Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Në një sallë gjyqi në Moskë, gazetarit amerikan Evan Gershkovich i njoftohet se do të qëndrojë edhe tre muaj i burgosur. Por ambasadorja amerikane në Rusi, Lynne Tracy, thotë se është koha që Moska ta lirojë zotin Gershkovich.
RUSI- Të premten bëhet një vit që kur gazetari amerikan, që punon për gazetën “The Wall Street Journal”, u arrestua në Rusi me akuzën për spiunazh. Zoti Gershkoviç është një nga dy gazetarët amerikanë që mbahen të burgosur nga Moska. Ndërsa zotit Gershkovich, së fundmi, iu vazhdua paraburgimi, siç njofton korrespondentja e Zërit të Amerikës, Cristina Caicedo Smit, familja dhe kolegët vazhdojnë përpjekjet për lirimin e tij.
Në një sallë gjyqi në Moskë, gazetarit amerikan Evan Gershkovich i njoftohet se do të qëndrojë edhe tre muaj i burgosur. Por ambasadorja amerikane në Rusi, Lynne Tracy, thotë se është koha që Moska ta lirojë zotin Gershkovich.
“Qeveria ruse ende nuk ka paraqitur asnjë provë për të vërtetuar akuzat e saj. Ajo nuk ka asnjë justifikim për ndalimin e gazetarit dhe asnjë shpjegim se përse fakti që ai bënte punën si gazetar përbënte një krim”, thotë Lynne Tracy, ambasadore e SHBA në Rusi.
Që nga arrestimi i tij në një qytet rreth 1600 km në lindje të Moskës, më 29 mars të vitit të kaluar, familja dhe kolegët e tij kanë kërkuar lirimin e gazetarit të “The Wall Street Journal”. Vitin e kaluar, ata kanë dhënë shumë intervista, kanë mbajtur konferenca për shtypin dhe një mori takimesh private, duke përfshirë edhe një me presidentin Joe Biden.
Duke mbajtur lotët, Danielle Gershkovich përshkruan pasojat mbi familjen dhe letrat që ajo shkruan për t'i bërë shoqëri vëllait të saj.
“Përmes letrave ne duam të mbështesim njëri-tjetrin dhe ta bëjmë njëri-tjetrin për të qeshur. Unë jam e mahnitur prej tij”, thotë Danielle Gershkovich, motra e gazetarit amerikan të burgosur në Rusi.
Rusia e akuzon zotin Gershkoviç për spiunazh, akuza që ai dhe gazeta e tij i mohojnë. Gjykatat e Moskës ia kanë mohuar atij vazhdimisht lirimin me kusht. SHBA e ka shpallur atë si person të burgosur padrejtësisht. Juristi i kompanisë ku punon ai thotë se procesi ligjor është tërësisht i paqartë. Ata duhet të presin që Rusia të thotë se kur çështja mund të kalojë për gjykim.
“Në një moment, ata duhet të thonë, 'hetimi ka përfunduar dhe ne mund të bëjmë gjyqin. Ne nuk e dimë se kur do të ndodhë kjo”, thotë Jason Conti, jurist që mbulon çështjet ligjore të gazetës “The Wall Street Journal”. Për familjen, pritja është e vështirë.
“Ne i ndjekim lajmet çdo ditë. Është e rëndë për ne emocionalisht. Është më mirë të vazhdojmë të jemi të përqëndruar në këtë qëllim për lirimin e tij,” thotë zonja Gershkoviç.
Nëse shpallet fajtor, gazetari amerikan mund të dënohet me 20 vjet burg. Por ai nuk është i vetmi gazetar amerikan i arrestuar në Rusi. Alsu Kurmasheva, redaktore e rrjetit simotër të Zërit të Amerikës, Radios Evropa e Lirë, ka kaluar më shumë se pesë muaj në burg.
Gazetarja amerikano-ruse përballet me akuza të shumta, duke përfshirë mos regjistrimin si agjente e huaj. Nëse shpallet fajtore, ajo rrezikon dënimin me 15 vjet burg. Në rastin e zotit Gershkovich, kompania mediatike ku ai punon thotë se avokatët brenda Rusisë i mbajnë të informuar, aq sa kanë mundësi.
“Ata janë avokatë të guximshëm. Ka një kufi në atë që ata mund të thonë. Ata nuk lejohen të flasin për këtë duke pasur parasysh se bëhet fjalë për akuza për spiunazh, të cilat ne i hedhim poshtë, por kjo është natyra e akuzave”, thotë juristi Jason Conti.
Kur gazetari amerikan Tucker Carlson intervistoi Presidentin Vladimir Putin, udhëheqësi rus la të kuptohej se Moska do të ishte e gatshme të lironte zotin Gershkovich në këmbim të një vrasësi të dënuar që mbahet në Gjermani.
Që atëherë, nuk ka pasur asnjë informacion të ri mbi negociatat diplomatike për këtë çështje. Ndërkohë, familja, miqtë dhe kolegët e zotit Gershkovich vazhdojnë të shpresojnë për lirimin e tij të menjëhershëm, duke theksuar se kur autoritetet në Rusi, ose në ndonjë vend tjetër ndalojnë një gazetar, kjo ka një efekt rrëqethës. Disa nga pasojat, sipas tyre, janë largimi i mediave të huaja, auto-censurimi i gazetarëve vendas dhe mbetja e audiencës në errësirë.
Marrë nga VOA
Wresley Clark KOSOVË- Ish-komandanti i përgjithshëm i NATO-s, Wresley Clark ka deklaruar se 25 vjet pas ndërhyrjes së NATO...
pamje nga ngjarja SLLOVAKI- Një ari i murrmë që plagosi pesë persona gjatë një sulmi në një qytet sllovak &eum...
Takimi LINDJE E MESME- Zyrtarë të lartë të administratës së Presidentit Joe Biden i bën thirrje ministrit izraelit t&eum...
Foto ilustruese LONDËR– Më shumë se 4,600 azilkërkues kanë mbërritur në Britani me varka të vogla deri më...
Foto ilustruese BRUKSEL- Parlamenti Evropian (PE) dhe Këshilli i Bashkimit Evropian ende nuk kanë arritur pajtim të plotë për teks...
Njoftimi i rremë SERBIA- Kreu i Prokurorisë së Lartë Publike në Beograd ka urdhëruar që 'urgjentisht' të identifiko...
Foto ilustruese KOSOVË- Nga 30 në 150 euro do të jetë gjoba për mosvendosjen e rripit të sigurisë gjatë vozitjes. N...
Foto ilustruese UKRAINË- Shërbimi i sigurisë SBU i Ukrainës ka arrestuar dy agjentë të agjencisë ruse të inteligjen...
Vuçiç dhe ambasadorët e QUINT-it SERBI- Presidenti i Serbisë, Aleksandar Vuçiç ka zhvilluar një takim në Be...
Kryeministri Mark Rutte (R) i Holandës mirëpret Presidentin e Kinës Xi Jinping në ditën e dytë të vizitës së tij ...
