Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
BULLGARI – Sipas Qendrës Evropiane për Parandalimin dhe Kontrollin e Sëmundjeve, 25.5 për qind e stafit shëndetësor të Bullgarisë është vaksinuar. Kjo është shkalla më e ulët midis vendeve anëtare të BE-së.
“Unë kurrë nuk iu kërkoj pacientëve të mi t’i bëjnë ato vaksina. Ka njerëz që nuk e dinë se çfarë është aspirini dhe kanë mbijetuar. Marrëveshja e vetme tani është të tremben njerëzit, përmes mediave dhe burimeve të tjera të informacionit”, thotë një mjek.
Ky mjek i përgjithshëm që ka folur në kushte anonimiteti, punon me ekipet kombëtare bullgare dhe atletët olimpikë në disa sporte, përfshirë: futbollin, mundjen dhe karatenë. Ai i ka thënë Shërbimit bullgar të Radios Evropa e Lirë se nuk është vaksinuar kundër koronavirusit, sepse “nuk ka asnjë provë” që “një virus i tillë ekziston”. Ai është vetëm njëri prej shumë punonjësve shëndetësorë bullgarë që refuzojnë të vaksinohen.
Sipas Ministrisë bullgare të Shëndetësisë, rreth gjysma e një kategorie më të ngushtë të “personelit mjekësor” është vaksinuar plotësisht. Në Shtetet e Bashkuara, për krahasim, rreth 75 për qind e profesionistëve mjekësorë janë vaksinuar plotësisht. Mjeku anonim, që ka folur për Shërbimin bullgar të Radios Evropa e Lirë, ka pohuar, pa sjellë asnjë provë, se “autopsitë e njerëzve që vdesin nga koronavirusi janë të ndaluara”. “Viruset e tjera vdekjeprurëse mund të diagnostikohen… me COVID-in nuk mund ta bëni këtë”, ka thënë ai.
Skeptikët e koronavirusit shpesh argumentojnë se pacientët – vdekjet e të cilëve i atribuohen sëmundjes që e shkakton koronavirusi, COVID-19 – në të vërtetë vdesin nga shkaqe të tjera. Shkalla e përgjithshme e vaksinimit në Bullgari mbetet nën 25 për qind – më e ulëta në BE. Për krahasim, shkalla e vaksinimit në Portugali është mbi 90 për qind. Deri më tash, mbi 25,000 njerëz kanë humbur jetën nga koronavirusi në Bullgari, ndërsa rritja e numrit të të infektuarve ka mbushur spitalet.
Në fund të javës së kaluar, dhjetëra drejtues të shoqatave mjekësore bullgare dhe disa pacientë janë mbledhur së bashku me ministrin bullgar të Shëndetësisë, Stoycho Katsarov, për të paraqitur një front të bashkuar kundër koronavirusit. Që të gjithë me maska në fytyrë dhe me duar të shtrënguara, ata u kanë bërë thirrje bullgarëve që të vaksinohen sa më shpejt që të jetë e mundur.
“Ne të gjithë po përballemi me një kërcënim të madh dhe nevojiten veprime të përbashkëta”, ka thënë Katsarov.
Nga 21 tetori, Qeveria bullgare ka marrë vendim që qytetarëve t’iu kërkohet “leja e gjelbër”, nëse duan të kenë qasje në shumicën e aktiviteteve që zhvillohen në ambiente të brendshme. Kjo leje nënkupton dëshmi të vaksinimit, të testit negativ të koronavirusit ose të shërimit nga sëmundja. Punonjësit në sektorin e kujdesit shëndetësor duhet ta kenë gjithashtu “lejen e gjelbër”.
“Bullgaria ka dështuar me vaksinat”, ka thënë në takim me Katsarovin Stanimir Hasardjiev, i cili kryeson Organizatën Kombëtare të Pacientëve në Bullgari dhe është anëtar i bordit të Forumit Evropian të Pacientëve.
Ai ka shfaqur shpresën se bullgarët ngurrues ndaj vaksinave, do ta kuptojnë se “nuk ka komplote”. “Vëllezër, për hir të Zotit, vaksinohuni”, ka thënë ai. Aleksander Naidenov, doktor i mjekësisë dentare, i cili ligjëron për biologji në shkollën private STEM në Sofje, thotë se fajtore për shkallën e ulët të vaksinimit në Bullgari është “kultura e pakët shëndetësore”, por edhe mosbesimi ndaj autoriteteve dhe “cirku mediatik”. Ai thotë se rezistenca kokëfortë e mjekëve bullgarë për të përqafuar risitë, siç janë vaksinat anti-COVID, është trashëgimi e zakoneve të këqija të bllokut lindor.
“Shumica e tyre nuk janë kundër vaksinave, por thjesht nuk i kuptojnë vaksinat. Ata skeptikët ndaj vaksinave nuk u besojnë fare autoriteteve në Bullgari, por jo vetëm atyre. Ata nuk i besojnë Organizatës Botërore të Shëndetësisë, nuk i besojnë CDC-së [Qendrave për Kontrollin dhe Parandalimin e Sëmundjeve] në SHBA, ata nuk besojnë në asgjë”, thotë Naidenov, i cili është bërë mbështetës i zëshëm i vaksinimit.
Skepticizmi ndaj vaksinave në Bullgari ka qenë i theksuar shumë kohë përpara se të shfaqej koronavirusi i ri. Një raport i publikuar nga Komisioni Evropian në vitin 2018, mbi “gjendjen e besimit në vaksina”, ka konstatuar se, në mesin e të gjitha vendeve të BE-së, bullgarët “kanë më pak gjasa të pajtohen se vaksinat janë të sigurta”. Kjo sugjeron nevojën për një fushatë të fuqishme të ndërgjegjësimit të publikut dhe për këshilla të besueshme mjekësore, pasi studimet e detajuara klinike kanë treguar se vaksinat e reja janë të sigurta dhe efektive.
“Prejse ka filluar pandemia dhe më vonë, kur kanë nisur të vijnë vaksinat, fushata e informimit e Ministrisë së Shëndetësisë ka qenë shumë kaotike, konfuze, dhe informacionet e dhëna kanë krijuar më shumë frikë sesa besim në vaksinë”, thotë për Radion Evropa e Lirë nënkryetari i Shoqatës Kombëtare të Mjekëve të Përgjithshëm të Bullgarisë, Hristo Dimitrov.
Disa shtete evropiane, përfshirë Greqinë, Hungarinë dhe Francën, kërkojnë tashmë nga punonjësit e kujdesit shëndetësor që të vaksinohen. Disa vende të tjera që kanë shkallë të lartë të vaksinimit, të tilla si Mbretëria e Bashkuar, kanë lënë të kuptohet se planifikojnë që, së shpejti, të kërkojnë nga punonjësit e kujdesit shëndetësor që të vaksinohen. Por, shumë qeveri të tjera i kanë shmangur detyrimet e tilla. Një punonjëse shëndetësore duke testuar një qytetar për koronavirus në Berlin të Gjermanisë.
Përfaqësuesi i mjekëve, Dimitrov, thotë se ka “shumë, shumë pak” dyshues në mesin e specialistëve mjekësorë, që kundërshtojnë vaksinimin kundër koronavirusit. Sipas tij, nocioni se mjekët e përgjithshëm “e sabotojnë fushatën e vaksinimit, është thelbësisht i gabuar”.
“Ajo që e bën situatën të duket më e keqe, është se ata mjekë që dyshojnë, janë më të zëshëm”, thotë Dimitrov.
Statistikat e 5 nëntorit kanë treguar se në mesin e 16,162 rasteve me koronavirus në Bullgari, 4,424 kanë qenë në mesin e mjekëve, 5,409 në mesin e infermierëve dhe 3,180 te “personeli tjetër mjekësor”. Shoqata e Mjekëve në Bullgari thotë se numri i mjekëve të regjistruar në këtë vend është afro 33,000. Sipas saj, më shumë se gjysma e tyre janë vaksinuar plotësisht deri në fund të korrikut. Bullgaria e ka kaluar më lehtë pranverën e vitit 2020, kur Italia dhe Evropa Perëndimore kanë qenë “epiqendra” të infeksioneve të reja me koronavirus. Por, pastaj, ajo është përballur me tri valë të mëdha të koronavirusit. E fundit ka arritur kulmin në fund të tetorit, me afro 5,000 infektime të reja në ditë.
Cila mendoni se është alternativa më e mirë:
BRUKSEL – Raportuesja për Shqipërinë në Parlamentin Evropian, Isabel Santos tha se Tirana zyrtare ka përmbushur të gjitha kriteret e kërkuara për të nisur...
MADRID– Anëtari i Kongresit të Deputetëve në Spanjë, Aitor Esteban, ka kërkuar nga kryeministri i Spanjës, Pedro Sánchez, që Spanja ta njohë pavarësinë e ...
Situata kritike me migrantët në kufijtë e jashtëm të BE ka bërë që kancelarja në detyrë, Angela Merkel të zhvillojë një telefonatë me presidentin rus, Vladimir ...
BRUKSEL – Bashkimi Europian mund të marrë masa penalizuese ndaj disa udhëheqësve politik të Bosnjes Hercegovinës. Sipas informacioneve nga mediat në Bruks...
SERBI – Muralja e ish-gjeneralit famëkeq serb Rato Mladiç është dhunuar nga një përfaqësues i Partisë Socialdemokrate Xhorxho Zujoviç. I riu...
PORTUGALI- Portugalia ka vendosur një ligj të ri, duke ndaluar shefat të kontaktojnë me punonjësit jashtë orarit të punës. Mediat e huaja raportojnë se parlamen...
SHBA– Dua Lipa është takuar me Vjosa Osmanin në ëashington. Presidentja e Kosovës po qëndron në Shtetet e Bashkuara për një vizitë zyrtare, e cila pritet ...
SHBA- Analisti amerikan Daniel Serwer ka kërkuar dëshmi të dokumentuara se Richard Grenell, paguhet nga Serbia për lobim pro saj në Uashington.Serwer ka komentu...
MINSK – Presidenti i Bjellorusisë Aleksandër Lukashenko nuk e ka përmbajtur zemërimin ndaj Perëndimit pas akuzave për organizim të qëllimshëm të krizës së...
GREQI- Ministri i Mjedisit dhe Energjisë, Kostas Skrekas , njoftoi dyfishimin e subvencionit për faturat e energjisë elektrike. Mediat e huaja raprtojnë se për ...
