Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Por këtë herë Uashingtoni propozoi një variant tjetër që bën thirrje për një armëpushim të përkohshëm dhe kundërshton një ofensivë tokësore izraelite në Rafah, pa masa për mbrojtjen e civilëve.
SHBA- Të martën Shtetet e Bashkuara vendosën veton ndaj një projekt-rezolute të Këshillit të Sigurimit të Kombeve të Bashkuara, të mbështetur nga vendet arabe, që bën thirrje për një armëpushim të menjëhershëm në Gazë. Është hera e tretë që SHBA bllokon një projekt-rezolutë të tillë. Por këtë herë Uashingtoni propozoi një variant tjetër që bën thirrje për një armëpushim të përkohshëm dhe kundërshton një ofensivë tokësore izraelite në Rafah, pa masa për mbrojtjen e civilëve.
Ky është mjeti më i fortë deri tani që Presidenti Joe Biden e ka përdorur ndaj Izraelit, gjë që siç njofton korrespondentja e Zërit të Amerikës në Shtëpinë e Bardhë, Patsy Widakuswara, është një shenjë e humbjes së durimit nga ana e tij me kryeministrin Benjamin Netanyahu. Izraeli po vazhdon sulmet në Rafah, qytetin jugor të Gazës pranë kufirit me Egjiptin, ku mbi një milionë palestinezë të zhvendosur nga lufta kërkojnë të gjejnë siguri.
Fati i tyre u diskutua nga diplomatë në Nju Jork, ku të martën Shtetet e Bashkuara vendosën përsëri veton ndaj një projekt-rezolute të OKB-së të mbështetur nga vendet arabe, që kërkon një armëpushim të menjëhershëm në Gazë. Kjo është vetoja e tretë amerikane që nga operacioni ushtarak i Izraelit në enklavën palestineze, që pasoi sulmin e Hamasit në Izraelin jugor më 7 tetor.
I dërguari palestinez në OKB, Riyad Mansour e quajti këtë veprim “të pamatur dhe të rrezikshëm”.
“Duke mbrojtur Izraelin edhe kur kryen krimet më tronditëse, miliona civilë të pafajshëm palestinezë ekspozohen ndaj një tërbimi dhe tmerri të paparë. Nuk është Izraeli ai që duhet të mbrohet me veto. Janë fëmijët, gratë dhe burrat palestinezë ata që duhet të mbrohen nga ky këshill duke vepruar tani”, thotë zoti Mansour.
Ambasadori izraelit në OKB, Gilad Erdan tha se fjala “armëpushim” po përmendej sikur të ishte “një zgjidhje magjike” e konfliktit.
"Çfarë do të arrihej saktësisht me këtë armëpushim me një plumb argjendi? Armëpushimi arrin vetëm një gjë – mbijetesën e Hamasit”, tha zoti Erdan.
Shtetet e Bashkuara propozuan projekt-rezolutën e vet që kërkon një armëpushim të përkoshëm në Gazë, deri në gjashtë javë, vetëm pasi të arrihet një marrëveshje midis Izraelit dhe Hamasit për lirimin e pengjeve. Shtetet e Bashkuara po angazhohen në këtë drejtim me Egjiptin dhe Katarin. Propozimi amerikan dënon sulmin e 7 tetorit dhe e bën të qartë se Hamasi nuk ka vend në qeverisjen e ardhshme të Gazës.
“Përveç kësaj, varianti ynë thotë se nuk mund të ketë reduktim të territorit në Rripin e Gazës dhe refuzon, siç kemi ofruar në Rezolutën 2720, çdo zhvendosje të detyruar të civilëve në Gazë. Propozimi nënvizon po ashtu shqetësimet e shumë anëtarëve të këshillit lidhur me fatin e civilëve në Rafah, duke e bërë të qartë se në rethanat aktuale, nuk duhet të ketë një ofensivë të madhe tokësore në Rafah”, tha ambasadorja amerikane në OKB, Linda Thomas-Greenfield.
Skeptikët e shohin rezolutën e Shteteve të Bashkuara si një dredhi diplomatike që do të zgjaste vuajtjet e palestinezëve. Izraeli ka paralajmëruar se nëse Hamasi nuk liron të gjitha pengjet deri në fillim të Ramazanit më 10 mars, ushtria e tij do të vazhdojë një ofensivë tokësore në Rafah.
"Çdo ditë ka kërcënime dhe deklarata. Nuk dimë nga të shkojmë”, thotë një palestinez në Rafah.
Megjithatë, rezoluta e Shteteve të Bashkuara tregon qëndrimin e ashpërsuar të Uashingtonit ndaj luftës së Izraelit.
“Kjo është hera e parë që Shtetet e Bashkuara propozojnë një rezolutë që përfshin disa kritika mjaft të forta të nënkuptuara ndaj fushatës së Izraelit në Gazë dhe situatës në Bregun Perëndimor. Mendoj se aministrata e Presidentit Biden mund të jetë duke dërguar një sinjal se do të vazhdojë të mbrojë Izraelin në OKB, por se durimi nuk është i pakufishëm”, thotë Richard Gowan nga Grupi Ndërkombëtar i Krizave.
Kryeministri izraelit Benjamin Netanyahu është zotuar se nuk do të dorëzohet para trysnisë ndërkombëtare. Këtë javë kabineti i tij i luftës do të takohet me këshilltarin më të lartë të Presidentit Biden, Brett McGurk, i cili do të kërkojë nga Izraeli arritjen e marrëveshjes për pengjet dhe të tërhiqet nga një fushatë tokësore në Rafah.
Marrë nga VOA
nena e 4-vjeçares KOSOVË- Nëna e 4-vjeçares, e cila humbi jetën në Gjakovë, tha se kur vajza e saj u nis për tu...
Sulmi UKRIANË- Të paktën 60 trupa ruse janë vrarë pasi një zonë stërvitore në Ukrainën lindore të ok...
GAZA- Kina ka kritikuar ashpër SHBA-në për veton ndaj një rezolute të Këshillit të Sigurimit të Kombeve të Bashku...
Glauk Konjufca PRISHTINË- Kryetari i Kuvendit të Kosovës, Glauk Konjufca, është paraqitur sot në seancën gjyqësore ...
Vladimir Putin LONDËR- Zyrtarët perëndimorë thonë se Rusia nuk ka prodhim të mjaftueshëm të mu...
BT Tower LONDËR- BT Tower një pikë referimi e njohur në Londër, pritet të kthehet në hotel pasi u shit për 275...
Alexei Navalny LONDËR- Mbretëria e Bashkuar ka ngrirë asetet e gjashtë shefave të burgjeve ruse në krye të kolonisë...
Foto ilustruese GAZA- Së paku 67 palestinezë janë vrarë nga sulmet izraelite nëpër Rripin e Gazës gjatë natës ...
foto ilustruese KOSOVË- Një ngjarje e rëndë mësohet se ka ndodhur para pak ditësh në Gjakovë. Një vajzë 4...
aleksander lukashenko BJELLORUSI- Shqetësimet për një luftë të tretë botërore janë të mëdha, tha lideri ...
