E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
TIRANË– Është zhvilluar takimi i 8-të i Grupit të Posaçëm për Reformën në Administratën Publike. Nën drejtimin e zëvendëskryeministrit Erion Braçe në këtë takim morën pjesë edhe përfaqësuesit e lartë të Komisionit Europian, Georg Ziegler, Zëvendës drejtor i njësisë për Shqipërinë, Bosnje dhe Hercegovinën, pranë Komisionit Europian.
Gjatë seancave u diskutua mbi progresin në zbatimin e reformave të administratës publike, decentralizimit dhe menaxhimit të financave publike. Në fjalën e tij z.Braçe u shpreh se askush në administratë nuk është i pazëvendësueshëm dhe se nuk sdo të ketë asnjë lloj tolerimi për punonjësit dembelë dhe të paaftë.
“Shumëkush në administratë publike e mendon veten sot të pazëvendësueshëm dhe nuk është i qartë mbi dallimin e meritës akademike e profesionale ndaj angazhimit politik të tyre. Kjo praktikë e reduktuar zëshëm nga qeverisja jonë, pa diskutim që do ketë vëmendjen e nevojshme deri në përmbylljen e plotë të saj. Në zyrat e shtetit nevojiten njerëzit më të përgatitur dhe që ofrojnë shërbim publik cilësor pavarësisht kahjes politike,”- tha Braçe ndër të tjera.
[sgallery url=”https://dosja.al/brace-per-reformen-ne-administrate-sjeni-te-pazevedesueshem-te-paaftet-te-largohen-vete-2/”]
Fjala e plotë e zv.kryeministrit Erion Braçe
Mirëmëngjes të gjithëve!
I nderuar ambasador i delegacionit të BE zoti Soreca,
I nderuar zoti Ziegler, zëvendës drejtor i njësisë për Shqipërinë, Bosnje dhe Hercegovinën pranë komisionit Europian,
Të nderuar ministra,
Të nderuar përfaqësues të partnerëve për zhvillim të delegacionit europian, SIGMA, OSBE e të tjerë,
Të nderuar përfaqësues të institucioneve dhe agjencive që janë të përfshirë në gjithë këtë proces,
Të nderuar përfaqësues të shoqërisë civile,
Ju falënderoj për praninë tuaj sot në takimin e 8-të të Grupit të Posaçëm për Reformën në Administratën Publike.
Grupi i Posaçëm për Reformën në Administratën Publike është forumi kryesor i dialogut politik midis Komisionit Evropian dhe Qeverisë së Republikës së Shqipërisë.
Synimi është i qartë:
Një administratë publike e vogël, që kushton pak, e përputhur plotësisht në strukturë e funksione, pra funksionale, efikase, eficente, e drejtë, e barabartë, e ndershme, duke automatizuar deri në fund, të gjithë procesin e rekrutimit, mbështetur fort tek merita, edukimi, profesionalizmi e përvoja dhe konkurrenca përmes tyre.
Pastërtia e figurës së nëpunësit të administratës publike, posaçërisht në raport me ligjin dhe veprimet në përputhje me ligjin të cilitdo dhe kudo.
Vlerësimin e punës përmes objektivave konkrete e të matshëm çdo muaj, në përputhje me kontratën e performancës së gjithsecilit dhe natyrisht dhe objektivat politike të çdo zyre të shtetit.
Qëndrueshmërinë përmes mbrojtjes ligjore nga ndikimet e kohëpaskohshme politike apo dhe më keq, partiake.
Ndershmërinë profesionale e të shërbimit, përkundrejt qytetarëve, garantuar nga transparenca dhe posaçërisht nga kundërveprimi ligjor ndaj çdo akti të korrupsionit, praktikave të ryshfetit, klientelizmit dhe në fund fare edhe përfitimeve në mënyrë të paligjshme.
Në takimin e sotëm, do të diskutohet gjerësisht në nivel teknik, mbi ecurinë e rekomandimeve të lëna në Progres Raportin e fundit për Reformën në Administratën Publike. Fillimisht do të doja të përmendja fokusin e veçantë politik, në raport me angazhimet e marra, që kanë çështjet si vijon:
Së pari, digjitalizimin e plotë të të gjithë trupës së punonjësve publikë, me dosjet e tyre personale ku do të përfshihen dhe jo vetëm: jetëshkrimi i tyre, përvoja, kualifikimet, vlerësimet e punës ndaj objektivave të matshëm e konkret që janë zbërthim i objektivave të mirepërcaktuara të çdo institucioni, deri në qelizën më të fundit, në zyrën më të fundit të këtij institucioni.
Ndjekja e ecurisë në punë e këtyre punonjësve publikë duke:
Unë mendoj që ua kemi borxh shqiptarëve që prej 1991, partnerëve tanë ndërkombëtarë, por edhe të rinjve shqiptarë, të cilët duhet t’i shpëtojmë përfundimisht nga neglizhenca, mungesa e profesionalizmit, të pandëshkueshmërisë ndaj sjelljeve të padrejta e praktikave korruptive të hasura në gjithë këto vite në çdo zyrë të shtetit.
Në emër të tyre, qeveria është e angazhuar seriozisht dhe me vendosmëri të padiskutueshme për të garantuar përthithjen e prurjeve më të mira në administratën publike,organizimin e tyre në struktura me funksione e objektiva të matshëm, në integritet individual e publik të pacenueshëm, në trajnime të vijueshme, në përqasjen e praktikave më të mira referuese, në stimulimin e sistemit real të vlerësimit e të promovimit të karrierës në çdo qelizë të organizimit shtetëror.
Duke garantuar këtë, qeveria lehtëson skemën e punëmarrësve nga individë abuzues, të paaftë e me mungesë të qartë vullneti për të shërbyer me profesionalizmin që kërkon ky angazhim kombëtar, në raport me të sotmen, të nesërmen e të ardhmen e vendit tonë, Shqipërisë.
Dua të ndalem këtu për të nënvizuar një çështje konkrete. Shumëkush në administratë publike e mendon veten sot të pazëvendësueshëm dhe nuk është i qartë mbi dallimin e meritës akademike e profesionale ndaj angazhimit politik të tyre. Kjo praktikë e reduktuar zëshëm nga qeverisja jonë, pa diskutim që do ketë vëmendjen e nevojshme deri në përmbylljen e plotë të saj. Në zyrat e shtetit nevojiten njerëzit më të përgatitur dhe që ofrojnë shërbim publik cilësor pavarësisht kahjes politike.
Së dyti, theksoj se reformat janë një sfidë e administratës publike, në raport me arritjet që pret shoqëria, e si të tilla nuk mund të jenë të fragmentarizuara, por të ndërtuara, zhvilluara, buxhetuara e monitoruara si një proces i vetëm ku kontribuojnë qartë e konkretisht aktorët e faktorët e saj.
Nëse mungon koordinimi, ndërveprimi, kontrolli mbi përgjegjësitë dhe detyrat e gjithsecilit, procesi nuk mund të garantohet.
Asnjë institucion nuk do të dojë dhe as do të tolerojë që të cenohet në vlerësimin individual apo edhe të riskojë reformën për shkak të një institucioni tjetër që nuk reagon, nuk ka vullnet, nuk ka dëshirë apo edhe nuk ka qëllimin e duhur e të nevojshëm në përmbushje të detyrimeve të marra. Thirrja këtu është shumë e qartë që kur konstatohen raste të tilla të mos neglizhohet adresimi i tyre, pasi deklaroj më prerë: Nuk do të tolerohet, nuk do të ndodhë asnjë vonesë apo mosrealizim për shkaqe subjektive! Nuk do të ndodhë! Dhe për këtë ju garantoj në emër të Qeverisë së Republikës së Shqipërisë!
Nëse ka individë dembelë, të pa vullnetshëm, jo bashkëpunues, jo profesional, jo etik, të korruptuar për më keq, ende në administratën tonë, ju them se ky është momenti për të bërë ata vetë një analizë të punës së tyre dhe angazhimeve të marra që duhen përmbushur, të vlerësojnë vetveten si qenie shoqërore e profesionale e nëse sfidat e tejkalojnë qasjen e mundësitë e tyre, ky është momenti i duhur për të vendosur:
Nëse do të jenë pjesë e rastit frenues të reformave, logjikshëm nuk do të jenë pjesë e sistemit në respekt të detyrimit ligjor, kontraktor, objektivave dhe kodit të etikës që kanë marrë përsipër të përmbushin me detyrën e tyre.
Ritmi është përgjegjësi e Qeverisë, e cila po ashtu kërkon dhe integritetin domosdo! Cilido nga punonjësit publikë të Republikës së Shqipërisë duhet ta lexojë qartë mesazhin e mungesës së tolerancës ndaj paaftësisë, neglizhencës dhe sjelljes korruptive në çdo zyrë të shtetit!
Faleminderit!
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kryetari i Komisionit të Ligjeve, Ulsi Manja, ishte sot i pranishëm në Këshillin Kombëtar të Integrimit Europian, ku foli për reformën në drejtësi....
Eurodeputeti Knut Fleckenstein nga tavolina e Këshilli Kombëtar të Integrimit Europian është shprehur mjaft i zhgënjyer nga partia e Lëvizjes Socialiste për Int...
Kryetari i Partisë Demokratike Lulzim Basha zhvilloi një ditë më parë një takim në Elbasan dhe në Durrës, ku i ftoi shqiptarët të bashkohen në protestën kombëta...
TIRANË– Është mbledhur Këshilli kombëtar i Integrimit. Fillimisht fjalën e mori raportuesi për Shqipërinë nga PE, Knut Fleckenstein.Ai u shpreh se qën...
TIRANË- Ministrja e Drejtësisë Etilda Gjonaj deklaroi gjatë raportimit javor të rezultateve të luftës kundër korrupsionit se Task Forca Antikorrupsion ka v...
TIRANE- Ministri i Brendshëm, Sandër Lleshaj ka dalë në një konferencë për shtyp. Lleshaj tha se kompania kineze ka dështuar me menaxhimin e kushteve të siguris...
TIRANË- Ministrja e Financave dhe Ekonomisë, Anila Denaj ishte e pranishme sot në aktivitetin e organizuar nga Ministria e Shëndetësisë dhe Mbrojtjes Socia...
TIRANË- Kryetari i Kuvendit, Gramoz Ruçi zhvilloi sot një takim me ambasadorin italian në Shqipëri, Alberto Cutillo, ku u diskutua për bashkëpunim...
TIRANË- Ish-deputeti i Lëvizjes Socialiste për Integrim, Petrit Vasili, në një deklartatë për mediat ka reaguar për grabitjen spektakolare në Rinas. Petrit...
TIRANË- Kryetari i Partisë Demokratike, Lulzim Basha ka dalë në një konferencë urgjente lidhur me grabitjen e djeshme në Rinas, dhe me protestën e 13 prill...
