Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Duke folur në Forumin e Euroazisë Lindore në qytetin rus Vlladivostok, Putini pretendoi se, duke dërguar trupa në rajonin Kursk të Rusisë, Ukraina i ka dobësuar forcat e veta në rajonin lindor të Donbasit, ku forcat ruse kanë çarë përpara në ditët e fundit.
RUSIA- Presidenti i Rusisë, Vladimir Putin, ka thënë të enjten se inkursioni i ushtrisë ukrainase në tokën ruse nuk ka ndikuar në të ashtuquajturin “operacion special ushtarak” të Moskës, një shprehje që Kremlini e përdor për ta përshkruar luftën e tij kundër Ukrainës.
Duke folur në Forumin e Euroazisë Lindore në qytetin rus Vlladivostok, Putini pretendoi se, duke dërguar trupa në rajonin Kursk të Rusisë, Ukraina i ka dobësuar forcat e veta në rajonin lindor të Donbasit, ku forcat ruse kanë çarë përpara në ditët e fundit.
“Synimi i armikut ishte të na zemëronte, të tallej, t’i zhvendoste trupat tona nga njëra anë në tjetrën, dhe ta ndalte ofensivën tonë në drejtime kyçe, para së gjithash në Donbas”, tha Putin.
“A ia doli armiku ta arrijë këtë? Jo, nuk arriti asgjë”, shtoi ai.
Putini pretendoi se forcat ruse “e stabilizuan gjendjen dhe filluan ta zmbrapsin dalëngadalë armikun nga territoret përgjatë kufirit”, ku forcat ukrainase u futën në territorin rus në fillim të gushtit.
Ky veprim e la Ukrainën pa mjete për “ta ndalur ofensivën tonë” në lindje të Ukrainës, tha Putin. Kievi pretendon se i ka marrë nën kontroll më shumë se 1.200 kilometra katrorë të tokës ruse falë inkursionit befasues muajin e kaluar. Kjo është hera e parë prej Luftës së Dytë Botërore që ndodh një inkursion në tokën ruse.
Ndërkohë, forcat ruse kanë shënuar përparime të mëdha në përpjekjet e tyre për ta kapur qytetin strategjik të rajonit lindor të Ukrainës, Pokrovsk. Presidenti i Ukrainës, Volodymyr Zelensky, tha në një intervistë për televizionin amerikan NBC këtë javë se synimi i inkursionit befasues në Kursk grumbullimi i trupave dhe i territorit rus për këmbime në të ardhmen, duke nënvizuar se Ukraina nuk ka nevojë për tokë ruse.
“Operacioni ynë ka për qëllim rikthimin e integritetit tonë territorial. Ne kapim trupa ruse për t’i zëvendësuar me ukrainase. Ne u themi atyre, e dini, ne duam kthimin e ushtarëve tanë në këmbim të ushtarëve rusë. E njëjta gjë vlen edhe për territoret. Ne nuk kemi nevojë për tokën e tyre”, tha Zelensky.
Në të kaluarën, Putini e ka quajtur “provokim” inkursionin ukrainas dhe ka thënë se nuk i ka lënë Rusisë arsye për të biseduar me Kievin.
“Çfarë ka mbetur për të biseduar me ata tani”, kishte thënë ai.
Por, më 5 shtator ai u tërhoq nga ky qëndrim duke thënë se “ne kurrë nuk kemi refuzuar të bisedojmë”. Megjithatë, Putin tha se në bisedimet për paqe duhet patjetër të merren parasysh kushtet e kamotshme të Rusisë, se pjesë të okupuara të Ukrainës nga trupat ruse duhet të mbesin nën kontrollin e Moskës.
Rusia i ka uzurpuar pjesë të rajoneve ukrainase Donjeck, Luhansk, Zaporizhja dhe Herson, ndërsa në shtator 2022 ajo i aneksoi ato plotësisht në mënyrë të jashtëligjshme. Kombet e Bashkuara vazhdojnë t’i njohin këto rajone si pjesë të Ukrainës. Ukraina vazhdimisht ka kërkuar që t’i kthehen territoret e okupuara nga Rusia, përfshirë edhe Gadishulli i Krimesë, i aneksuar nga Moska më 2014./ REL
Foto ilustruese BRUKSEL- Vizita e zëvendëskryeministrit të Serbisë, Aleksandar Vulin, në Rusi dhe takimi i tij me presidentin e Ru...
Michel Barnier FRANCË- Presidenti francez Emmanuel Macron ka emëruar Michel Barnier si kryeministër pothuajse dy muaj pasi zgjedhjet e parak...
foto ilustruese KINË- Shkollat u mbyllën përkohësisht dhe shumë fluturime u anuluan sot në Ki...
Foto nga vendi i ngjarjes GJERMANIA- Një person i armatosur hapi zjarr ndaj policisë gjermane dhe më pas ai u qëllua për vdekje ng...
Mirosllav Lajçak dhe Besnik Bislimi KOSOVA- Përfaqësuesi i posaçëm i Bashkimit Evropian për dialogun Kosovë-Serbi, M...
Elmi Aziri MAQEDONIA E VERIUT- Në Maqedoninë e Veriut vijon debati në lidhje me përdorimin e gjuhës shqipe si gjuhë zyrt...
Donald dhe Melania SHBA- Melania Trump, e njohur për sjelljen e saj të guximshme ka bërë bujë jo vetëm si gruaja e ish-p...
Presidenti rus, Vladimir Putin, së bashku me presidentin e Mongolisë, Ukhnaagiin Khurelsukh MONGOLIA- Zyrtarët e Mongolisë ia shtruan t...
Zëdhënësja e Ministrisë së Jashtme të Rusisë, Maria Zakharova RUSIA- Rusia tha se do të ndërmarrë masa ha...
Policia gjermane GJERMANIA- Të shtëna me armë zjarri janë dëgjuar pranë Muzeut Nazist dhe Qendrës së Dokumenta...
