Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Uashingtoni u bëri thirrje të gjithë udhëheqësve politikë dhe atyre që qëndrojnë prapa këtyre vendimeve që të përmbahen nga “përfshirja në veprime të tjera destabilizuese dhe nga retorika nxitëse”.
SHBA- Shtetet e Bashkuara dhe Bashkimi Evropian kanë kundërshtuar vendimet e fundit të ndërmarra nga autoritetet në entitetin e Republikës Sërpska në Bosnjë e Hercegovinë.
Reagimi i Uashingtonit dhe Brukselit vjen një ditë pasi presidenti i këtij entiteti serb në Bosnje, Millorad Dodik, dekretoi ligje antikushtetuese, të miratuara nga Kuvendi i Republikës Sërpska, me të cilat ndalohet veprimtaria e Gjykatës dhe Prokurorisë së Bosnjë e Hercegovinës, Agjencisë Shtetërore për Hetime dhe Mbrojtje dhe Këshillit të Lartë Gjyqësor dhe Prokurorial të Bosnjës.
Ndër këto ligje përfshihet edhe ai për Regjistrin e Posaçëm dhe transparencën e punës së organizatave jofitimprurëse. Ambasada amerikane në Sarajevë tha se Uashingtoni është “thellësisht i shqetësuar” me nënshkrimin e dekreteve nga Dodiku.
“Të jemi të qartë, ky është një provokim i qëllimshëm ndaj rendit kushtetues të Bosnjë e Hercegovinës dhe përbën kërcënim të drejtpërdrejtë për stabilitetin dhe sigurinë e Bosnjës si dhe për objektivat strategjike të SHBA-së”, tha Ambasada amerikane.
Uashingtoni u bëri thirrje të gjithë udhëheqësve politikë dhe atyre që qëndrojnë prapa këtyre vendimeve që të përmbahen nga “përfshirja në veprime të tjera destabilizuese dhe nga retorika nxitëse”.
“Angazhohuni në një dialog politik konstruktiv dhe të përgjegjshëm. Mbështesni institucionet demokratike të Bosnjës dhe respektoni sundimin e ligjit. Po ashtu, jepni kontributin tuaj për të ulur tensionet politike”, u tha në reagimin e Ambasadës amerikane në Sarajevë.
Thirrje për respektimin e Kushtetutës së Bosnjës dhe vendimeve të gjykatave në këtë shtet bëri edhe Bashkimi Evropian.
Përmes një reagimi, Brukseli përsëriti sërish qëndrimin se duhet t’i jepet fund presionit politik ndaj zyrtarëve publikë që të largohen nga institucionet shtetërore.
“Aktet ligjore të miratuara më 27 shkurt nga Asambleja e Republikës Sërpska dhe të nënshkruara më 5 mars nga presidenti i Republikës Sërpska rrezikojnë rendin kushtetues dhe ligjore të Bosnjë e Hercegovinës dhe funksionimin e institucioneve të vendit si dhe liritë themelore të qytetarëve. Këto veprime janë në kundërshtim me përkushtimin e Bosnjës që ka marrë në rrugën e integrimit në BE”, tha BE-ja.
Brukseli tha se Republika Sërpska dhe entitetet e tjera duhet të respektojnë Kushtetutën dhe ligjet në Bosnje, të respektojnë vendimet e institucioneve përkatëse shtetërore, përfshirë të Gjykatës Kushtetuese, Këshillit të lartë gjyqësor e Prokurorial e institucioneve të tjera të drejtësisë.
Edhe Brukseli i bëri thirrje udhëheqjes në Republikën Sërpska që të përmbahet nga retorika provokuese e përçarëse dhe të mos vë në dyshim sovranitetin, unitetin dhe tërësinë territoriale të Bosnjë e Hercegovinës.
“Presioni politik ndaj zyrtarëve publikë që të largohen nga institucionet e nivelit shtetëror duhet të ndalen. Sovraniteti dhe integriteti territorial si dhe rendi kushtetues i Bosnjë e Hercegovinës duhet të respektohen”, u tha në reagimin e BE-së.
Ligjet e miratuara nga Asambleja në Republikën Sërpska, të cilat më pas u dekretuan nga Dodik, vijnë pasi Gjykata e Bosnjës e dënoi me një vit burgim atë.
Në vendimin e shkallës së parë, të shpallur më 26 shkurt, Dodik u dënua edhe me ndalim të ushtrimit të funksionit të presidentit për gjashtë vjet. Ai u shpall fajtor për mosrespektim të vendimeve të përfaqësuesit të lartë ndërkombëtar në këtë shtet, Christian Schmidt.
Udhëheqësit e Republikës Sërpska, para shpalljes së dënimit, kishin kërcënuar me “vendime radikale” dhe braktisje të institucioneve të Bosnjë e Hercegovinës nëse Dodik do të dënohej./VOA
SHBA - “Ukraina duhet të mbajë zgjedhje. "Zelensky do të humbiste me një rrëshqitje toke," shkroi Elon Musk në X. Ko...
Siri - Të paktën 16 anëtarë të forcave siriane të sigurisë janë vrarë në përleshjet me mbësht...
SHBA- Dhoma e Përfaqësuesve miratoi të enjten një rezolutë për të dënuar sjelljen e ligjvënësit demokrat Al ...
Elon Musk SHBA- Ndërsa liderët evropianë mblidhen në Bruksel për të diskutuar mbrojtjen evropiane dhe mbështetjen pë...
SHBA-Ukrainë/ Konsultimet mes palëve të përfshira për çështjen e Ukrainës janë të ethshme, me të dh&e...
Justin Trudeau KANADA- Kryeministri Justin Trudeau ka deklaruar se Kanadaja do të vazhdojë të jetë në një luft&eum...
Foto ilustruese SHBA- Presidenti amerikan Donald Trump vendosi tarifa prej 25% ndaj Kanadasë dhe Meksikës, si dhe 10% tarifa të reja ndaj Ki...
Rusi - Kremlini, përmes Dmitry Peskov, iu përgjigj pretendimit të Donald Tusk para fillimit të takimit të Kë...
Vladimir Putin RUSI- Presidenti rus, Vladimir Putin, një ditë pas fjalës së Emmanuel Macron, në të cilën presidenti fran...
pamje nga vendngjarja BELGJIKË- Një ngjarje e rëndë ka ndodhur në Belgjikë, ku si pasojë katër persona jan&eum...
