Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ndërsa konflikti Izrael-Hamas vazhdon, tre vende të Amerikës Jugore janë shumë të shqetësuara rreth pasojave të luftës mbi civilët palestinezë.
SHBA-Disa qeveri të vendeve të Amerikës Jugore kanë filluar të ndërmarrin disa hapa, të lidhura me shqetësimin e tyre për viktimat civile palestineze në konfliktin mes Izraelit dhe Hamasit. Për herë të dytë në më pak se 20 vjet, Bolivia i ndërpreu marrëdhëniet me Izraelin, ndërsa Kolumbia dhe Kili tërhoqën ambasadorët e tyre nga Izraeli. Shumë vende të tjera të rajonit po bëjnë thirrje për një armëpushim.
Ndërsa konflikti Izrael-Hamas vazhdon, tre vende të Amerikës Jugore janë shumë të shqetësuara rreth pasojave të luftës mbi civilët palestinezë.
Bolivia njoftoi ndërprerjen e marrëdhënieve diplomatike me Izraelin, duke e akuzuar ushtrinë izraelite për kryerje të krimeve kundër njerëzimit në sulmet ndaj Rripit të Gazës. Zëvendësministri i jashtëm i Bolivisë, Freddy Mamani shpjegoi qëndrimin e vendit të tij gjatë një konference shtypi më 31 tetor.
“Kemi vendosur të ndërpresim marrëdhëniet diplomatike me shtetin e Izraelit, si një mënyrë për të dënuar ofensivën agresive dhe jo proporcionale të ushtrisë izraelite në Rripin e Gazës. Ky konflikt po kërcënon paqen dhe sigurinë ndërkombëtare”, tha ai.
Gjatë konferencës për shtyp, Ministrja e Jashtme në detyrë Maria Nela Prada theksoi se Presidenti i vendit Luis Arce ishte takuar me ambasadorin palestinez në Bolivi dhe kishte shprehur solidaritetin me vuajtjet e palestinezëve.
Kjo është hera e dytë që Bolivia i ndërpret marrëdhëniet diplomatike me Izraelin. Ish-presidenti Evo Morales bëri një veprim të ngjashëm në vitin 2009 për të protestuar sulmet izraelite në Rripin e Gazës. Marrëdhëniet diplomatike mes dy vendeve u rivendosën në vitin 2020.
Ndërkohë, Kili dhe Kolumbia kanë thirrur ambasadorët e tyre nga Izraeli për konsultime mbi zhvillimet atje. Presidentët e këtyre dy vendeve i kanë diskutuar shqetësimet e tyre për gjendjen në Rripin e Gazës me Presidentin amerikan Joe Biden gjatë takimit të Partneritetit të vendeve të Amerikës Jugore, të Mesme dhe atyre Veriore për Begati Ekonomike, të premten në Uashington.
Pas takimit me Presidentin Biden në Shtëpinë e Bardhë, Presidenti i Kilit Gabriel Boric dënoi operacionet ushtarake izraelite në Rripin e Gazës, që kanë shkaktuar viktima në mesin e civilëve.
“Ka patur më shumë se 8000 të vrarë që nga fillimi i sulmeve të Izraelit në Rripin e Gazës. Mund ta themi pa asnjë dyshim se përgjigja izraelite ka qenë joproporcionale dhe ka shkelur ligjin ndërkombëtar humanitar. Ajo që po ndodh në Rripin e Gazës është thjesht e papranueshme. Dua të jem i qartë se, si President i Kilit, i dënoj fuqishëm dhe në mënyrë kategorike sulmet terroriste të Hamasit. Në bëjmë thirrje për lirimin e pengjeve. Por, ne nuk pranojmë t’i nënshtrohemi trysnisë për të mbështetur njërën ose tjetrën palë në konflikt. Ne zgjedhim atë që është njerëzore”, tha Presidenti i Kilit.
Presidenti i Kolumbisë Gustavo Petro theksoi se vrasja e njerëzve si një mënyrë e luftimit të terrorizmit “gjithmonë dështon”.
“Ia thashë Presidentit Biden se masakra në Palestinë nuk mund të lejohet të vazhdojë. Shkelja e ligjit ndërkombëtar që po shohim sot prodhon më shumë dhunë, më shumë barbarizëm dhe shkatërrim të demokracisë”, tha ai.
Analisti politik Manuel Rayran beson se vende të tjera mund të ndërmarrin veprime kundër Izraelit, të ngjashme me ato të Bolivisë, Kilit dhe Kolumbisë.
“Me këto veprime, vendet e Amerikës së Jugut po krijojnë një shembull për veprimet që vendet e tjera mund të ndërmarrin”, thotë ai. ‘
Argjentina dhe Peruja kanë dënuar sulmet në Rripin e Gazës, ndërsa Meksika dhe Brazili kanë bërë thirrje për armëpushim. Në përgjigje të tërheqjes së ambasadorëve, Izraeli i bëri thirrje Kolumbisë dhe Kilit që të dënojnë në mënyrë më të drejtpërdrejtë organizatën terroriste të Hamasit.
Përmes një deklarate ministria e jashtme e Izraelit i bëri thirrje dy vendeve që të mbështesin të drejtën e një vendi demokratik për të mbrojtur qytetarët e tij, të bëjnë thirrje për lirimin e menjëhershëm të pengjeve dhe mos të mbajnë qëndrime në një linjë me Venezuelën dhe Iranin në mbështetje të terrorizmit të Hamasit./VOA
Momenti i komentuar GJERMANI-Ministri i Jashtëm kroat, Grlic-Ramadan përpiqet të puthë ministren e Jashtme gjermane, Annalena Baerbock....
Antonio Gutterres SHBA- Sekretari i Përgjithshëm i OKB-së, Antonio Guterres e quajti situatën humanitare në Gaza “...
Rexhep Taip Erdogan TURQI- Presidenti turk Tajip Erdogan u tha gazetarëve se Gaza duhet të jetë pjesë e një shteti të...
Vulin SERBI- Ambasada amerikane në Serbi i ka thënë Radios Evropa e Lirë se Shtetet e Bashkuara nuk kanë rol në vendimet e au...
Moti në Itali ITALI- Situata e motit në Itali vijon të jetë kritike. Mediat vendase raportojnë se numri i viktimave ësht&eum...
Sulmohet shkolla në Rripin e Gazës GAZA- Një shkollë në Rripin e Gazës që strehonte të zhvendosurit nga ...
Njohësit e çështjeve politike në Kosovë dhe Serbi, Artan Muhaxhiri dhe Dushan Janjiq, besojnë se draft-statuti i Asociacionit ...
Izrael IZRAEL- Ushtria izraelite njoftoi të premten se numri i ushtarëve izraelitë të vrarë që nga 7 tetori është ...
Aleksandër Vuçiç SERBI- Presidenti Aleksandër Vuçiç është shfaqur në një video-mesazh me babain e...
Me kërkesë të partive opozitare, kryeministri i Kosovës, Albin Kurti raportoi para Kuvendit për draft-statutin e propozuar nga Per&eu...
