Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Me 52 vota pro dhe 48 kundër, votimi u nda në vija partiake për të konfirmuar zonjën Gabbard e cila do të mbikqyrë një komunitet me 18 agjenci federale të kundërzbulimit.
SHBA- Ish-ligjvënësja Tulsi Gabbard u konfirmua të mërkurën pasi senatorët republikanë mbështetën të emëruarën e Presidentit Donald Trump për të drejtuar komunitetin e zbulimit.
Me 52 vota pro dhe 48 kundër, votimi u nda në vija partiake për të konfirmuar zonjën Gabbard e cila do të mbikqyrë një komunitet me 18 agjenci federale të kundërzbulimit.
Ky votim është fitorja e radhës për Presidentin Trump ndërsa të emëruarit e tij vazhdojnë përballjen me senatorët.
Pas votimit, zonja Gabbard i tha Presidentit Trump se ajo do të “ndihmonte në realizimin e objektivave që populli amerikan ia besoi atij qartësisht në këto zgjedhje”.
“Populli amerikan ka pak besim tek komuniteti i zbulimit, kryesisht për shkak të përdorimit për qëllime politike dhe politizimit të një entiteti që supozohet që të përqëndrohet thjesht tek garantimi i sigurisë sonë kombëtare”, tha ajo, pak çaste pasi u betua si drejtuese e zbulimit kombëtar, në një ceremoni që u mbajt në Zyrën Ovale në Shtëpinë e Bardhë.
Zonja Gabbard tha se ndihej e nderuar që do të shërbente në administratën e Presidentit Trump “për të ndihmuar në rindërtimin e besimit të publikut dhe për të mbajtur popullin amerikan të sigurt”.
Zonja Gabbard mori mbështetje nga çdo senator republikan, përveç ish-udhëheqësit të shumicës Mitch McConnell, i cili iu bashkua demokratëve dhe kundërshtoi kandidaturën e saj.
Dyzet e tre vjeçarja Gabbard, ish anëtare e Partisë Demokrate, është përballur me pyetjet e senatorëve të të dyja partive në lidhje me deklaratat e saj të mëparshme që shihen si mbështetje për kundërshtarët e Shteteve të Bashkuara dhe për mungesë përvoje.
Zonja Gabbard asnjëherë nuk ka punuar për ndonjë agjenci spiunazhi dhe as nuk ka shërbyer në komisionin për kundërzbulim të Dhomës së Përfaqësuesve, ndërsa ishte ligjvënëse për katër mandate.
Ajo tani do të drejtojë një agjenci që është krijuar nga Kongresi pas sulmeve të 11 shtatorit të vitit 2011, për të bashkërenduar aparatin e gjerë të kundër-zbulimit të Shteteve të Bashkuara, një nga postet më të rëndësishme në qeverinë amerikane që ka të bëjë me sigurinë kombëtare.
Përzgjedhja e drejtuesit të zbulimit kombëtar është me rëndësi të madhe”, thotë Emily Harding, Drejtore e Programit për Zbulim, Siguri Kombëtare dhe Teknologji te Qendra për Studime Strategjike dhe Ndërkombëtare. Ajo vë theksin tek qasja e gjerë që ky drejtues ka mbi materialet e klasifikuara dhe rolin që luan si këshilltar i presidentit për inteligjencë.
Rusia, Siria dhe Snowdeni
Njoftimi i zotit Trump në muajin nëntor për emërimin e zonjës Gabbard shkaktoi habi në qarqet e sigurisë kombëtare, duke shtuar shqetësimet për politizimin e mbledhjes së inteligjencës.
Skeptikët kanë ngritur shqetësimin mbi deklaratat e mëparshme të zonjës Gabbard që vlerësohen si miqësore ndaj agresionit rus në Ukrainë dhe mbrojtjes që i ka bërë ish udhëheqësit sirian Bashar al-Assad. Zonja Gabbard e vizitoi Assadin në Siri më 2017 ndërsa ai ishte nën sanksione amerikane.
Gjatë përballjes me pyetjet e senatorëve, zonja Gabbard u pyet gjithashtu edhe mbi mbrojtjen që i ka bërë më parë ish kontraktorit të Agjencisë së Sigurisë Kombëtare (NSA) Edward Snowden i cili bëri publike në mënyrë të jashtëligjshme mijëra dokumente të klasifikuara dhe më pas kërkoi azil në Rusi.
Disa ishin qartazi të zemëruar nga refuzimi i saj që ta quante Snowdenin tradhëtar.
Republikanët që kishin shprehur shqetësime janë përballur me trysni të shtuar politike nga Presidenti Trump dhe aleati i tij, miliarderi Elon Musk. Ky i fundit kishte paralajmëruar se nëse nuk votonin për konfirmimin e zonjës Gabbard ai do të mbështesë kandidatët që do të sfidonin ata në primaret e ardhshme republikane.
Senatori Todd Young, anëtar i komisionit të zbulimit që në fillim nuk i ofroi mbështetje emërimit të zonjës Tulsi Gabbard, publikoi një deklaratë që i ofronte mbështetje asaj para se komisioni të votonte pro zonjës Gabbard. Komisioni votoi në vija partiake me 9 vota republikane por dhe 8 demokrate kundër duke e çuar emërimin e saj për votimin përfundimtar në Senat.
Senatori që ka qenë oficer i inteligjencës në marinën amerikane e kritikoi zotin Musk para se të mbështeste kandidaturën e zonjës Gabbard. Senatori Young tha se zonja Gabbard e ka siguruar atë se do të mbështesë profesionistët e komunitetit të zbulimit dhe do të ofrojë informacione të paanashme.
Mbështetësit e zonjës Gabbard përshëndetën zotimin e saj që të zvogëlojë stafin e agjencisë së saj ndërsa Presidenti Trump po bën përpjekje të mbyllë agjenci të tëra federale.
Të emëruarit e mëparshëm për këtë post kanë qenë veteranë të komunitetit të zbulimit dhe të cilët janë konfirmuar me mbështetje dypartiake. Daniel Coats, ish ambasador dhe senator republikan që shërbeu në komisionin e inteligjencës ishte konfirmuar gjatë mandatit të parë të Presidentit Trump nga 85 senatorë kundrejt 12 senatorëve që kishin votuar kundër.
Zonja Gabbard hoqi dorë nga Partia Demokratike më 2022 duke u regjistruar si e pavarur. Ajo mbështeti më pas zotin Trump dhe u bashkua me Partinë Republikane më 2024./VOA
Pamje nga vendi i ngjarjes FRANCË- Një granatë e hedhur të mërkurën mbrëma brenda një lokali në ...
Trump SHBA- Një gjykatës federal i hapi udhë të mërkurën planeve të Presidentit Donald Trump për të tkurrur nu...
Tulsi Gabbard SHBA- Ish-ligjvënësja Tulsi Gabbard u konfirmua sot (të mërkurën) pasi senatorët republikanë mbështet...
foto ilustruese WASHINGTON- Një stuhi shoqëruar me rreshje të dendura dëbore dhe shi të ngrirë përfshiu pjesën lind...
Donald Trump dhe Vladimir Putin SHBA- Presidenti i Shteteve të Bashkuara, Donald Trump, tha se ka zhvilluar një telefonatë të gjat&eum...
Vladimir Putinit dhe Xi Jinping SHBA- Ndërsa lufta në Ukrainë po shkon drejt vitit të katërt të saj, presidenti i SHBA Donald...
FRANCË- Kur u hap për herë të parë në 1977, Qendra Pompidou shkaktoi valë tronditëse në shoqërinë pariz...
FRANCË- Njerëzit e lashtë që jetonin në Evropë mund të kenë nxjerrë trurin e armiqve të tyre të vdekur ...
RUSI- Më shumë se 100 peshkatarë u shpëtuan nga një shtresë akulli lundrues që u zhvendos në ujërat jashtë L...
Foto ilustruese GAZA- Kanë kaluar vetëm tre javë nga një armëpushim i brishtë, dhe Izraeli dhe Hamasi po ngrenë secili a...
