23 Shtator 2024, 17:50
Nga N.F
Trump dhe Harris
SHBA- Kandidati republikan për president, Donald Trump, zhvillon tubimin e parë në ambiente të jashtme që nga përpjekja e dytë për atentat të dielën e kaluar. Pa ofruar prova, zoti Trump fajësoi për incidentin retorikën e Presidentit Joe Biden dhe Nënpresidentes Kamala Harris.
Në një deklaratë të publikuar në faqen e internetit të Shtëpinë e Bardhë, kandidatja demokrate për presidente, Nënpresidentja Harris tha se ishte thellësisht e shqetësuar nga përpjekja për atentat, duke shtuar se e dënon dhunën politike.
Me të gjitha votat e ligjvënësve të pranishëm, republikanët dhe demokratët e Dhomës së Përfaqësuesve miratuan ditë më parë një projektligj për të shtuar fondet për Shërbimin Sekret. Kohët e fundit, Shërbimi Sekret i pranoi dështimet për sigurimin e zotit Trump gjatë atentatit në Pensilvani, ku ai u godit në vesh nga një plumb.
Ligjvënësit e të dy partive kanë formuar një grup pune për hetimin e përpjekjeve për atentate ndaj zotit Trump dhe shtysën për këtë valë dhune politike. Republikani Mike Kelly drejton grupin e ligjvënësve që po zhvillon hetimet.
“Diçka po ndodh me amerikanët dhe kultura jonë është ndikuar shumë nga kjo. Të dy palët përdorin retorikë dhe pastaj thonë që nuk kishin atë lloj nënkuptimi. Por njerëzit i dëgjojnë këto thirrje dhe i nënkuptojnë ashtu si thuhen. Duhet patur kujdes se çfarë thuhet dhe si thuhet”, thotë ai.
Ligjvënësi demokrat, Jason Crow, është anëtar i grupit që po zhvillon hetimet.
“Ka një dallim të madh mes zhvillimit të debateve të ashpra elektorale, çka është e nevojshme, dënimit të dhunës politike dhe citimit se nuk ka vend në shoqërinë amerikane, pavarësisht nëse je republikan apo demokrat dhe që dikush të përdorë dhunën”, thotë zoti Crow.
Ndërkohë republikani Trump ka vazhduar të përhapë pretendimin e pabazë se imigrantët haitianë në Springfield të Ohajos konsumojnë macet dhe qentë e banorëve.
Pretendimet janë hedhur poshtë nga guvernatori dhe kryetari i bashkisë, të dy republikanë. Sidoqoftë, komuniteti është tronditur nga kërcënimet personale dhe me bombë.
Zëri i Amerikës bisedoi me një emigrant nga Haiti i quajtur Baptise.
"Publikimi në media i lajmeve të tilla na frikëson. Ne po kërkojmë një jetë më të mirë”, thotë ai.
“Një burrë më shau dhe nxori thikën’, tregon një tjetër emigrant haitian.
Pavarësisht thirrjeve të fundit për të zbutur retorikën, të dy kampet po vazhdojnë të godasin ashpër njëri-tjetrin.
“Nëse Kamala Harris rizgjidhet, ajo do të vrasë ëndrrën amerikane përgjithmonë. Ajo nuk është e aftë që të jetë presidente. Nuk dua të jem i pasjellshëm por ajo nuk është kompetente për të qenë presidente”, deklaroi kandidati republikan, Donald Trump.
“Kemi kandidatë republikanë për guvernator që janë krenarë që e cilësojnë veten si nazistë. Le të mos pretendojmë se ndryshimi mes atyre që janë në garë është i vogël”, tha kandidati demokrat për postin e nënpresidentit, Tim Walz, gjatë një tubimi në Pensilvani. Disa shtete kanë filluar tashmë votimin e hershëm për zgjedhjet e 5 nëntorit./ VOA
shba trump harris
Bota
23 Shtator 2024, 17:34
e,d
LONDËR- Një sulm shkatërrues bërthamor në Londër, që mund të shkaktojë 850,000 vdekje dhe dy milionë të...
Bota
23 Shtator 2024, 17:27
fotot ilustruese
LIBAN- Forcat ajrore të Izraelit kryen të hënën dhjetëra sulme në Libanin jugor, duke ju bërë thir...
Bota
23 Shtator 2024, 17:04
e,d
fotot ilustruese
GREQI- Tre persona humbën jetën dhe 25 të tjerë rezultojnë të zhdukur pasi një varkë me emigrant&e...
Bota
23 Shtator 2024, 16:56
N.F
Avokati serb
SERBI- Avokati serb, Çedomir Stojkoviç ka shpërndarë në profilin e tij në "X" një poster përmes s&...
Bota
23 Shtator 2024, 17:05
M.B
Astronautja Tracy Dyson, pas arritjes në Tokë më 23 shtator 2024.
SHBA- Anija kozmike, Soyuz, që bartte dy rusë dhe një ameri...
Bota
23 Shtator 2024, 16:37
e,d
foto ilustruese
BRITANI E MADHE- Më shumë se 25 000 emigrantë kanë mbërritur në Britaninë e Madhe pasi kanë kaluar ...
Bota
23 Shtator 2024, 16:21
e,d
Donald Trump
SHBA- Ish-presidenti amerikan Donald Trump dhe njëkohësisht kandidati republikan ka deklaruar se nëse ai humbet zgjedhjet ...
Bota
23 Shtator 2024, 16:22
M.B
Foto nga vendi i ngjarjes
SHBA- Autoritetet vazhdojnë kërkimet për kapjen e autorëve të cilët hapën zjarr të shtun&...
Bota
23 Shtator 2024, 15:53
e,d
Ryan Wesley Routh
SHBA- Ryan Wesley Routh autori i dyshuar për vrasjen e Donald Trump në një fushë golfi në Florida la pas nj...
Bota
23 Shtator 2024, 15:57
N.F
Trump
SHBA- I dyshuari i arrestuar në atentatin e dytë kundër Donald Trump kishte shkruar një letër në t&...