Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Rutte do të takohet me kryeministrin e Britanisë së Madhe, Keir Starmer, të hënën, për herë të dytë në Downing Street që nga ardhja në pushtet e liderit laburist në korrik 2024.
LONDËR- Sekretari i përgjithshëm i NATO-s, Mark Rutte, bëri thirrje më 9 qershor për një rritje prej 400 për qind të mbrojtjes kundërajrore dhe raketore, për ta mbrojtur aleancën veriatlantike nga kërcënimet e Rusisë.
“Në Ukrainë po shohim se si Rusia përdor terrorin nga ajri, prandaj do ta forcojmë mburojën që mbron qiellin tonë”, tha Rutte gjatë një fjalimi në institutin Chatham House në Londër, sipas deklaratës së publikuar nga AFP.
“NATO-s i duhet një rritje prej 400 për qind e kapaciteteve të mbrojtjes ajrore dhe raketore për ta ruajtur një parandalim dhe mbrojtje të besueshme”, shtoi ai.
“Fakt është që kemi nevojë për një rritje të madhe në mbrojtjen tonë kolektive”, theksoi ai.
Rutte do të takohet me kryeministrin e Britanisë së Madhe, Keir Starmer, të hënën, për herë të dytë në Downing Street që nga ardhja në pushtet e liderit laburist në korrik 2024.
Komentet e Rutte vijnë para samitit të NATO-s që do të mbahet këtë muaj në Holandë. Por, Moska i ka dënuar menjëherë deklaratat e tij, duke e cilësuar NATO-n si një “instrument agresioni”.
“NATO po shfaqet si një instrument agresioni dhe përballjeje”, deklaroi zëdhënësi i Kremlinit, Dmitry Peskov, para gazetarëve në Moskë.
Presidenti amerikan, Donald Trump, po ushtron presion ndaj vendeve anëtare të NATO-s ta rrisin ndjeshëm buxhetet e tyre ushtarake. Ai po kërkon që shpenzimet për mbrojtje të arrijnë në pesë për qind të bruto produktit të brendshëm (BPB), nga caku i tanishëm prej dy për qind.
Sekretari amerikan i Mbrojtjes, Pete Hegseth, deklaroi javën e kaluar në Bruksel se aleatët janë afër arritjes së një marrëveshjeje për cakun e ri prej pesë për qind, i cili pritet të formalizohet në samitin e Hagës.
“Besojmë se brenda pak javësh kjo aleancë do të zotohen për pesë për qind, nga të cilat 3.5 për qind do të shkojnë për armatim të rëndë dhe 1.5 për qind për infrastrukturë dhe aktivitete mbrojtëse”, tha Hegseth të enjten. “Ky është zotim real dhe besojmë se çdo vend mund ta rrisë kontributin e vet”.
Vendet anëtare të NATO-s janë duke punuar për t’i rritur kapacitetet e tyre mbrojtëse që prej fillimit të luftës së Rusisë kundër Ukrainës në shkurt 2022.
“Rreziku nuk do të zhduket as kur të përfundojë lufta në Ukrainë”, theksoi Rutte më 9 qershor.
“Na duhen më shumë trupa dhe kapacitete për të zbatuar plotësisht planet tona mbrojtëse. Ushtritë tona kanë gjithashtu nevojë për mijëra automjete të blinduara dhe tanke, si dhe miliona predha artilerie”, theksoi ai.
Britania javën e kaluar njoftoi plane për ndërtimin e deri në 12 nëndetëseve bërthamore dhe gjashtë fabrikave për prodhimin e municionit dhe predhave, si përgjigje ndaj asaj që e cilëson si kërcënim nga Rusia.
Më herët këtë vit, qeveria e Starmerit premtoi t’i rrisë shpenzimet për mbrojtje në 2.5 për qind të BPB-së deri në vitin 2027, por ende nuk ka përcaktuar një afat të qartë për rritje të mëtejshme.
“NATO duhet të bëhet një aleancë më e fortë, më e drejtë dhe më vdekjeprurëse”, përfundoi Rutte./REL
Joschka Fischer GJERMANIA- Ish-Ministri i Jashtëm i Gjermanisë Joschka Fischer është shprehur se numri i ushtarëve të us...
pamje nga vendngjarja SHBA- Një gazetare australiane u qëllua me plumb gome nga një oficer policie, ndërsa po raportonte për ...
Donald Trump dhe XI Jinping LONDËR- Shtetet e Bashkuara dhe Kina do të rifillojnë bisedimet tregtare në Londër t&eu...
foto ilustruese GAZA- Forcat detare izraelite e kanë ndalur dhe konfiskuar të hënën një anije bamirësie, e cila po përpi...
Kryetari i Partisë Demokratike Serbe në Republikën Sërpska, Millan Milliqeviç, në foltore - fotografi arkivi BOSNJE-HERCEGO...
Foto nga bordi LINDJE E MESME- Izraeli ndaloi një anije ndihmash që shkonte në Gaza të hënën në mëngjes, duke ...
Miguel Uribe Turbay KOLUMBIA- Kandidatit presidencial dhe senatorit të njohur konservator në Kolumbi, Miguel Uribe Turbay u qëllua 3 h...
Foto nga vendi i ngjarjes SHBA- Protestat kundër bastisjeve të emigrantëve në qytetin e Los Angeles kanë hyrë në di...
Volodymyr Zelensky UKRAINA- Presidenti i Ukrainës, Volodymyr Zelensky, ka thënë se do t’i vazhdojë përpjekjet për k&eum...
Foto ilustruese EUROPA- Akte sabotimi kundër dërgesave të armëve perëndimore në Ukrainë, propagandë pro-ruse, madje...
