"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Lufta ndaj sulmeve pothuajse të përditshme të Houthi-ve është lënë në hije për shkak të luftës Izrael-Hamas në Gazë. Deri më tani janë sulmuar mbi 50 anije drejtpërsëdrejti nga rebelët.
SHBA- Megjithëse grupi rebel Houthi në Jemen thotë se i sulmon anijet në Detin e Kuq për të mbështetur palestinezët në Gazë, nga sulmet e tyre janë goditur edhe anije që nuk asnjë lidhje me konfliktin Izrael-Hamas. Marina Amerikane vazhdon të mbrojë çdo ditë anijet tregtare, në misionin më të zgjatur që nga periudha e Luftës së Dytë Botërore.
Fushata ushtarake e udhëhequr nga Shtetet e Bashkuara kundër grupit militant Houthi, të mbështetur nga Irani, është shndërruar në një ndër betejat më intensive dhe të vazhdueshme me të cilat është përballur Marina Amerikane që pas Luftës së Dytë Botërore.
Ekspertët dhe drejtuesit e misionit e bënë këtë këtë vlerësim për agjencinë e lajmeve Associated Press, gazetarët e së cilës vizituan gjatë ditëve të fundit anijet amerikane pranë brigjeve të Jemenit.
“Është një punë e rrezikshme, por do t’ia dalim. Ekziston një nivel i shtuar rreziku këtu, por marinarët ia kanë dalë mbanë mirë. Kanë shpëtuar jetët e civilëve. E kam vështirë edhe ta llogaris në këtë pikë se sa njerëz kemi shpëtuar deri më tani. Është e vështirë të përllogarisësh diçka që nuk ka ndodhur pasi i shpëtuam. Është një mesazh i rëndësishëm që mendoj se duhet të jepet”, thotë kapiteni Christopher F. Hill, komandant i luftanijes “USS Dwight D. Eisenhower”.
Lufta ndaj sulmeve pothuajse të përditshme të Houthi-ve është lënë në hije për shkak të luftës Izrael-Hamas në Gazë. Deri më tani janë sulmuar mbi 50 anije drejtpërsëdrejti nga rebelët.
“Nuk mendoj se njerëzit e dinë se sa serioze është situata dhe se sa të rrezikuara vazhdojnë të jenë anijet. Huthitë godasin çdo ditë. Vetë luftanijet tona rrezikohen çdo ditë. Ne po i mbrojmë shkëlqyeshëm, po mbrojmë edhe vete. Por është e pandalshme”, thotë komandanti i luftanijes “USS Laboon”, Eric Blomberg.
Nga këto dhe sulme të tjera është rrezikuar transporti tregtar përmes korridorit të Detit të Kuq.
“Destrojerët kalojnë gjashtë nga shtatë ditët e javës në atë që ne e quajmë zona e angazhimit me armë, ku mund të goditen nga një varietet armësh të armikut, qofshin dronë, ose raketa anti-anije, me vetëdrejtim apo balistike. Fluturimi i këtyre mjeteve zgjat vetëm pak minuta dhe nga momenti kur pikasen mbeten vetëm disa sekonda”, thotë kapiteni David Wroe, komandant i destrojerëve me raketa.
Duket se shkëmbimet e zjarrit vetëm do të intensifikohen, duke shtuar rrezikun për Shtetet e Bashkuara dhe aleatët.
“Aktualisht kemi bindjen e fortë se jo vetëm që Irani i mbështet financiarisht, por u jep mbështetje zbulimi. Dhe pjesa që del më shumë në lajme është mbështetja kinetike, pra ofrimi i armëve”, thotë kundëradmirali Marc Miguez, komandant i Grupit të Dytë të Aeroplanmbajtësve.
Rebelët Houthi thonë se sulmet synojnë ndalimin e luftës dhe mbështetjen për palestinezët, megjithëse shpesh sulmohen anije që nuk kanë të bëjnë aspak me konfliktin.
Lufta në Gazë ka shkaktuar vdekjen e mbi 36 mijë palestinezëve, sipas të dhënave të autoriteteve mjekësore palestineze të drejtuara nga Hamasi, si dhe qindra të tjerë janë vrarë gjatë operacioneve izraelite në Bregun Perëndimor.
Konflikti filloi pasi militantët e Hamasit, një organizatë e cilësuar terroriste nga Shtetet e Bashkuara, Britania dhe Bashkimi Evropian, sulmuan Izraelin më 7 tetor, duke vrarë rreth 1200 persona dhe duke marrë peng rreth 250 të tjerë./VOA
foto ilustruese KAIRO- Tetë palestinezë janë vrarë sot nga një sulm ajror izraelit në një kolegj stërvitor pran&eum...
makina SHBA- Një burrë është arrestuar në SHBA pasi u kap duke u munduar të mbyste dy fëmijë&...
olaf scholz GJERMANI- Kancelari gjerman, Olaf Scholz, ka thënë të dielën se është i “shqetësuar” për mu...
foto ilustruese SHKUP- Hristijan Mickoski do të jetë kryeministri i 13 i Maqedonisë së Veriut që nga pavarësia. Pas rezultati...
foto ilustruese ARABI SAUDITE- Më shumë se një mijë vetë vdiqën gjatë pelegrinazhit të Haxhit në Arabinë ...
Foto ilustruese BRUKSEL- Bashkimi Evropian është duke e rritur bashkëpunimin me vendet e rajonit të Ballkanit Perë...
Kryeministri izraelit, Benjamin Netanyahu. IZRAEL- Kryeministri izraelit, Benjamin Netanyahu, i ka thënë kabinetit të tij të dielë...
Foto ilustruese LINDJE E MESME- Hezbollahu, grupi militant i Libanit, ka thënë të dielën se ka shënjestruar me dron të armato...
Foto ilustruese GREQIA- Pas pesëmbëdhjetë vitesh krize puna në Greqi nuk është më e rregulluar në m&...
Kryeministri i Hungarisë, Viktor Orban. BRUKSEL- Kryeministri i Hungarisë, Viktor Orban, u ka thënë mediave gjermane se ai dëshiro...
