Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Prirja e qeverive për të ndjekur disidentët në vende të tjera njihet si represion përtej kufijve dhe zyrtarët amerikanë thonë se ka pasur një rritje alarmante të rasteve të tilla. Një nga vendet kryesore që e bën një gjë të tillë, sipas zyrtarëve dhe aktivistëve, është Kina.
SHBA- Zyrtarët amerikanë thonë se vendet e huaja si Kina frikësojnë, ushtrojnë trysni dhe ndonjëherë orkestrojnë dhunë kundër kundërshtarëve politikë dhe aktivistëve që jetojnë në Shtetet e Bashkuara. Një sërë çështjesh të hapura nga Departamenti i Drejtësisë, dëshmojnë për pasojat e frikshme që mund të shkaktojnë tensionet gjeopolitike tek qytetarët e zakonshëm, pasi qeveri që historikisht kanë shtypur mendimin ndryshe brenda kufijve të tyre, gjithnjë e më shumë mbajnë nën vëzhgim ata që flasin mijëra kilometra larg.
Prirja e qeverive për të ndjekur disidentët në vende të tjera njihet si represion përtej kufijve dhe zyrtarët amerikanë thonë se ka pasur një rritje alarmante të rasteve të tilla. Një nga vendet kryesore që e bën një gjë të tillë, sipas zyrtarëve dhe aktivistëve, është Kina. Bob Fu, një pastor i krishterë kinezo-amerikan, organizata e të cilit, ChinaAid, mbron lirinë fetare në Kinë, thotë se ai është vënë për vite me radhë në shënjestër të një fushate të tillë. Për muaj me radhë, turma të mëdha demonstruesish mblidheshin jashtë shtëpisë së tij në Teksasin Perëndimor, në veprime të mirëkoordinuara që ai beson se mund të jenë të lidhura me qeverinë kineze.
“Çdo ditë nga ora 9:00 deri në 4:00, duke më kërcënuar mua dhe familjen time deri në atë pikë sa FBI-së dhe organeve lokale të rendit iu desh të na evakuonin me gjithë disa miq tanë që po na vizitonin nga Tajvani, në një shtëpi të sigurt për tre muaj”, thotë ai.
Në hotele janë bërë rezervime të rreme në emër të tij, si edhe është kontaktuar policia për të raportuar për kërcënime me bombë, që në mënyrë të rreme i janë atribuar zotit Fu. Fqinjëve u janë shpërndarë fletushka me akuza të rreme për të. Zoti Fu tani merr masa paraprake mbrojtëse kur udhëton.
"Nuk ndihem i sigurt, mendoj se agjentët e Partisë Komuniste të Kinës po inkurajohen. Shihni se çfarë ndodhi gjatë takimit të fundit mes Presidentit Biden dhe Presidentit XI Jinping në kuadër të APEC-ut, në San Francisko. Shumë protestues nga Hong Kongu, tibetianë, ujgurë, u trajtuan dhunshëm nga banditë të organizuar nga konsullata ose ambasada kineze”, thotë ai për agjencinë Associated Press.
Në vitin 2020 Wu Jianmin, një ish-udhëheqës i grupeve të studentëve në lëvizjen pro-demokratike të Kinës të vitit 1989, u vu në shënjestër të një grupi protestuesish jashtë shtëpisë së tij në Irvine të Kalifornisë.
“Ata fotografonin dhe merrnin video çdo ditë para shtëpisë sime si edhe shpërndanë adresën tonë në internet. Të gjitha këto cënuan rëndë sigurinë personale të të gjithë anëtarëve të familjes sime", thotë ai për agjencinë Associated Press.
Kjo prirje është edhe më shqetësuese në një kohë tensionesh të Shteteve të Bashkuara me Kinën në shumë drejtime, që nga tregtia dhe vjedhja e pronës intelektuale deri te ndërhyrjet në zgjedhje. Ambasada kineze në Uashington mohoi që Pekini të jetë angazhuar në këto praktika dhe tha në një deklaratë se qeveria "i përmbahet rreptësisht ligjit ndërkombëtar".
“Ne e hedhim poshtë me forcë pretendimin për ndërhyrje nga jashtë”, thuhet në deklaratë.
Megjithatë, zyrtarët amerikanë thonë se Kina krijoi një program të quajtur "Operation Fox Hunt" pikërisht me synimin për të gjurmuar emigrantët kinezë që kërkohen nga Pekini për ndjekje penale, për t'i detyruar ata të kthehen në vend për t'u përballur me akuzat. Vitin e kaluar, Departamenti i Drejtësisë akuzoi mbi 35 oficerë të policisë kombëtare të Kinës se kishin përdorur mediat sociale për të vënë në shënjestër disidentët brenda Shteteve të Bashkuara dhe arrestoi dy persona që thotë se kishin ndihmuar në krijimin e një qendre sekrete të policisë kineze në lagjen Chinatown të Manhatanit. Para një viti, prokurorët federalë akuzuan pesë persona, përfshirë një detektiv në pension të policisë së Nju Jorkut, për komplote të zgjeruara për t’u mbyllur gojën disidentëve./ VOA
foto ilustruese WASHINGTON- Rusia e ka shpallur të martën “organizatë të padëshirueshme” grupin për të drejt...
foto ilustruese SERBI- Udhëheqësi kinez Xi Jiping do ta kalojë pjesën më të madhe të turneut të tij 5 ditor në...
pamje nga vendngjarja NEW YORK- Pamjet e një videoje të publikuar nga polica e New York tregojnë shpëtimin e një gruaje 33-vje&cce...
Alexandër Lukashenko BJELLORUSI - Presidenti i Bjellorusisë Alexandër Lukashenko ka paralajmëruar se bota ndodhet shumë pranë...
foto ilustruese SHBA- Izraeli ka siguruar Shtetet e Bashkuara se operacioni i tij ushtarak në Rafah është i një shk...
foto ilustruese NEW YORK– Ish-presidenti Donald Trump u rikthye të martën në gjyqin penal ndaj tij në Nju Jork, ndërsa p&eum...
Donika Gërvalla KOSOVA- Ministrja e Jashtme e Kosovës, Donika Gërvalla, ka deklaruar se Rusia ka nisur një sulm hibrid ndaj Kosov&...
Julia Navalnaya RUSi- Udhëheqësja e opozitës ruse në mërgim, Julia Navalnaya u bëri thirrje mbështetësve të m...
Foto ilustruese RUSIA- Pak pasi talebanët morën pushtetin në Afganistan, Rusia iu përgjigj pyetjeve nëse kishte ardhur koha pë...
Foto ilustruese BJELLORUSIA- Bjellorusia i ka filluar të martën stërvitjet ushtarake me raketat dhe avionët luftarakë që jan&...
