Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Kancelari Olaf Scholz u tha gazetarëve se pushtimi rus i Ukrainës ishte kriza më e madhe aktuale. Konferenca për shtyp tashmë tradicionale e verës vjen kur Gjermania përballet me disa probleme brenda dhe jashtë vendit.
GJERMANI- Kancelari gjerman Olaf Scholz tha të enjten (11.08.) se sulmi rus ndaj Ukrainës ishte sfida më e madhe me të cilën përballet Gjermania dhe bota tani.
Olaf Scholz-i i bëri komentet në një konferencë shtypi verore që është bërë traditë e përvitshme nën paraardhësen e tij, Angela Merkel.
Çfarë tha kancelari Scholz?
Scholz-i tha se Gjermania theu traditën e mosfurnizimit me armë të zonave të konfliktit duke e furnizuar me armë Ukrainën për ta ndihmuar atë të luftojë forcat pushtuese ruse.
"Ne do të vazhdojmë ta bëjmë këtë në periudhën e ardhshme," tha kancelari gjerman.
Scholz-i tha se veprimet e Moskës datonin që nga konceptet politike të shekullit të 19-të të grabitjes agresive të tokës.
Ai tha se "presidenti rus mban përgjegjësi për këtë luftë", por nuk pranoi t'i përgjigjet një pyetjeje nëse presidenti rus Vladimir Putin duhet të përgjigjet personalisht për veprimet e tij.
Scholz-i tha se duke qenë se lufta ishte "lufta e Putinit", ai nuk ishte aspak i prirur t'i ndalonte të gjithë rusët të merrnin viza turistike të BE-së, siç kërkonin vende të tilla si Estonia dhe vetë Ukraina.
Sipas Scholz-it, fundi i luftës duhet të jetë me kushtet e Ukrainës, jo i diktuar nga Rusia.
I pyetur nëse ish-kancelari gjerman Gerhard Schröder, i cili ka lidhje të ngushta me regjimin rus, mund të jetë i dobishëm si ndërmjetës, Scholz-i u përgjigj: "Jo që ta dija unë".
Schröder-i, nga partia socialdemokrate e kancelarit Scholz, shërbeu si kancelar midis viteve 1998 dhe 2005. Ai është kritikuar për angazhimin e tij për vite me radhë në kompanitë shtetërore ruse dhe konsiderohet një mik i ngushtë i Putinit.
Vladimir Putin dhe Olaf Scholz të ulur në skajet e kundërta të një tavoline të gjatë prej disa metrash.
Scholz (djathtas) u takua me Putinin në Moskë në mes të shkurtit, përpara se Rusia të pushtonte Ukrainën më 24 shkurt.
Paketat e ndihmës
Duke iu kthyer problemeve të brendshme, kancelari tha se qeveria e tij synonte lehtësim për të gjithë sektorët e shoqërisë përballë rritjes së çmimeve të energjisë.
"Do të ketë një paketë tjetër”, tha ai, duke iu referuar masave që tashmë janë prezantuar.
Ai shtoi se qeveria do të "bëjë gjithçka" për të ndihmuar njerëzit me të ardhura të ulëta dhe të mesme në veçanti "të kalojnë këtë kohë të vështirë".
Ai e cilësoi paketën e masave për uljen e taksave të planifikuara nga ministri i Financave Christian Lindner si "shumë të dobishme” në këtë drejtim dhe tha se do të marrin ndihmë edhe pensionistët dhe studentët.
Scholz-i tha se nuk pret që në Gjermani të shkaktohen trazira sociale nga çmimet e larta të energjisë, duke thënë se sistemet e mbrojtjes sociale të vendit do ta parandalojnë këtë.
Kancelari shprehu gjithashtu mbështetje për kthimin e "frenës së borxhit" të Gjermanisë, e cila në bazë të kushtetutës gjermane e ndalon qeverinë federale të ketë një deficit strukturor mbi 0.35% të PBB, me përjashtim të rasteve emergjente.
Frena e borxhit është përfshirë tashmë në planin buxhetor të Ministrit të Financave Christian Lindner për vitin 2023, pas pezullimit nga viti 2020 në 2022 për shkak të pandemisë së koronavirusit dhe luftës së këtij viti në Ukrainë.
Riparimi i "dështimeve" të mëparshme për energjinë
Scholz-i kritikoi atë që ai e quajti dështimin e politikave energjetike të qeverive të mëparshme gjermane, megjithëse ai vetë ishte anëtar i qeverisë së koalicionit të fundit si ministër i Financave.
"Ne po mundohemi të korrigjojmë të gjitha dështimet e viteve të fundit, të cilat kanë qenë shumë të rëndësishme në këtë sektor”, tha ai.
Ai tha se megjithëse kishte vendime të përbashkëta për braktisjen e burimeve të qymyrit dhe energjisë bërthamore, nuk kishte asnjë për një modernizim të shpejtë të industrisë gjermane.
Ai tha se qeveria e tij kishte nisur tashmë një numër paketash legjislative, për shembull, për të mundësuar zhvillimin e shpejtë të energjisë së erës në tokë dhe në det të hapur.
Scholz i premtoi industrisë gjermane një furnizim me energji të përballueshme, duke përfshirë energjinë elektrike dhe hidrogjenin nga burimet e rinovueshme.
Kancelari konfirmoi gjithashtu se dy terminale të planifikuara të gazit LNG(gazit natyror të lëngshëm) në bregun e Detit të Veriut deri në dimër do të jenë gati për të pranuar furnizime./DW/
Vali Corleone KOSOVË- Gjykata Themelore e Gjilanit ka caktuar masën e paraburgimit prej 30 ditë të pandehurës të identif...
Lumir Abdixhiku PRISHTINË- Kryetari i LDK-së, Lumir Abdixhiku, s’ka dashur të komentojë mbi çështjen e hapur s&e...
Jahti i përfshirë nga flakët SPANJË- Një superjaht 20 milionë dollarësh, në pronësi të një shef...
Foto ilustruese BRITANI- Ditën e djeshme qeveria e Mbretërisë së Bashkuar dëboi 20 kriminelë ose të dënuar në ...
Armet ne Serbi SERBI- Vitin e kaluar, Serbia kontraktoi prokurimin e armëve dhe pajisjeve ushtarake në vlerë prej një miliard e 318 mil...
Foto ilustruese Autoritetet ruse kanë bllokuar llogarinë kryesore në rrjetet sociale të grupit që mbikëqyrë punën e...
Stoltenberg BRUKSEL- Shefi i NATO-s, Jens Stoltenberg, më 17 gusht do të mbajë takime të ndara në Bruksel me kryeministrin e Kosov...
Mitsotakis BRUSKEL- Komisioni Evropian ka kërkuar zyrtarisht informacion për skandalin e përgjimeve nga qeveria greke, mëson Anadolu Ag...
FRANCË- Imazhi i presidentit francez Emmanuel Macron në një “Jet Ski”, pas thirrjes së tij drejtuar qytetarëve francez...
Nuredin Ibishi KOSOVË- Eksperti i sigurisë në Kosovë, Nuredin Ibishi në një intervistë për Ekonomia Online ka th&eu...
