Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Ambasadorja amerikane Linda Thomas-Greenfield thotë se SHBA-të do të vënë veton ndaj rezolutës, sepse ajo mund të ndërhyjë në përpjekjet e vazhdueshme të SHBA-së për të arritur një marrëveshje mes palëve, që do të sillte të paktën një pauzë gjashtëjavore të luftimeve dhe do të lironte të gjithë pengjet e marra gjatë sulmit të 7 tetorit.
SHBA- Një projekt-rezolutë e propozuar nga Algjeria me mbështetjen e vendeve arabe, e cila kërkon një armëpushim të menjëhershëm humanitar në Gazë, po paraqitet të martën në Këshillin e Sigurimit, por SHBA ka thënë se do t'i vendosë veton. Këshilli i Sigurimit është planifikuar të votojë të martën në mëngjes.
Ambasadorja amerikane Linda Thomas-Greenfield thotë se SHBA-të do të vënë veton ndaj rezolutës, sepse ajo mund të ndërhyjë në përpjekjet e vazhdueshme të SHBA-së për të arritur një marrëveshje mes palëve, që do të sillte të paktën një pauzë gjashtëjavore të luftimeve dhe do të lironte të gjithë pengjet e marra gjatë sulmit të 7 tetorit. Në një lëvizje të papritur përpara votimit, Shtetet e Bashkuara qarkulluan një rezolutë rivale në Këshillin e Sigurimit që do të mbështeste një armëpushim të përkohshëm në Gazë. Projekt-rezoluta parashikon një armëpushim të përkohshëm në Gazë, pas refuzimit të projekt-rezolutës së mbështetur nga vendet arabe.
Projekt-rezoluta amerikane, tekstin e së cilës e ka siguruar agjencia e lajmeve Associated Press, parashikon një armëpushim të përkohshëm "sa më shpejt të jetë e mundur" dhe kërkon lirimin e të gjithë pengjeve që u morën gjatë sulmit të Hamasit më 7 tetor, si edhe bën thirrje për heqjen e të gjitha kufizimeve në dërgimin e ndihmave humanitare.
Sipas propozimit amerikan, të dyja këto veprime "do të ndihmonin në krijimin e kushteve për një ndërprerje të qëndrueshme të luftimeve", siç kërkohet në një rezolutë të miratuar nga Këshilli i Sigurimit më 22 dhjetor. Po ashtu, në këtë propozim bëhet thirrje që “të mos vazhdojë në rrethanat aktuale” ofensiva e planifikuar nga Izraeli në qytetin jugor të Gazës, Rafah, ku strehohen rreth 1.5 milionë palestinezë.
Sipas projekt-rezolutës amerikane zhvendosja e mëtejshme e civilëve, " përfshirë ndoshta në vendet fqinje", një referencë për Egjiptin, do të kishte pasoja serioze për paqen dhe sigurinë rajonale. Projekt-rezoluta e mbështetur nga vendet arabe u propozua nga Algjeria, e cila përfaqëson 22 vendet arabe në organin më të fuqishëm të OKB-së.
Përveç armëpushimit, propozimi algjerian kërkon lirimin e menjëhershëm të të gjitha pengjeve dhe përsërit kërkesat e Këshillit që Izraeli dhe Hamasi "të respektojnë me përpikëri" ligjin ndërkombëtar, veçanërisht mbrojtjen e civilëve, dhe refuzon zhvendosjen e detyruar të civilëve palestinezë. Ambasadorja e SHBA Linda Thomas-Greenfield tha në një deklaratë të dielën se Shtetet e Bashkuara po punojnë prej muajsh për një marrëveshje për lirimin e pengjeve që do të sillte të paktën një periudhë gjashtëjavore qetësie, nga e cila mund të përfitojmë që të fillojmë të ndërmarrim “hapat për të ndërtuar një paqe më të qëndrueshme.”
Ajo tha se presidenti amerikan Joe Biden ka pasur disa telefonata gjatë javës së fundit me kryeministrin izraelit, Benjamin Netanyahu dhe udhëheqësit e Egjiptit dhe Katarit për të nxitur arritjen e marrëveshjes.
Katari tha të shtunën se bisedimet "nuk kanë përparuar siç pritej".
"Megjithëse mbeten mangësi," tha ambasadorja Thomas-Greenfield, "elementët kryesorë janë në tryezë" dhe kjo mbetet mundësia më e mirë për të ribashkuar pengjet me familjet e tyre dhe për të mundësuar një pauzë të zgjatur në luftime që do të lejonte arritjen e ndihmave jetike tek civilët palestinezë.
"Rezoluta e mbështetur nga vendet arabe, nuk do t'i arrinte ato rezultate", tha ajo.
“Për këtë arsye, Shtetet e Bashkuara nuk e mbështesin veprimin për këtë projekt-rezolutë. Nëse del për votim siç është hartuar, nuk do të miratohet.”
Vendet arabe, të mbështetura nga shumë prej 193 vendeve anëtare të OKB-së, kanë kërkuar prej muajsh të tërë për një armëpushim, ndërsa ofensiva ushtarake e Izraelit në përgjigje të sulmit të Hamasit është intensifikuar. Numri i palestinezëve të vrarë ka kaluar shifrën 29,000, sipas Ministrisë së Shëndetësisë së Gazës. Ministria që drejtohet nga Hamasi, nuk bën dallime mes civilëve dhe luftëtarëve, por thotë se shumica janë gra dhe fëmijë.
Izraeli zyrtarizoi të dielën refuzimin e një “njohjeje të njëanshme” të një shteti palestinez dhe shtoi se një marrëveshje e mundshme duhet të arrihet vetëm nëpërmjet negociatave të drejtpërdrejta. Një ditë më herët, kryeministri izraelit deklaroi se nuk kishte kuptim vazhdimi i bisedimeve me Hamasin. Bisedimet e ndërmjetësuara nga Katari, Egjipti dhe Shtetet e Bashkuara nuk kanë arritur deri më tani vendosjen e një pauze në luftimet në Gazë.
Marrë nga VOA
Foto ilustruese RUSI- Rusia është duke rindërtuar kapacitete për t’i destabilizuar shtetet evropiane dhe për të zgjerua...
Igor Lednik BJELLORUSI- Gazetari dhe opozitari bjellorus, Igor Lednik ka humbur jetën në burg. Lednik po vuante dënimin për një a...
reptili Gila SHBA- Autoritetet në Kolorado kanë konfirmuar vdekjen e një 34-vjeçari, katër ditë pasi ai u kafshua nga ...
Nikola Sanduloviç SERBI- Politikani opozitar në Serbi, Nikola Sanduloviç së fundmi është shprehur se i dërguari i Ba...
foto ilustruese SHBA- Një person nga Uashington DC, i cili mendoi se fitoi bingon me vlerë 340 milion dollar ka paditur Powerball dhe Lotter...
Princi William BRITANI- Princi i Uellsit, William thotë se dëshiron të shohë një fund të luftimeve sa më shpejt t&e...
Foto ilustruese RUSI- Një shtetas amerikano-rus është arrestuar në Rusi me akuzën e tradhtisë për grumbullimin e fondeve...
Alexei Navalny PRISHTINA- Sonte në ora 18:00 do të mbahen homazhe në Prishtinë në nder të opozitarit të ndjerë rus,...
nena e alexei navalny MOSKË- Lyudmila Navalnaya, nëna e liderit të vdekur të opozitës ruse Alexei Navalny, kërkoi të mar...
Silvio Berlusconi ITALI- Vila 'Due Palme', shtëpia që kryeministri i atëhershëm Silvio Berlusconi bleu në vitin 2011 n&...
