Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ekspertët thonë se pranimi i apelimit të vendimit dhe ngritja e një komisioni shtetëror në Xhorxhia, që mund të ketë autoritet të shkarkojë prokurorët, paraqesin sfida për zonjën Willis, e cila ka ngritur 13 akuza penale ndaj zotit Trump.
SHBA- Gjykatësi i çështjes mbi ndërhyrjet në zgjedhjet presidenciale në Xhorxhia në vitin 2020 i hapi udhë të mërkurën ish-Presidentit Trump të apelonte vendimin e tij, se prokurorja Fani Willis mund t’i vazhdonte hetimet, pavarësisht lidhjes romantike me një prej prokurorëve që ajo punësoi për të ndjekur rastin. Ekspertët thonë se pranimi i apelimit të vendimit dhe ngritja e një komisioni shtetëror në Xhorxhia, që mund të ketë autoritet të shkarkojë prokurorët, paraqesin sfida për zonjën Willis, e cila ka ngritur 13 akuza penale ndaj zotit Trump.
Këto muajt e fundit kanë qenë periudhë e trazuar për prokuroren e qarkut Fulton Fani Willis e cila ka ngritur akuza penale ndaj ish Presidentit Donald Trump për ndërhyrje në zgjedhjet presidenciale të vitit 2020 në shtetin e Xhorxhias.
Pasi një i pandehur tjetër në këtë rast, bëri të njohur marrëdhënien intime mes saj dhe prokurorit që ajo punësoi për të drejtuar hetimet, Nathan Wade, gjykatësi i çështjes vendosi se ajo mund t’i vazhdonte hetimet.
Vendimi ishte një goditje për ish presidentin republikan. Deri tani zoti Trump është parë të bëjë lëvizje juridike që të shtyjë deri pas zgjedhjeve nisjen e gjykimit për 4 çështjet penale me të cilat ai përballet. Megjithatë, në 20 mars, gjykatësi Scott McAfee vendosi që zoti Trump mund ta apelonte vendimin e tij për të mos e larguar zonjën Willis nga çështja.
Ndërkohë Guvernatori i shtetit të Xhorxhis, Brian Kemp, së fundmi, firmosi një akt ligjor që lejonte ngritjen e një komisioni shtetëror i cili do të ketë autoritet të marrë vendim për shkarkimin e prokurorëve. Eksperti ligjor Clark D. Cunningham, nga Kolegji i Drejtësisë në shtetin e Xhorxhias, thotë se këto dy zhvillime janë një “minë me sahat” për zonjën Willis.
“Janë si të thuash bomba që mund të shpërthejnë nga çasti në çast për zonjën Willis. Një prej tyre është mundësia që Gjykata e Apelit të vendosë kundër saj. Tjetra është akti ligjor i guvernatorit Kemp që bën të mundur funksionimin e një komisioni të ri në nivel shtetëror që ka autoritet ta hetojë dhe ta shkarkojë atë nga detyra”.
Gjykatësi McAfee duhet të caktojë datën e gjyqit, por nëse avokatët e zotit Trump dështojnë me apelimin e vendimit, gjyqi mund të përfundojë para zgjedhjeve të nëntorit, thotë zoti Cunningham.
“Faza e parë thuajse ka mbaruar. Prandaj do të ishte koha e përkryer për të bërë gjyqin. Nëse gjyqi do bëhej vetëm për zotin Trump përgjedhja e jurisë do të kërkonte pak kohë. Por, më pas, çështja nuk do duhej të kishte ndërlikime. Ndaj, nëse gjyqi do të fillonte në prill apo maj, do të kishte shanse të mira, që vendimi të jepej në vjeshtë”, thotë eksperti. Sipas ekspertit, zhvillimi i gjyqit ndaj zotit Trump do të kishte ndikim në zgjedhje.
“Një pjesë e konsiderueshme e opinionit publik amerikan mesa duket beson ende se zgjedhjet u vodhën dhe se nuk mendojnë se ai bëri ndonjë gjë të gabuar me kontestimin deri në fund të zgjedhjeve, përfshirë edhe atë që ndodhi në 6 janar. Por qëndrime të tilla mund të ndryshojnë nëse ata do të njiheshin me ndonjë provë që do t’i vihej në dispozicion jurisë. Prandaj, gjyqi, mund të kishte ndikim në rezultatin e zgjedhjeve të nëntorit”, shprehet ai.
Ish presidenti Trump dhe 8 të pandehur të tjerë në çështje pretendojnë se zonja Willis ka patur përfitime financiare nga lidhja e saj romantike me zotin Wade, çka e ka nxitur atë të zgjasë hetimet për përfitime personale. Zonja Willis ka mohuar se ka patur përfitime të paligjshme dhe ka argumentuar e marrëdhënia e saj nuk ka ndikuar në veprimet lidhur me procesin hetimor.
Ish presidenti Trump dhe 14 persona të tjerë ndaj të cilëve janë ngritur padi kanë deklaruar se janë të pafajshëm për veprat penale, përfshirë ato për shantazh, presion ndaj zyrtarëve të shtetit shtetërorë për të përmbysur rezultatin e zgjedhjeve presidenciale të vitit 2020 në favor të tij në Xhorxhia. 4 të pandehur të tjerë në të njëjtën çështje kanë pranuar fajësinë.
Marrë nga VOA
Kurti KOSOVË- Kryeministri i Kosovës, Albin Kurti, ka thënë të premten se ushtria serbe është larguar nga kufiri me Ko...
Kurti KOSOVA- Kryeministri i Kosovës, Albin Kurti ka mbajtur ditën e sotme një konferencë për mediat ku ka folur në lidhje me...
fotot ilustruese GAZA- Komanda Qendrore e SHBA-së (CENTCOM) ka njoftuar lëshoi me sukses 80 pako me ndimha humanitare në rajonin verior t&...
Foto Ilustrim SHBA- Nga oligarku miliarder rus Vladimir Potanin në duart e Mark Zuckerberg shkoi një varkë ultraluk...
Pamje nga varri LIBI- Një varr masi është zbuluar së fundimi në Libi ku ka nxjerr një pah provat të tmershme të pro...
Foto ilustruese GJERMANI-Parlamenti gjerman ka hapur rrugën për legalizimin e pjesshëm të kanabisit për përdorim personal ng...
fotot ilustruese RUSI- Një zyrtar i lartë ushtarak ukrainas ka thën se Rusia po përgatit 100,000 trupa që mund të pë...
foto nga vendngjarja UKRAINË- Një milion njerëz janë pa energji në të gjithë Ukrainën pasi raketat ruse shënje...
Albin Kurti KOSOVË- Kryeministri i Kosovës, Albin Kurti ditën e sotme ka zhvilluar një konferencë për mediat. Kurti gjatë...
Foto Ilustrim SPANJË-Të paktën tre persona kanë vdekur dhe shtatë janë të zhdukur pasi një varkë&nbs...
