LIVE UPDATES
Bota

Teherani në ankth pas takimit të Trumpit me liderin e ri sirian

Pas rënies së Bashar al-Assadit në fund të vitit të kaluar, udhëheqja e re siriane ka vepruar shpejt për t’u shkëputur nga Irani, duke kërkuar aleanca të reja me fqinjët arabë dhe duke u afruar me Perëndimin për të hequr sanksionet.

16 Maj 2025, 22:57 Nga N.F
Teherani në ankth pas takimit të Trumpit me liderin e ri sirian
Foto ilustruese

TEHERAN- Takimi historik i presidentit amerikan, Donald Trump, me presidentin e përkohshëm sirian, Ahmed al-Sharaa, në kryeqytetin saudit, Riad, nuk është pritur mirë nga mediat konservatore në Iran.

Ndërsa mediat më të moderuara u mjaftuan me raportime të drejtpërdrejta për takimin, ato konservatore – të shqetësuara nga largimi i papritur i Sirisë nga orbita e Teheranit – kritikuan Trumpin për takimin me ish-kryengritësin që tani është bërë president.

Ky reagim tregon shqetësimin në rritje në Teheran për humbjen e Sirisë, një pjesë kyç e strategjisë rajonale të Iranit. Pas rënies së Bashar al-Assadit në fund të vitit të kaluar, udhëheqja e re siriane ka vepruar shpejt për t’u shkëputur nga Irani, duke kërkuar aleanca të reja me fqinjët arabë dhe duke u afruar me Perëndimin për të hequr sanksionet.

Kjo situatë vjen ndërkohë që Irani është i përfshirë në negociata të ndjeshme bërthamore me Shtetet e Bashkuara, ku koha dhe ndikimi duket se po i rrëshqasin nga duart.

Trump u takua me Sharaan – një ish-komandant kryengritësish, i njohur me nofkën Abu Mohammed al-Jolani – në kuadër të një takimi me udhëheqësit e Këshillit të Bashkëpunimit të Gjirit, në Riad, më 14 maj, një ditë pasi kishte premtuar se do të hiqte sanksionet ndaj Sirisë.

Presidenti amerikan tha se vendimi i tij synonte t’i jepte Sirisë "një mundësi për madhështi", ndërsa vendi përpiqet të rindërtohet pas 14 vjetësh lufte civile dhe shkatërrimi ekonomik.

Gazeta konservatore Keyhan, drejtori i së cilës emërohet nga lideri suprem iranian Ajatollah Ali Khamenei, e përshkroi takimin Trump-Sharaa si një takim mes "terroristit Jolani" dhe "kumbarit të terroristëve".

Republika Islamike ka akuzuar prej kohësh Shtetet e Bashkuara se financojnë grupe ekstremiste në Lindjen e Mesme për të destabilizuar rajonin dhe ka hedhur poshtë fushatat amerikane kundër këtyre grupeve si farsë.

Agjencia Tasnim, e lidhur me Gardën Revolucionare Islamike të Iranit (e sanksionuar nga SHBA-ja), e quajti takimin si një hap për "formalizimin e marrëdhënieve të SHBA-së me grupet tekfire" – një term që përdoret nga Irani për të përshkruar grupet militante që, sipas tij, kanë lidhje me shtetet sunite të rajonit.

Mediat e tjera konservatore theksuan se Hayat Tahrir al-Sham, grupi që Sharaa drejtonte para se të rrëzonte regjimin e Assadit në dhjetor, ende figuron në listën e organizatave terroriste të SHBA-së.

Rënia e Assadit ishte një goditje e rëndë për Iranin, i cili e shihte Sirinë si një hallkë të pazëvendësueshme në "boshtin e rezistencës", që përfshin aleatët dhe zëvendësit rajonalë të Teheranit.

Sharaa është mirëpritur nga shumica e vendeve arabe në rajon, dhe ka pritur dhjetëra delegacione ndërkombëtare, përfshirë diplomatë evropianë. Më herët, këtë muaj, ai udhëtoi në Francë për t’u takuar me presidentin Emmanuel Macron.

Trump, i cili e përshkroi Sharaan si “një djalë i ri dhe simpatik me një të kaluar të fortë”, i kërkoi atij të normalizojë marrëdhëniet me Izraelin si një nga pesë kushtet për të rivendosur lidhjet me Uashingtonin.

Me rënien e Assadit, ndikimi i Iranit në Siri praktikisht u zhduk, por Rusia ka kërkuar të vendosë marrëdhënie me qeverinë e re dhe të ruajë bazat e saj ushtarake në vend.

“Rusia përfitoi nga fakti që Siria mbeti nën sanksione, ndërsa SHBA-ja dhe Evropa po hezitonin në heqjen e tyre”, tha Nicole Grajewski nga Carnegie Endowment for International Peace, në një prononcim për Radion Evropa e Lirë.

Ajo shtoi se, megjithëse vendimi për heqjen e sanksioneve është “domethënës”, nuk është "transformues", pasi Siria ka ende nevojë për investime dhe ka mosmarrëveshje të hapura midis pakicave dhe qeverisë, si dhe çështja e statusit të kurdëve.

Ndërkohë, Irani është përjashtuar krejtësisht nga loja.

“Ata nuk kanë kapital ekonomik për të ndihmuar në rindërtim dhe perceptohen [nga sirianët] më negativisht se Rusia”, shtoi ajo.

Duke iu referuar raportimeve se njoftimi i Trumpit për heqjen e sanksioneve ndaj Sirisë i befasoi Departamentin e Shtetit dhe atë Thesarit në SHBA, analisti politik me bazë në Londër, Hossein Derakhshan, argumentoi se Irani ka nevojë vetëm të arrijë një marrëveshje me presidentin amerikan për të hequr sanksionet.

“Irani duhet ta kuptojë që kjo mundësi nuk do të përsëritet dhe heqja e sanksioneve primare dhe sekondare ia vlen të ndalë pasurimin e uraniumit për 25 vjet, madje edhe më shumë!”, shkroi ai në X (ish-Twitter).

Gjatë turneut të tij në rajon, këtë javë, Trump tha se Shtetet e Bashkuara janë “afër ndoshta arritjes së një marrëveshjeje” me Iranin për programin bërthamor. “Ne jemi në negociata shumë serioze për paqe afatgjate”, tha ai.

Ndërkohë, Ali Shamkhani, një këshilltar i lartë i Khameneit, i tha NBC News se Irani do të angazhohej të mos prodhonte kurrë armë bërthamore, të eksportonte uraniumin e pasuruar në nivele të larta dhe të pranonte pasurimin vetëm për qëllime civile – nëse Trump do të hiqte menjëherë sanksionet ndaj Teheranit.

Ekspertja për mediat xhihadiste, Mina al-Lami, tha se islamistët e ashpër brenda dhe jashtë Sirisë shqetësohen se Sharaa do të “shesë” luftëtarët e huaj, do të normalizojë marrëdhëniet me Izraelin dhe ndoshta do të shtypë projektet islamike në vend.

“Megjithatë, linjat e ashpra po e kanë të vështirë të mobilizojnë një mbështetje të gjerë, pasi heqja e sanksioneve shihet gjerësisht si një fitore e madhe për Sharaan dhe një përforcim i qartë i imazhit dhe kredibilitetit të tij si lider politik”, shkroi ajo në X./ REL

teheran

Sondazh

Poll
Bota 16 Maj 2025, 18:20 N.F

Sa paguhen deputetët në Gjermani?

Foto ilustruese GJERMANI- Bundestagu ka 630 deputetë, 100 më pak se ai i mëparshmi. Po si paguhen deputetët, sa janë të ardhu...

MË SHUMË

Cili ishte shkaku i vdekjes së aktores së njohur turke Ece Irtem?

Cili ishte shkaku i vdekjes së aktores së njohur turke Ece Irtem?

Fëmijët e birësuar të Brad Pitt nisin procedurat për të mos mbajtur mbiemrin e të atit

Ish-drejtoresha e filialit të Postës së Durrësit u la në burg/ Avokati: Vendim absurd

Kuvendi Kombëtar i Protestës/ Folëses i merret mikrofoni nga dora: Edi Rama të japë dorëheqjen

Tentoi te merrte pjesë në Kuvendin Kombëtar të protestës/Selami Jenisherin nxirret jashtë

Berisha: Do bëjmë gjithçka për të paraqitur realitetin shqiptar pranë Komisionit Evropian

Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës

Berisha: Rama nuk e dënon ministren monstër të Beogradit sepse është vasal i Vuçiçit

Berisha: Ftoj çdo demokrat që të marrë pjesë në protestë dhe të bëjë gjithçka për suksesin e saj

Berisha: Ky është procesi më i thellë i ripërtëritjes së PD që nga themelimi i saj!

“Neomalsorja” i bashkohet protestës së 49-të para Kryeministrisë: Rezistenca e qytetarëve nuk ndalet

Regjisori krijues i Star Wars mbështet Inteligjencën Artificiale

Rama: Deri në 1 mld euro mbështetje për bizneset, kredi deri në 2 milionë euro me interesa të ulëta

Rama i kthehet biznesmenit: Në Shqipëri ka para të pista, por s'mund t'i veshim këtë kostum vendit

Rama i përgjigjet komentuesve: Ka qeveri që bëjnë punë të mira, ka që bëjnë të këqija

Dyfisho sipërmarrjen tënde/ Rama: Cikël takimesh me bizneset e interesuara

Moment paniku në Theth! Guri bie mbi makinë, turistët shpëtojnë pa lëndime

Përfaqësuesi i Sindikatës së Punonjësve të Universiteteve:Dua të përcjell mbështetjen e profesoratit

Plagosja me thikë te Poliklinika e Shkodrës, dalin pamjet e rënda!

Si po ecën marrëdhënia mes Ariana Grande dhe ish të dashurit të saj pas ndarjes me Ethan Slater?

Nuk më pëlqen ta ekspozoj jetën time, Benny Blanco rrëfen si po mësohet me jetën e Selena Gomez

Edi Rama përmend vrasjen e Martin Canit: E kujtoj çdo ditë, ata që e përdorën për politikë e harruan

Rama: Kemi hyrë në zemër të problemit, djegia e makinës pas krimit nuk mund të ndodh më

Kush është modelja që u bë virale për ngjashmërinë me futbollistin Erling Haaland?

Kujtimet tona do të jetojnë gjithmonë, mesazhi i Donatella Versace për të vëllain Gianni Versace

Berisha: Dënoj heshtjen prej vasali të qeverisë shqiptare ndaj deklaratës së ministres së Vuçiçit

Berisha: Drejtimi i PD është ripërtërirë me personalitete ndër më të shquarit në fushat e tyre

Berisha uron drejtuesit e rinj të PD: Vota e lirë në themel të kësaj force politike

Çfarë detajesh tërhoqën vëmëndjen në festimet e ditëlindjes së Jennifer Lopez në Paris?

Salla: Fermeri do ta shohë prodhimin edhe si aset për financim

Përplasje e ashpër në Kuvend/ Bido: Populizëm që dëmton Kosovën

Tentoi të transportonte pistoleta! Kapet në tunelin e Skërficës, 31-vjeçari

Ndryshimet në "Ligjin për Turizmin", Balla: Pezullohen punimet në bregdet gjatë sezonit turistik

Balla mbron Ramën nga Redi Muçi: Lani gojën kur t'i përmendni emrin

Deklarata diskriminuese e ministres serbe/ Muçi akuzon Ramën për heshtje: Çfarë pret kryeministri?

Spiropali dërgon në Asamblenë e PS mocionin për hapjen e partisë

Kuvendi mblidhet sot në seancë plenare, ‘blindohet’ me autobotë uji dhe forca të shumta policore

Ilirjana Kuçana akuzon lidershipin për shkelje të Statutit dhe "Mulizim" të partisë

Protestuesja: Shqipëria nuk e përmban dot një koncert si të Kanye West, vendi ynë ka marrë fund

Thirrjet për Ramën, protestuesi: Traumë për fëmijët të thonë Rama jep dorëheqjen

Dita 46-të e protestës/ Protestuesi: Sali Berisha dhe Edi Rama të thyejnë qafën

Protesta qytetare bën bashkë shqipëtarë nga çdo krahinë, valëviten flamujt nga diaspora

Protesta e 46-të/ Mbyllen fjalimet para Kryeministrisë, nis marshimi rrugëve të Tiranës

PD ndërpret sinjalin për median/ Anëtarja e Këshillit Kombëtar përplaset me Berishën

Berisha prezanton emrat: PD do të ketë nënkryetar nga diaspora dhe rinia

Berisha: Gjenerata Z dhe qytetarët i hapën varrin narkodiktaturës dhe do ta marrin me vete

Berisha: Protesta 46-ditore që vazhdon është tërësisht antidiktatoriale

Berisha: Gjithçka zhvillohet sot në rrugë dhe sheshet e Tiranës është një betejë e kauzës

Këshilli Kombëtar/ Berisha prezanton emrat e propozuar për anëtarët e Këshillit të Diasporës

Dua Lipa: Frymëzuese të shoh qytetarët në protestë, ndërkohë që qeveria anashkalon ligjet

Shiko video te tjera