Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Shtetet e Bashkuara i kanë refuzuar Presidentit palestinez Mahmud Abas hyrjen në SHBA për të marrë pjesë në Asamblenë e Përgjithshme të OKB-së që do të zhvillohet në shtator. Përveç kësaj do t'u revokohen vizat edhe rreth 80 përfaqësuesve të tjerë palestinezë, tha një zëdhënës i Departamentit të Shtetit të SHBA-së.
SHBA- Në kuadrin e Asamblesë së Kombeve të Bashkuara disa shtete planifikojnë të njohin së shpejti shtetin palestinez. SHBA shpreh refuzimin e saj me anulim vizash për përfaqësuesit palestinezë.
Shtetet e Bashkuara i kanë refuzuar Presidentit palestinez Mahmud Abas hyrjen në SHBA për të marrë pjesë në Asamblenë e Përgjithshme të OKB-së që do të zhvillohet në shtator. Përveç kësaj do t'u revokohen vizat edhe rreth 80 përfaqësuesve të tjerë palestinezë, tha një zëdhënës i Departamentit të Shtetit të SHBA-së.Autoriteti Palestinez, i udhëhequr nga 89-vjeçari Abas, administron pjesë të Bregut Perëndimor të pushtuar nga Izraeli.
"Është në interesin e sigurisë sonë kombëtare t'i konsiderojmë PLO-në [Organizatën për Çlirimin e Palestinës] dhe Autoritetin Palestinez (AP) përgjegjës për dështimin në përmbushjen e angazhimeve të tyre dhe minimin e perspektivave për paqe", shkroi ministria. Për t'u konsideruar si partnerë në procesin e paqes, PLO dhe AP duhet së pari "të refuzojnë vazhdimisht terrorizmin".
Status vëzhguesi - si Vatikani
Departamentit amerikan i Shtetit deklaroi se megjithë masën ndaj Abasit përfaqësia e Autoritetit Palestinez (AP) në Kombet e Bashkuara është e përjashtuar nga kufizimet. Autoriteti Palestinez ka vetëm statusin e vëzhguesit dhe nuk është anëtar i plotë i OKB-së - njësoj si dhe Vatikani. Një zëdhënës i OKB-së tha se përfaqësuesit e OKB-së do ta diskutojnë çështjen e refuzimit të vizave me Departamentin e Shtetit të SHBA-së.
Zyra e Presidentit Palestinez Abas u shpreh e habitur dhe tha se vendimi përbën një shkelje të Marrëveshjes së Selisë së OKB-së të vitit 1947, sipas së cilës Shtetet e Bashkuara janë në përgjithësi të detyruara t'u lejonë diplomatëve të huaj akses në Kombet e Bashkuara në Nju-Jork.
Selia e Kombeve të Bashkuara ndodhet në një territor me status të veçantë që, në kuptimin e ngushtë të fjalës, nuk është pjesë e Shteteve të Bashkuara. Megjithatë, meqenëse nuk ka aeroportin e vet, delegacionet e huaja duhet të hyjnë së pari në territorin e SHBA-së përpara se të shkojnë në selinë e OKB-së, gjë që është e mundur vetëm me vizë.
Reagime për refuzimin vizës
Kryeministri i Spanjës, Pedro Sanchez, telefonoi me Presidentin e Autoritetit Palestinez Mahmud Abas, pasi SHBA i mohoi atij vizën, dhe i shprehu atij mbështetjen e Madridit. Refuzimi i vizës është "i padrejtë", shkroi Sanchez në një postim në platformën X.
Ministri i Jashtëm i Francës, Jean-Noël Barrot, tha në kuadër të një takimi të ministrave të Jashtëm të BE-së në kryeqytetin danez Kopenhagen: "Një debat i përgjithshëm në Kombet e Bashkuara nuk duhet t'i nënshtrohet asnjë kufizimi për të marrë pjesë." Barrot nuk i përmendi drejtpërdrejtë SHBA-në ose palestinezët, por tha në mënyrë të përgjithshme se selia e OKB-së në Nju-Jork është "një vend neutraliteti" dhe "strehë në shërbim të paqes".
Kurse ministri i Jashtëm i Izraelit, Gideon Saar, e përshëndeti vendimin e SHBA-së. Në platformë X, ai falënderoi Presidentin e SHBA-së Donald Trump dhe administratën e tij për "këtë hap të guximshëm".
Njohje zyrtare e shtetit palestinez
Në kuadrin e Asamblesë së Përgjithshme të OKB-së në shtator, disa aleatë kryesorë të SHBA-së, si Britania e Madhe, Franca, Australia dhe Kanadaja, planifikojnë ta njohin zyrtarisht shtetin palestinez. Premtimet e tyre shihen si shprehje zhgënjimi për veprimet e Izraelit në Rripin e Gazës, ku Hamasi militant islamist, ende qeveris zyrtarisht, si dhe për zgjerimin e vendbanimeve izraelite në Bregun Perëndimor.
Të paktën 147 nga 193 shtetet anëtare të OKB-së tashmë e njohin shtetin palestinez. Megjithatë palestinezët ende nuk janë anëtarë të plotë në Kombet e Bashkuara. Izraeli e sheh njohjen e planifikuar nga shtetet e tjera si një "shpërblim për Hamasin", të klasifikuar si organizatë terroriste nga shumë shtete./ DW
Foto UKRAINË- Ish-kryetari i Parlamentit të Ukrainës, Andriy Parubiy, është vrarë me armë zjarri në qytetin per&eum...
Foto SHBA- Ishte e mërkura e fundit e korrikut dhe shumë nga lojtarët më të mirë të Uashingtonit po kalonin kohë ...
Foto TAJLANDË- Kryeministrja e Tajlandës, Paetongtarn Shinawatra është shkarkuar nga detyra nga Gjykata Kushtetuese. Sh...
Foto UKRAINË- Presidenti ukrainas Volodymyr Zelenskyy në një reagim të bërë së fundmi në "X" ka bër&...
Foto FRANCË- Gazpaço, pesto dhe levrek deti: nga një perspektivë kulinare, takimi gjermano-francez ishte i bollshëm, por nga p&e...
Foto MEKSIKË- Një influencere meksikane është gjetur e vdekur brenda një kamioni së bashku me bashkëshortin dhe f&e...
Foto SHBA- Shtetet e Bashkuara thanë se nuk do t’u lëshojnë viza anëtarëve të Autoritetit Palestinez, të cilë...
Foto SHBA- Një gjykatë federale e apelit në SHBA vendosi të premten se shumica e tarifave të Presidentit Donal...
Foto SHBA- Sekretarja e Sigurisë Kombëtare të SHBA-së, Christie Noem ka bërë me dije se janë konstatuar shkelje t&e...
Trump SHBA- Nëse shkoni së bashku me Mary Powell në një vizitë pune në San Jose, Kaliforni, do të mendonit se po shihni ...
