Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Trump i bëri këto paralajmërime, pa shpjegime të mëtejshme, disa orë pasi Irani nisi sulme të reja me raketa dhe dronë ndaj Izraelit dhe shteteve të Gjirit, pas një paralajmërimi të mëparshëm nga Trumpi drejtuar Teheranit se duhet “të bëjë një marrëveshje para se të mos mbetet asgjë” nga vendi.
Presidenti i Shteteve të Bashkuara, Donald Trump, ka thënë se ushtria amerikane “ende nuk ka filluar” të shkatërrojë atë që ka mbetur prej Iranit pas një muaji bombardimesh së pareshtura shkatërruese, si dhe ka kërcënuar se do t’i godasë centralet elektrike dhe ura të tjera në paralajmërimin e tij më të fundit ndaj regjimit në Teheran.
“Ushtria jonë, më e madhja dhe më e fuqishmja kudo në botë, ende nuk ka filluar ta shkatërrojë atë që ka mbetur në Iran. Tani është radha e urave, pastaj centraleve elektrike! Udhëheqja e re e regjimit e di se çfarë i duhet të bëjë dhe duhet ta bëjë, SHPEJT!” shkroi Trump në Truth Social mbrëmjen e së enjtes.
Trump i bëri këto paralajmërime, pa shpjegime të mëtejshme, disa orë pasi Irani nisi sulme të reja me raketa dhe dronë ndaj Izraelit dhe shteteve të Gjirit, pas një paralajmërimi të mëparshëm nga Trumpi drejtuar Teheranit se duhet “të bëjë një marrëveshje para se të mos mbetet asgjë” nga vendi.
Trump vazhdoi të dërgojë mesazhe disi të përziera mbi luftën, pasi një ditë më parë tha në një fjalim televiziv se Bashkuara janë afër “përfundimit të punës” në Iran, por ka paralajmëruar njëkohësisht se ushtria amerikane do të vazhdojnë ta godasin vendin e Lindjes së Mesme “jashtëzakonisht fuqishëm” edhe për “dy deri në tre javë” të tjera.
Në atë fjalim, Trump e mbrojti luftën si të nevojshme për ta parandaluar Iranin nga zhvillimi i armëve bërthamore.
Në një postim tjetër në Truth Social, Trump e përshëndeti sulmin amerikan mbi një urë të madhe që lidh Teheranin me Karajn në provincën Alborz, e cila është përshkruar nga mediat iraniane si ura më e lartë në Lindjen e Mesme.
“Ura më e madhe në Iran u shemb dhe nuk do të përdoret më kurrë”, shkroi Trump.
Zyrtarët iranianë thanë se tetë njerëz u vranë dhe 95 u plagosën në dy runde sulmesh mbi urën. Ky numër nuk mund të verifikohej në mënyrë të pavarur.
Irani gjithashtu raportoi se Instituti Pasteur, një qendër kërkimore mjekësore, pësoi dëme të mëdha nga një sulm. As ky lajm nuk mund të verifikohej, megjithëse Qeveria iraniane publikoi një fotografi që pretendohet se tregon dëmet.
Kryetari i fuqishëm i Parlamentit të Iranit, Mohammad Baqer Qalibaf, publikoi një mesazh sfidues në rrjetet sociale: “Iranianët nuk flasin vetëm për mbrojtjen e vendit të tyre, ne derdhim gjak për të. E kemi bërë më parë dhe jemi gati ta bëjmë përsëri.... Ejani”.
Një zëdhënës ushtarak iranian paralajmëroi për sulme “më të gjera dhe më shkatërruese” në vijim.
Të premten në mëngjes herët, ushtria e Izraelit tha se mbrojtja ajrore po punonte për t’i parandaluar raketat e lëshuara nga Irani, teksa lufta SHBA-Izrael kundër Iranit, e nisur më 28 shkurt, po vazhdon në muajin e dytë.
Forcat e Mbrojtjes së Izraelit (IDF) thanë në një deklaratë se kishin “vërejtur raketa të lëshuara nga Irani drejt territorit të Shtetit të Izraelit”.
“Sistemet mbrojtëse janë duke punuar për ta parandaluar kërcënimin”, shtuan ato. Nuk pati raportime të menjëhershme për viktima apo dëme.
Kuvajti gjithashtu tha të premten në mëngjes herët se mbrojtja e tij ajrore po reagonte ndaj sulmeve me raketa dhe dronë, duke theksuar se çdo shpërthim i dëgjuar vinte nga shkatërrimi i predhave, pasi Irani po vazhdon t’i godasë aleatët arabë të SHBA-së në Gjirin Persik.
Sulmet vijnë në një kohë kur një zëdhënës i Pentagonit tha se gjenerali Randy George, shefi i Shtabit të Ushtrisë së SHBA-së, do të dalë në pension nga pozita e tij si oficeri më i lartë i shërbimit.
“Gjenerali Randy A. George do të dalë në pension nga pozita i tij si shefi i 41-të i Shtabit të Ushtrisë, me efekt të menjëhershëm. Departamenti i Luftës është mirënjohës për shërbimin e gjeneralit George ndaj kombit tonë për dekada. I urojmë më të mirat në pensionimin e tij”, shkroi zëdhënësi në X.
Nuk dihet nëse ky vendim lidhej me luftën në Iran, në një kohë kur kritikët e Trumpit janë ankuar se konflikti po del jashtë kontrollit dhe po krijon krizë energjetike dhe vështirësi ekonomike në Shtetet e Bashkuara dhe në mbarë botën.
Mediat amerikane, duke cituar zyrtarë anonimë amerikanë, thanë se shefi i mbrojtjes Pete Hegseth e detyroi George të largohej, një veprim pothuajse i paparë gjatë kohës së luftës, sepse ai dëshironte dikë që do të zbatonte vizionin e tij dhe të Trump për ushtrinë amerikane.
Ndërkohë, sekretari i përgjithshëm i OKB-së, Antonio Guterres, më 2 prill bëri thirrje për t’i dhënë fund “spirales së vdekjes dhe shkatërrimit” në Lindjen e Mesme.
“Jemi në prag të një lufte më të gjerë që do të përfshijë të gjithë Lindjen e Mesme me pasoja dramatike në mbarë globin”, u tha Guterres gazetarëve në Nju Jork.
Guterres theksoi rreziqet e gjendjes në Ngushticën e Hormuzit, të cilën Irani e ka mbyllur, pothuajse duke e ndalur transportin detar duke krijuar një bllokim të cisternave të naftës dhe gazit natyror, gjë që ka çuar në një krizë globale energjetike.
“Kur Ngushtica e Hormuzit ngufatet, më të varfrit dhe më të cenueshmit në botë nuk mund të marrin frymë”, tha Guterres./REL
Artemis II SHBA- Katër astronautët në misionin Artemis II tani janë larguar nga orbita e Tokës, pasi anija e tyre koz...
Donald Trump SHBA- Presidenti i SHBA-së, Donald Trump, nënshkroi të enjten dy shpallje që vendosin tarifa të...
IRAN- CNN ka publikuar një artikull ku shkruan se, gjysma e sistemeve të lëshimit të raketave të Iranit mbeten të papr...
Foto ilustruse Rritja e çmimeve të karburantitsi pasojë e luftës në Iran po fillon të ketë ndikim të dr...
Foto ilustruse GJERMANI- Johan Vadeful zhvilloi një bisedë telefonike me ministrin e Jashtëm kinez, ëang Yi, për të diskutuar...
Foto ilustruse LINDJA E MESME- Sekretari i përgjithshëm i Këshillit të Bashkëpunimit të Gjirit Persik i bëri thirr...
Melania Trump SHBA- Gjashtë fëmijë nga Ukraina do të rikthehen nga Rusia te familjet e tyre në Ukrainë, njoftoi sot Shtë...
Masoud Pezeskian IRAN- Presidenti iranian, Masoud Pezeskian i ka quajtur sulmet ndaj institucioneve mjekësore të Iranit një krim kundër...
Abbas Araghchi IRANI- Ministri i Jashtëm iranian, Abbas Araghchi ka deklaruar se sulmet në infrastrukturën civile, përfshirë urat...
Foto ilustruse RUSI- Rusia ka dërguar dy cisterna që transportojnë naftë dhe gaz në Kubë, ndërsa ishulli po përball...
