Sërish alarm për bombë në Kosovë, forca të shtuara policie te shkolla “Xhevdet Doda”

Shkolla “Xhevdet Doda”

KOSOVË- Alarmet për bombë duket se pas Serbisë kanë vënë në target edhe Kosovës pasi ditën e sotme një kërcënim i tillë i është drejtuar shkollës “Xhevdet Doda”.

Pas marrjes së kërcënimit përmes postës elektronike menjëherë në vendngjarje kanë shkuar forca të shumta policie të cilat kanë evakuuar ambjentet dhe rrethuar perimetrin.

Lajmin e ka konfirmuar dhe zëdhënësja e Policisë së Kosovës për Rajonin e Prishtinës, Florie Ahmeti.

“Sot rreth orës 11:00 është pranuar informata për dyshimet që ndërlidhen me një shpërthim të mundshëm në shkollën “Xhevdet Doda” në Prishtinë. Informacionet e para flasin se kanosja e dyshimtë ka ardhur përmes postës elektronike. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën në atë zonë. Ndërkohë që në një perimetër të caktuar policia ka evakuar nxënësit dhe personelin e shkollës, specialist të policisë po trajtojnë dhe verifikojnë informatën”, ka thënë Ahmeti.

(d.a/dosja.al)