Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
Protesta 50-të/ Qytetarët mbërrijnë para Kryeministrisë, kërkojnë largimin e klasës politike dhe dor&eum...
Protesta 50-të/ Qytetarët mbërrijnë para Kryeministrisë, kërkojnë largimin e klasës politike dhe dor&eum...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Fjalët ishin thuajse të padëgjueshme, por mesazhi ishte i qartë: kryeministri kishte takuar mbretin, Parlamenti do të shpërndahej dhe zgjedhjet do të mbahen më 4 korrik.
ANGLI- Mes shiut dhe zhurmës së altoparlantëve të protestuesve që vunë këngën “Things can only get better”, një himn i Partisë Laburiste, ishte pothuajse e pamundur të dëgjoje kryeministrin Rishi Sunak, duke folur jashtë derës së 10 Downing Street në fund të majit.
Fjalët ishin thuajse të padëgjueshme, por mesazhi ishte i qartë: kryeministri kishte takuar mbretin, Parlamenti do të shpërndahej dhe zgjedhjet do të mbahen më 4 korrik.
Vendimi është impulsiv, i palogjikshëm dhe në një vijë me mënyrën si ka qeverisur deri tani zoti Sunak.
Mbajtja e zgjedhjeve u caktua shumë më herët nga sa kishin pritur shumica e njerëzve. Më herët u publikua inflacioni për periudhën deri në prill, dhe ishte paksa më i lartë se sa pritej, në nivelin 2.3%.
Megjithëse zoti Sunak e cilësoi këtë një fitore (me pretendimin se “inflacioni është kthyer aty ku duhet të jetë”), ishin venitur me kohë shpresat për një ulje të hershme të normave të interesit nga Banka e Anglisë, që do të kishte lehtësuar dhimbjen për pronarët e hipotekave.
Kostot e larta të huamarrjes gjithashtu lënë pak hapësirë për një ulje tjetër taksash në vjeshtë. Në këto kushte, qeveria mund të ketë menduar se meqë nuk pritet të ketë më përfitime në horizont për të joshur publikun, atëherë pse të prisnin?
Sidoqoftë, është shumë e thjeshtë arsyeja se pse ishte e gabuar të vendosej një datë kaq e afërt për mbajtjen e zgjedhjeve të përgjithshme.
Zoti Sunak kryeson një qeveri që tani është po aq jopopullore sa ishte gjatë mandatit të ish-kryeministres Liz Truss, kur inflacioni ishte mbi nivelin 11%, normat e interesit po rriteshin gjithnjë e më shumë dhe kancelari i atëhershëm nuk mund as të dilte në televizor pa u përballur me një grafik të kolapsit të sterlinës.
Ekonomikisht gjërat janë përmirësuar. Inflacioni është shumë më i ulët; rritja tremujore është ndër më të lartat në vendet e G7-ës dhe pagat reale po rriten. Por këto nuk janë reflektuar në sondazhet e konservatorëve.
Miratimi për partinë është ende më i ulët se në kohën kur shpërthyen pasojat e eksperimentit ekonomik të zonjës Truss. Nëse Sunak i fiton zgjedhjet, ai do të jetë udhëheqësi më i papëlqyer në historinë britanike që arrin fitoren. Sidoqoftë, gara zgjedhore tashmë ka filluar.
Gjatë gjithë karrierës, çdo rrëmujë ku Sunak është gjendur, ka qenë e shkaktuar prej atij vetë. Kur ishte kancelar, Sunak i kaloi ditët duke u përpjekur të realizonte dëshirat e çmendura të Boris Johnson, një njeri të cilin Sunak e kishte mbështetur për t’u bërë kryeministër.
Pasi u bë vetë kryeministër, Sunak kaloi me muaj të tërë, duke u përpjekur të bisedonte për të ndryshuar kushtet e një marrëveshjeje për Irlandën e Veriut, që më parë e kishte mbështetur haptazi.
Vështirësitë ekonomike të Britanisë, si inflacioni i lartë dhe produktiviteti i ulët janë përkeqësuar që nga largimi i vendit nga Bashkimi Europian, një vendim që zoti Sunak e kishte mbështetur.
Ai ka një stil mjaft të çuditshëm të sjelljes në politikë: për shembull, kur ishte në Manchester, anuloi një lidhje hekurudhore me shpejtësi të lartë, që shkonte për në Manchester.
Nuk janë vetëm vendimet e tij të mëdha që kanë dështuar, por edhe të voglat. Karriera e zotit Sunak reflekton një politikan joserioz dhe pa ide konkrete, të cilit i interesojnë mbi të gjitha shfaqjet dhe perceptimi.
Si deputet, ai mbështeti fuqishëm portet e lira, që vetëm sa e zhvendosin veprimtarinë ekonomike, në vend që ta krijojnë atë.
Dhe disa herë të tjera, ka kërkuar dhe ka mbështetur ide politike dhe ekonomike, që më pas janë braktisur në heshtje pasi kanë dalë të dështuara.
Edhe pse thotë gjithmonë se është një njeri me plan, Sunak vepron më shpesh si një njeri që i merr vendimet në minutën e fundit. Edhe duke lënë mënjanë motin me shi, kjo nuk ishte një nisje e qetë zgjedhore. Ministrat e kabinetit u detyruan të linin detyrat me të cilat po merreshin, sado të rëndësishme që ishin.
Sekretari i Jashtëm, David Cameron, u kthye me nxitim nga Shqipëria, ku e kishin mirëpritur me një poster gjigant të tijin dhe rrugë të veshura me flamurin britanik.
Qeveria shqiptare është përgjegjëse për një nga sukseset e pakta të mandatit të zotit Sunak: një marrëveshje deportimi që ka ulur shumë numrin e të rinjve shqiptarë që kalojnë me gomone kanalin La Manche.
Kjo ishte vërtet një mënyrë e çuditshme për të thënë “faleminderit”.
Vendimi për t’u hedhur në garën zgjedhore me një njoftim të shkurtër, nuk është i befasishëm nga një njeri që ka pretenduar një “rifillim” çdo gjashtë muaj. Në fillim, ai ishte “teknokrati Rishi”. Pastaj u bë “populisti Rishi”, edhe pse aspak bindës në akuzat që hidhte kundër “wokeness” dhe politikave ekologjike.
Tani ka marrë rolin si “Rishi, garantuesi i sigurisë së Britanisë”. Për më tepër, vetëm pak javë më parë, partia e tij kishte thënë se kishte më shumë mundësi që zgjedhjet do të mbaheshin në vjeshtë.
Slogani i zotit Sunak është “ndjekja e planit”, por janë shumë të pakta ato gjëra për të cilat mund të thuhet se ka ndjekur një vijë koherente.
Edhe politikat që tani i mbështet fuqishëm, më parë i ka kundërshtuar.
Si kancelar, zoti Sunak rriti taksat e paguara nga punonjësit; si kryeministër, ka bërë një sërë shkurtimesh taksash për të njëjtit njerëz. Si kancelar, Sunak kritikoi një skemë të çuditshme dhe mizore për dërgimin e azilkërkuesve nga Britania në Ruandë. Si kryeministër, e ka kthyer këtë politikë në një ide qendrore.
Çfarë alternative kishte ai ndaj mbajtjes së zgjedhjeve në mënyrë të parakohshme? Thjesht të priste. Të shpresosh që diçka të ndodhë, nuk është një zgjedhje e guximshme, por është një zgjedhje logjike. Sepse gjërat ndodhin. Edhe Partia Laburiste ka problemet e veta.
Këshilltarët e saj janë të papërvojë; deputetët kryesorë nuk dallohen për ndonjë talent të veçantë. Në vend që të viheshin në provë me muaj, tani mjafton që ata të mbijetojnë politikisht për vetëm gjashtë javë të tjera. Pritja do të kishte qenë një veprim prej frikacaku, por frikacakët janë zakonisht ata që mbijetojnë.
Pse të bëjmë triliona, kur mund të bëjmë miliarda?
Sunak është treguar i guximshëm deri në marrëzi. Ai ka zgjedhur një strategji sipas stilit të Austin Powers. Në film, ky personazh po luante poker kundër një burri që kishte shikim me rreze X dhe Powers nuk e dinte këtë gjë. Kundërshtari “luan” me 17, merr 4 dhe fiton.
“Më pëlqen të jetoj në mënyrë të rrezikshme”, i thotë ai Powers. Më pas, zoti Powers merr një 5. “Unë do të vazhdoj”, thotë zoti Powers. “Më pëlqen gjithashtu të jetoj në mënyrë të rrezikshme”.
Konservatorëve i duhet një mrekulli për të qëndruar në detyrë. Veprimet e zotit Sunak, qoftë si kancelar apo kryeministër, e bëjnë atë të duket si një njeri i mërzitshëm dhe i papëlqyeshëm, duke i ulur edhe më tepër shanset që kjo mrekulli të ndodhë.
Më 4 korrik do ta marrim vesh.
Marrë nga Monitor.al
SERBI- Presidenti Aleksandër Vuçiç njoftoi së fundmi se fondi i parë prej 125 milionë eurosh do të mbërrijë s...
Donald Trump Në Shtetet e Bashkuara, një president mund të shërbejë maksimumi tetë vjet në detyrë. Kjo do të t...
MALI I ZI- Analistët në Mal të Zi thonë se Serbia dhe Rusia po zhvillojnë një propagandë të fuqishme, duke ndërhy...
TIRANË- Interesimi për ecurinë e gjuhës dhe kulturës shqipe në diasporë bashkoi në mjediset e Universitetit të Sh...
Kamala Harris ZVICËR- Një paketë ndihme prej më shumë se 1.5 miliardë dollarësh për sektorin e energ...
FRANCË- Franca, Gjermania dhe Britania e Madhe e kanë dënuar të shtunën Iranin për ndërmarrjen e hapave për zgjerimin ...
familja mbretërore BRITANI- Dalja e parë publike e Princeshës Kate pas betejës disamujore me kancerin tërhoqi v&eum...
makina pa shofer KINË- Eksperimenti më i madh në botë për makinat pa shofer është duke u zhvilluar në ...
Breshkë deti SHBA- Breshkat e detit shfaqin një gamë të larmishme zakonesh të të ngrënit në varësi të...
Hamid Nourit IRAN- Irani dhe Suedia shkëmbyen të burgosur të shtunën përmes një marrëveshje e cila përfshirë l...
