LIVE UPDATES
Bota

SHBA-ja i heq përkohësisht sanksionet për naftën e bllokuar ruse në det

Ai tha se ky vendim synon të ndihmojë në stabilizimin e tregjeve të energjisë dhe në mbajtjen e çmimeve të ulëta, për shkak të asaj që ai e përshkroi si “kërcënim dhe paqëndrueshmëri të shkaktuar nga regjimi terrorist iranian”.

13 Mars 2026, 14:40 Nga E.d
SHBA-ja i heq përkohësisht sanksionet për naftën e bllokuar
Foto ilustruse

Administrata e presidentit amerikan Donald Trump e lëshoi të enjten një licencë të përkohshme që i lejon vendet të blejnë naftë ruse që ndodhet e bllokuar në det, shkroi të premten në X sekretari i Thesarit, Scott Bessent.

Ai tha se ky vendim synon të ndihmojë në stabilizimin e tregjeve të energjisë dhe në mbajtjen e çmimeve të ulëta, për shkak të asaj që ai e përshkroi si “kërcënim dhe paqëndrueshmëri të shkaktuar nga regjimi terrorist iranian”.

Licenca, e publikuar në faqen e internetit të Departamentit të Thesarit të Shteteve të Bashkuara, vlen vetëm për naftën e papërpunuar ruse dhe produktet e naftës që janë ngarkuar në anije deri më 12 mars. Ajo lejon që këto dërgesa të dorëzohen deri më 11 prill.

Një burim diplomatik ukrainas tha se ky është një vendim që sigurisht nuk do të ndihmojë në stabilizimin e tregut, por do ta ndihmojë Rusinë të zhvillojë luftën për më gjatë, veçanërisht duke marrë parasysh se vetë Rusia po e ndihmon regjimin iranian ta destabilizojë Lindjen e Mesme. Rusia tha se e cilëson këtë vendim si një përpjekje për t’i stabilizuar tregjet globale të energjisë.

Zëdhënësi i Kremlinit, Dmitry Peskov, tha se Moska beson se interesat e Rusisë dhe të Shteteve të Bashkuara “përputhen bazuar në rrethanat” për këtë çështje, sipas agjencisë ruse të lajmeve, Interfax. Presidenti i Këshillit Evropian, Antonio Costa, e kritikoi këtë vendim.

Në një postim në X, ai tha se vendimi i njëanshëm i SHBA-së për të hequr sanksionet ndaj eksporteve të naftës ruse është “shumë shqetësues”, sepse ndikon në sigurinë evropiane, dhe paralajmëroi se dobësimi i sanksioneve do t’i jepte Rusisë më shumë burime për ta vazhduar luftën kundër Ukrainës.

Eksperti ukrainas i energjisë, Mykhailo Honchar, president i Qendrës së Studimeve Globale Strategy XXI, tha se Rusia gjithsesi do të përfitojë financiarisht nga ky vendim amerikan, edhe nëse fitimet nuk ka gjasa të jenë vendimtare për buxhetin e saj.

“Sigurisht që do të ketë njëfarë përfitimi, pa asnjë dyshim”, tha Honchar për Shërbimin ukrainas të REL-it, duke shtuar se pyetja kryesore është se çfarë do të ndodhë pasi të skadojë vendimi fillestar.

Ai paralajmëroi se çështja më e rëndësishme është nëse Shtetet e Bashkuara do t’i rikthejnë sanksionet pas periudhës 30-ditore apo do ta zgjasin më tej lehtësimin.

Sipas tij, Ukraina duhet t’i nxisë partnerët evropianë të mos lejojnë lehtësime të ngjashme dhe t’i vazhdojë kontaktet me zyrtarët në Uashington për të siguruar që ky lehtësim të mos zgjatet.

Vendimi vjen në një kohë kur çmimet e naftës janë në rritje dhe u ngritën mbi 100 dollarë për fuçi më 12 mars, pas raportimeve për sulme të tjera ndaj anijeve në ujërat e Gjirit Persik dhe mbylljen e disa terminaleve kryesore të naftës.

Nafta ruse u bllokua në det për shkak të sanksioneve të SHBA-së të vendosura ndaj prodhuesve të mëdhenj rusë. Ekspertët vlerësojnë se më shumë se 100 milionë fuçi naftë me origjinë ruse ndodhen aktualisht në det në mbarë botën.

Më parë, Shtëpia e Bardhë kishte ndaluar blerjen e naftës ruse dhe kishte kërcënuar me tarifa të larta vendet që vazhdonin ta blinin, duke thënë se masat synonin të ndërprisnin fondet që përdoren për të financuar luftën e Kremlinit kundër Ukrainës. Demokratët dhe disa republikanë e kanë kundërshtuar mundësinë e lehtësimit të sanksioneve ndaj Rusisë.

Kritikët argumentojnë se çdo e ardhur shtesë nga nafta mund ta ndihmojë presidentin rus Vladimir Putin të intensifikojë sulmet kundër Ukrainës. Shtëpia e Bardhë ka mohuar se Trump po favorizon Moskën në negociatat që synojnë t’i japin fund luftës së Rusisë kundër Ukrainës.

Më herët, Shtetet e Bashkuara i dhanë Indisë një licencë 30-ditore për të blerë naftë ruse që tashmë ishte bllokuar në det. Bessent tha në atë kohë se ky hap u ndërmor që “nafta të vazhdonte të rridhte në tregun global”.

Shtëpia e Bardhë tha se nuk besonte se ky autorizim do t’i sillte Rusisë përfitime të mëdha financiare. Së fundmi, Komisioni Evropian i kërkoi Shteteve të Bashkuara të ruajnë kufizimet ndaj naftës ruse. Ndërkohë, Shtetet e Bashkuara dhe Izraeli janë duke kryer sulme ndaj Iranit që nga 28 shkurti.

Si përgjigje, Teherani ka sulmuar Izraelin dhe bazat ushtarake amerikane në Gjirin Persik. Lufta në Lindjen e Mesme, tashmë në javën e dytë, ka ndërprerë trafikun nëpër Ngushticën e Hormuzit, një kalim përmes të cilit kalon rreth një e pesta e furnizimit botëror me naftë./REL

shba rusi naftë

Sondazh

Poll
MË SHUMË

Cili ishte shkaku i vdekjes së aktores së njohur turke Ece Irtem?

Cili ishte shkaku i vdekjes së aktores së njohur turke Ece Irtem?

Fëmijët e birësuar të Brad Pitt nisin procedurat për të mos mbajtur mbiemrin e të atit

Ish-drejtoresha e filialit të Postës së Durrësit u la në burg/ Avokati: Vendim absurd

Kuvendi Kombëtar i Protestës/ Folëses i merret mikrofoni nga dora: Edi Rama të japë dorëheqjen

Tentoi te merrte pjesë në Kuvendin Kombëtar të protestës/Selami Jenisherin nxirret jashtë

Berisha: Do bëjmë gjithçka për të paraqitur realitetin shqiptar pranë Komisionit Evropian

Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës

Berisha: Rama nuk e dënon ministren monstër të Beogradit sepse është vasal i Vuçiçit

Berisha: Ftoj çdo demokrat që të marrë pjesë në protestë dhe të bëjë gjithçka për suksesin e saj

Berisha: Ky është procesi më i thellë i ripërtëritjes së PD që nga themelimi i saj!

“Neomalsorja” i bashkohet protestës së 49-të para Kryeministrisë: Rezistenca e qytetarëve nuk ndalet

Regjisori krijues i Star Wars mbështet Inteligjencën Artificiale

Rama: Deri në 1 mld euro mbështetje për bizneset, kredi deri në 2 milionë euro me interesa të ulëta

Rama i kthehet biznesmenit: Në Shqipëri ka para të pista, por s'mund t'i veshim këtë kostum vendit

Rama i përgjigjet komentuesve: Ka qeveri që bëjnë punë të mira, ka që bëjnë të këqija

Dyfisho sipërmarrjen tënde/ Rama: Cikël takimesh me bizneset e interesuara

Moment paniku në Theth! Guri bie mbi makinë, turistët shpëtojnë pa lëndime

Përfaqësuesi i Sindikatës së Punonjësve të Universiteteve:Dua të përcjell mbështetjen e profesoratit

Plagosja me thikë te Poliklinika e Shkodrës, dalin pamjet e rënda!

Si po ecën marrëdhënia mes Ariana Grande dhe ish të dashurit të saj pas ndarjes me Ethan Slater?

Nuk më pëlqen ta ekspozoj jetën time, Benny Blanco rrëfen si po mësohet me jetën e Selena Gomez

Edi Rama përmend vrasjen e Martin Canit: E kujtoj çdo ditë, ata që e përdorën për politikë e harruan

Rama: Kemi hyrë në zemër të problemit, djegia e makinës pas krimit nuk mund të ndodh më

Kush është modelja që u bë virale për ngjashmërinë me futbollistin Erling Haaland?

Kujtimet tona do të jetojnë gjithmonë, mesazhi i Donatella Versace për të vëllain Gianni Versace

Berisha: Dënoj heshtjen prej vasali të qeverisë shqiptare ndaj deklaratës së ministres së Vuçiçit

Berisha: Drejtimi i PD është ripërtërirë me personalitete ndër më të shquarit në fushat e tyre

Berisha uron drejtuesit e rinj të PD: Vota e lirë në themel të kësaj force politike

Çfarë detajesh tërhoqën vëmëndjen në festimet e ditëlindjes së Jennifer Lopez në Paris?

Salla: Fermeri do ta shohë prodhimin edhe si aset për financim

Përplasje e ashpër në Kuvend/ Bido: Populizëm që dëmton Kosovën

Tentoi të transportonte pistoleta! Kapet në tunelin e Skërficës, 31-vjeçari

Ndryshimet në "Ligjin për Turizmin", Balla: Pezullohen punimet në bregdet gjatë sezonit turistik

Balla mbron Ramën nga Redi Muçi: Lani gojën kur t'i përmendni emrin

Deklarata diskriminuese e ministres serbe/ Muçi akuzon Ramën për heshtje: Çfarë pret kryeministri?

Spiropali dërgon në Asamblenë e PS mocionin për hapjen e partisë

Kuvendi mblidhet sot në seancë plenare, ‘blindohet’ me autobotë uji dhe forca të shumta policore

Ilirjana Kuçana akuzon lidershipin për shkelje të Statutit dhe "Mulizim" të partisë

Protestuesja: Shqipëria nuk e përmban dot një koncert si të Kanye West, vendi ynë ka marrë fund

Thirrjet për Ramën, protestuesi: Traumë për fëmijët të thonë Rama jep dorëheqjen

Dita 46-të e protestës/ Protestuesi: Sali Berisha dhe Edi Rama të thyejnë qafën

Protesta qytetare bën bashkë shqipëtarë nga çdo krahinë, valëviten flamujt nga diaspora

Protesta e 46-të/ Mbyllen fjalimet para Kryeministrisë, nis marshimi rrugëve të Tiranës

PD ndërpret sinjalin për median/ Anëtarja e Këshillit Kombëtar përplaset me Berishën

Berisha prezanton emrat: PD do të ketë nënkryetar nga diaspora dhe rinia

Berisha: Gjenerata Z dhe qytetarët i hapën varrin narkodiktaturës dhe do ta marrin me vete

Berisha: Protesta 46-ditore që vazhdon është tërësisht antidiktatoriale

Berisha: Gjithçka zhvillohet sot në rrugë dhe sheshet e Tiranës është një betejë e kauzës

Këshilli Kombëtar/ Berisha prezanton emrat e propozuar për anëtarët e Këshillit të Diasporës

Dua Lipa: Frymëzuese të shoh qytetarët në protestë, ndërkohë që qeveria anashkalon ligjet

Shiko video te tjera