Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Shumë banorë të zhvendosur u grumbulluan në qytetin Rafah në kufirin jugor me Egjiptin, ku fletëpalosjet izraelite u kërkonin palestinezëve të zhvendoseshin, duke thënë se do të ishin të sigurt. Por ministria e shëndetësisë e kontrolluar nga Hamasi raportoi të paktën 37 viktima nga sulmet ajrore izraelite gjatë natës.
IZRAEL- Edhe këtë të enjte, Izraeli vijoi sulmet ndaj militantëve të Hamasit në qytetet më të mëdha të Rripit të Gazës, duke shkaktuar vdekjen e 350 personave si dhe mijëra civilë palestinezë që kërkonin strehim për t’i shpëtuar luftimeve.
Shumë banorë të zhvendosur u grumbulluan në qytetin Rafah në kufirin jugor me Egjiptin, ku fletëpalosjet izraelite u kërkonin palestinezëve të zhvendoseshin, duke thënë se do të ishin të sigurt. Por ministria e shëndetësisë e kontrolluar nga Hamasi raportoi të paktën 37 viktima nga sulmet ajrore izraelite gjatë natës.
Ushtria izraelite të enjten po ashtu akuzoi militantët se kishin gjuajtur me raketa nga disa zona pranë qendrave humanitare, në qytetin Rafah.
Zyrtarë të Kombeve të Bashkuara thonë se nuk ka vende të sigurta në Gazë. Sekretari i Përgjithshëm i OKB-së, Antonio Guterres paralajmëroi për një “katastrofë humanitare” të afërt në Gazë dhe u kërkoi si Izraelit e Hamasit një armëpushim të ri.
Sekretari i Përgjithshëm i OKB-së në një letër drejtuar Këshillit të Sigurimit paralajmëron se një kolaps i përgjithshëm i sistemit humanitar në Gazë mund të ketë “pasoja të pakthyeshme për palestinezët në tërësi dhe për paqen dhe sigurinë në rajon”.
“Në mes të bombardimeve të vazhdueshme nga Forcat e Mbrojtjes të Izraelit, dhe pa strehim ose artikuj thelbësorë për të mbijetuar, besoj se rendi publik shumë shpejt do të shkatërrohet plotësisht për shkak të kushteve të dëshpëruara, duke e bërë të pamundur edhe ndihmën e kufizuar humanitare”, tha zoti Guterres.
Ministri i Jashtëm izraelit, Eli Cohen kritikoi qendrimin e shefit të OKB-së, duke thënë se thirrja e tij për armëpushim mbështeste Hamasin.
Zëdhënësi i qeverisë izraelite, Eylon Levy u tha gazetarëve se Izraeli do që lufta të përfundojë, por vetëm “nëse realizohet qëllimin që Hamasi të mos mund të sulmojë më kurrë popullin tonë”.
Shtetet e Bashkuara, mbështetësi kryesor i Izraelit, i kanë bërë vazhdimisht thirrje Tel Avivit që të mbrojë civilët. Por SHBA-të kanë thënë se nga një armëpushim i përgjithshëm do të përfitonte Hamasi.
Një armëpushim njëjavor që përfundoi më 1 dhjetor çoi në lirimin e gati 100 pengjeve të mbajtura nga Hamasi, megjithëse militantët besohet se mbajnë ende rreth 140 të tjerë. Sipas raportimeve nuk po zhvillohen negociata për një tjetër ndërprerje të luftimeve.
Kryeministri izraelit Benjamin Netanyahu tha se forcat izraelite po i afrohen vendndodhjes së kreut të Hamasit në Gazë, Yahya Sinwar dhe se “është vetëm çështje kohe derisa ta gjejmë atë”.
Kombet e Bashkuara thanë se dhjetëra mijëra njerëz kanë mbërritur ditët e fundit në qytetin Rafah, i vetmi në Gazë ku është bërë një shpërndarje e kufizuar e ndihmave humanitare këtë javë për shkak të përshkallëzimit të dhunës më në veri.
Izraeli ka akuzuar Hamasin, të cilin Shtetet e Bashkuara e konsiderojnë një grup terrorist, se ka depërtuar në spitale dhe zona të tjera civile dhe se ka inkurajuar civilët që të shpërfillin paralajmërimet izraelite për t’u evakuuar përpara sulmeve ajrore, duke i përdorur ata si mburoja njerëzore; një akuzë që Hamasi e ka mohuar.
Izraeli filloi fushatën ushtarake për të zhdukur Hamasin në Gazë pasi luftëtarët e këtij grupi ndërmorën sulmin ndaj Izraelit më 7 tetor, duke shkaktuar vdekjen e 1200 vetëve dhe duke marrë rreth 240 pengje.
Gjatë ofensivës së tij ushtarake, Izraeli ka vrarë të paktën 16,240 njerëz në Gazë, 70% e tyre gra dhe fëmijë, sipas ministrisë së shëndetësisë të drejtuar nga Hamasi..VOA
Jon Finer SHBA- Shtetet e Bashkuara akuzuan Iranin se po mbështet sulmet nga rebelët Houthi të Jemenit në Detin e Kuq. Zëvendë...
Policia ITALI-Në Varedo një grua 79-vjeçare u transportua në spital në gjendje të rëndë pasi u sulmua me &c...
Meta ANGLI- Kompania Meta e Mark Zuckerberg u akuzua nga qeveria e Mbretërisë së Bashkuar për fuqizimin e abuzuesve seksualë ...
Gaza IZRAEL- Izraeli paralajmëroi Bashkimin Europian se ekziston mundësia e sulmeve terroriste në prag të Krishtlindjeve. Në nj&eu...
F-16 BALTIK- Avionët F-16 të belgë, mirage 2000 francezë, suedez JAS 39 Gripen aktualisht janë në një mision kontrolli a...
Olaf Scholz GJERMANI- Kancelari gjerman, Olaf Scholz ka bërë thirrje të enjten për solidaritet me hebrenjtë në Gjermani, teks...
Vladimir Putin RUSI- Bashkëpunimi me grupin OPEC+ në tregjet e naftës dhe situata në Lindjen e Mesme dominoi bisedimet tre orëshe ...
Foto Ilustruese SHBA- Një tërmet i fortë me magnitudë 7.3 ballë të shkallës Rihter goditi sot rajonin e Ishujve Vanuatu,...
Olaf Scholz GJERMANI-Kancelari gjerman, Olaf Scholz ka bërë thirrje të enjten për solidaritet me hebrenjtë në Gjermani, teksa...
Foto Ilustruese SPANJË- Një mësues arab dhe imam i një xhamie në Madrid është arrestuar me dyshimin për rekrutim e ...
