Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
TIRANË- Javën kur planifikohej takimi mes Kosovës dhe Serbisë i ndërmjetësuar nga emisari Richard Grenell, në Washington ka shkuar edhe Ministri në Detyrë i Punëve të Jashtme të Shqipërisë, Gent Cakaj. KOHA ka arritur ta konfirmojë nga disa burime se Cakaj ka udhëtuar për në Shtetet e Bashkuara, por që vizita nuk është bërë publike e as agjenda e takimeve. KOHA merr vesh se Cakaj kishte në plan ta realizojë një takim me emisarin amerikan për dialogun Kosovë-Serbi, Richard Grenell, më 26 qershor, vetëm një ditë para takimit mes delegacioneve nga Kosova dhe Serbia. Derisa takimi i 27 qershorit është anuluar pas publikimit të aktakuzës nga Prokurori i Speciales për presidentin Thaçi dhe ish-kryetarin e Kuvendit, Kadri Veseli, nuk dihet nëse Caka do të takohet me emisarin amerikan.
I kontaktuar në telefon nga KOHA ministri Cakaj ka refuzuar të komentojë duke thënë se përgjigjet vetëm nëpër rrugë zyrtare. Madje ka ngritur dyshime nëse është kontaktuar nga gazetari i KOHËS apo dikush tjetër. “Nuk jap përgjigje në këtë formë, i kam kanalet e mia zyrtare të komunikimit, nuk po e di as nëse jeni gazetarë”, ka thënë Cakaj. I pyetur nëse kanë ndonjë mekanizëm nëpërmjet të cilit duhet t’i verifikojnë gazetarët, Cakaj ka refuzuar të tregojë, duke insistuar që përgjigjet të kërkohen tek këshilltarja për media Fiona Demneri. Por edhe pse KOHA i ka shkruar Demnerit prej orës 15:17, ajo nuk ka ofruar përgjigje.
Sqarime nuk ka ofruar as Endri Fuga, zëdhënës i kryeministrit, Edi Rama. Por zyra e ambasadorit Grenell, nuk e ka mohuar as pohuar një takim të tillë, duke sugjeruar që kjo të verifikohet me qeverinë shqiptare. “Kam frikë se nuk kam asgjë për juve në lidhje me ndonjë takim. Ndoshta këtë duhet ta verifikoni me palën shqiptare”, ka thënë shkurt Dick Custin, zëdhënës i Grenellit.
Disa ditë para takimit në Shtëpinë e Bardhë, Ministri Cakaj ndërmjetësoi arritjen e marrëveshjes mes partive politike shqiptare në Luginën e Preshevës, Medvegjës dhe Bujanocit për të garuar me një listë të përbashkët në zgjedhjet e mbajtura më 21 qershor. Ndërkaq Thaçi para nisjes për në Washington kishte paralajmëruar se temë diskutimi do të jetë edhe kërkesa e Luginës për bashkëngjitje me Kosovën, sipas plebishitit të vitit 1992. Por ka mohuar se Kosova do të japë diçka në këmbim të Luginës, edhe pse me një rast pati deklaruar se, Kosova nuk duhet të mbetet peng i “Dhuratës së Rankoviqit”, duke iu referuar komunave në veri të Kosovës.
Kryeministri Rama dhe ministri Cakaj në disa raste janë akuzuar se bëjnë pjesë në planin që implikon ndryshim të kufijve në Ballkan, krahas Vuçiqit, Thaçit dhe ish-shefes së BE-së për politikë të jashtme, Federica Mogherini. Ramës i kishte ardhur akuza edhe nga ish-kryeministri Ramush Haradinaj, me të cilin ka pasur disa përplasje për shkak të dialogut dhe taksës. Kryesorja kishte qenë në takimin mes dy qeverive në vitin 2018 kur Rama në sy të Haradinajt i pati quajtur gomarë të gjithë ata që ngrenë dorë kundër Thaçit dhe ia mveshën epitetin e tradhtarit. Edhe në takimet me ndërkombëtarët Haradinaj ishte ankuar se Rama i ka bërë presion për heqjen e taksës më shumë sesa Vuçiqi. Por kryeministri shqiptar ka mohuar të jetë përzier në dialogun mes Kosovës dhe Serbisë.
Rama i ka dalë në mbrojtje Thaçit e Veselit, duke e quajtur të papranueshme aktakuzën e cila njerëzit më me peshë në luftën e UÇK-s i ndërlidh me rreth 100 vrasje të shqiptarëve, romëve, serbëve dhe kundërshtarëve politikë. Sipas versionit të kryeministrit Rama, aktakuza ishte një fletërrufe e revolucionit kinez që hedh baltë mbi Kosovën e shqiptarinë. “Besoj që e kam mirëkuptimin tuaj për të komunikuar përmes kësaj foltoreje me të gjithë shqiptarët lidhur me befasinë e djeshme kur pothuajse të gjithë jemi prekur me të dëgjuar se zyra e prokurorit të Kosovës njoftoi se i ka dorëzuar për shqyrtim tribunalit special aktakuzën për Thaçin dhe Veselin, që të dy nismëtarë ndaj revoltës ndaj Millosheviqit dhe UÇK, u dyshuakan për një varg krimesh që sfidojnë imagjinatën”, ka thënë Rama në Kuvendin e Shqipërisë.
(Marrë nga Koha.net)
1 vit nga zgjedhjet e 25 prillit si e shikoni gjendjen e vendit:
TIRANË– Kryeministri Edi Rama është shprehur se ka mbetur pa fjalë përsa i përket çështjes së aktakuzës së ngritur ndaj Presidentit të Kosovës Hashi...
TIRANË- Presidenti Ilir Meta ka kthyer sot në Kuvend një tjetër ligj për rishqyrëtim. Sipas një njoftimi nga Presidenca, bëhet me dije se Meta ka kthyer në...
TIRANË– Kryetari i Partisë Demokratike, Lulzim Basha ka reaguar pas shkrimit të ambasadores së SHBA-ve. Në një status në rrjetet sociale, Basha ka ri...
TIRANË- Kryeministri Edi Rama, edhe pse duhet të ishte shumë i zënë me punë dhe duke menduar se si të zgjidhë krizat që kanë goditur Shqipërinë, sërish e k...
TIRANË– Deputetja e Partisë Socialiste, Tatiana Piro, nga foltorja e Kuvendit ka kujtuar sot çështjen Çame. Në fjalën e saj në Kuvend, Piro t...
TIRANË– Fatmir Xhafaj, deputeti i Partisë Socialiste ka dalë hapur pro deklaratës së fortë që bëri ambasadorja e Shteteve të Bashkuara të Amerikës në Shqip...
DURRËS– Këshilli bashkiak i Durrësit ka zhvilluar një mbledhje jashtë rradhe me mjete të komunikimit elektronik dhe ka miratuar katër vendime të rëndësishm...
TIRANË– Ambasada e Shteteve të Bashkuara në Tiranë ka reaguar në lidhje meopinionin e publikuar nga Komisioni i Venecias, në lidhje me emërimet në Gjykatën...
TIRANË- Deputeti Ralf Gjoni ka sqaruar sherrin me Halit Valterin në Kuvend. Në një intervistë në News 24, Gjoni tha se ka qenë gjithçka një keqkupti...
TIRANË– Kryeministri Edi Rama tashmë ka hapur edhe kanalin e tij në Youtube. Për ta bërë “sefte”, Rama ka shpërndarë prapaskenat e intervistës me gaz...
