Mauro De Renzis, Stefania Grigolon dhe Liljana Condomitti. Por gjykata e arbitrazhit ka pranuar vetëm padinë për investimin në Agon Channel.
Një tjetër detyrim lind nga konflikti i shtetit shqiptar me Anglo-Adriatic Group Limited, e cila krijoi në Shqipëri fondin Anglo Adriatika Investment Fund sh.a me qëllim mbledhjen e kuponëve të privatizimit. Ky konflikt i kushton shtetit 1 milion euro. Kjo çështje në arbitrazh është fituar nga shteti ynë, por pagesa njihet për shpenzimet administrative të Arbitrazhit.
Nga Buxheti i Shtetit duhet të paguhet gjithashtu dhe vlera prej 550 000 Euro për konfliktin ndërmjet Ministrisë së Bujqësisë dhe Zhvillimit Rural dhe kompanisë Valeria Italia s.r.l. Kompania Italiane Valeria s.r.l ka filluar procesin e arbitrazhit ndaj Shqiperise në vitin 2018, në lidhje me një ndërmarrje të fermave të produkteve bujqësore. Sipas Raportit të Mes-vitit të Zbatimit të Buxhetit 2020, Ministria e Financave dhe Ekonomisë njeh si detyrim të Shtetit Shqiptar ndaj Palës Private vetëm koston totale të shpenzimeve për avokatët dhe kostot fillestare të arbitrazhit në vlerën 769 500 Euro, dhe deri në Qershor 2019 janë likujduar nga shteti shqiptar 219 500 Euro. Për këtë Çështje nuk ka ende një Vendim final të Gjykatës Ndërkombëtare të Arbitrazhit.
Burime të Top Story zbuluan se kjo çështje ishte diskutuar për tu zgjidhur me marrëveshje. Por Firma ligjore që po mbron kompaninë italiane Valeria |SRL në padinë ligjore kundër kundër shtetit shqiptar në Arbitrazhin e Organizatës së Kombeve të Bashkuara ka konfirmuar përmes një njoftimi se kjo gjykatë ka vendosur të marrë në shqyrtim kërkesën e saj duke rrëzuar mundësitë e arritjes së një marrëveshje mes kompanisë italiane dhe shtetit shqiptar.
Një tjetër shumë që duhet të paguhet nga Buxheti i Shtetit është detyrimi ndaj shoqërisë “J&P AVAX” s.a, në vlerën 4 214 402 Euro, si rezultat i konfliktit mes kompanisë dhe ish Ministrisë së Punëve Publike, Transportit dhe Telekomunikacionit. Konflikti ka lindur për shkak të mosmarrëveshjeve mes palëve gjatë zbatimit të kontratës nr. C-006, datë 22.05.2005 Për ndërtimin e segmentit rrugor Gjirokastër – Tepelenë, pjesë e korridorit Veri-Jug.
Konflikti mes kompanisë SAFA sh.p.k dhe Ministrisë së Infrastrukturës dhe Energjisë i ka shkaktuar buxhetit të shtetit koston prej 3 543 338 Euro. Kjo çështje lidhet me projektimin dhe ndërtimin e rrugës Tiranë – Elbasan. Nga Raporti i Ministrisë së Financave evidentohet se në këtë vlerë janë përfshirë vlera e dëmshpërblimit ndaj Investitorit prej 2 495 166 Euro dhe kostot administrative të Arbitrazhit në vlerën 1 048 166 Euro.
Cila mendoni se është alternativa më e mirë:
ITALI-Dy shqiptarë kanë përfunduar në pranga të policiës italiane dy ditë më parë. Shqiptarët e moshave 35 dhe 28-vjeç u arrestuan nga policia e Padovës ...
TIRANË– Vendi ynë sot do të mbizotërohet nga alternime kthjellimesh dhe vranësirash duke sjellë mot me diell në të gjithë territorin.Sipas Meteoalb, ...
Për vaksinimin e popullatës në 4 mujorin e parë të 2021 janë shpenzuar rreth 14 milonë dollarë sipas të dhënave të Ministrisë të Shëndetësisë.Për periudhën jana...
TIRANË– Përgjimet për trafikun e emigrantëve të paligjshëm në Shqipëri, kanë çuar agjentët e Shërbimit për Çështjet e Brendshme dhe Ank...
KORÇË- Personat që shihni në foto janë Shefi i Komisariatit të Policisë Korçë, Krenar Gjokutaj dhe Shefi Sektori i Qarkullimit Rrugor në DVP ...
TIRANË- Detaje të reja janë zbuluar me arrestimin e punonjësve të policisë në Tiranë. Dosja.al mëson se SHÇBA ka arrestuar 3 punonjës të patrullës ...
DIBËR- Një grabitje ka ndodhur mbrëmjen e sotme, rreth orës 11:00, në një fshat të Dibrës. Mësohet se një karburant është vjedhur më dhunë në fshatin Zerqa...
TIRANË– Detaje të reja janë mësuar nga aksioni i zhvilluar mbrëmjen e sotme në Tiranë, ku janë prangosur 3 efektivë policie. Burime për Dosja.al bëjn...
KORÇË– Vazhdimi i aksionit në Tiranë, shtrihet edhe në Korçë, ku janë pezulluar nga detyra 6 efektivë policie të qarkullimit rrugor. Po...
TIRANË– Dosja.al ka mësuar shkakun e prangosjes dhe pezullimit nga detyra të efektivëve të Policisë në Tiranë. Burime për Dosja.al bëjnë me dije se j...
