Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Tensione të tilla për mundësi krimesh kundër hebrenjve dhe myslimanëve shpërfaqen sa herë që shpërthen ndonjë konflikt në Lindje të Mesme dhe sa herë vriten apo merren pengje amerikanët.
GAZA- Sulmi vdekjeprurës me thikë në Illinois, kërcënimi me armë zjarri drejt protestuesve në Pensilvania, vandalizmi në sinagoga dhe përçmimet e stafit në një restorant palestinez, janë duke e rritur frikën se lufta në mes të Izraelit dhe Hamasit mund ta shtojë numrin e akteve të dhunës në Shtetet e Bashkuara. Tensione të tilla për mundësi krimesh kundër hebrenjve dhe myslimanëve shpërfaqen sa herë që shpërthen ndonjë konflikt në Lindje të Mesme dhe sa herë vriten apo merren pengje amerikanët.
“Ne përballemi me kërcenim të dyfishtë për komunitetet besimtare amerikane”, ka thënë Brian Levin, drejtor i Qendrës për Studime të Ekstremizmit dhe Urrejtjes në Universitetin e Kalifornias, San Bernardino.
Ndonëse është shumë herët për të vendosur nëse krimet kundër myslimanëve dhe kundër hebrenjve janë rritur përgjatë luftës, krimet me bazë urrejtje janë rritur në SHBA vitin e kaluar. Në raporton vjetor të lëshuar më 16 tetor, Byroja Federale e Hetimeve (FBI) ka vlerësuar se krimet e bazuara në urrejtje janë rritur për 7 për qind, përkatësisht 11.634 raste më 2022, në krahasim me vitin paraprak.
Me 1.124 incidente, sulmet kundër hebrenjve kanë qenë të dytat më të shpeshta që janë raportuar, pas rasteve kundër amerikanëve me ngjyrë. Sipas raportit, janë regjistruar 158 incidente të raportuara kundër myslimanëve dhe 92 raste kundër arabëve.
Megjithatë, organizatat e shoqërisë civile besojnë se edhe para sulmeve të Hamasit në Izrael, të dhënat për krime nuk e kanë reflektuar realitetin, për shkak të mungesës së të dhënave të departamenteve policore lokale dhe frikës së brendshme në mesin e popullsisë myslimane, ka thënë Robert McCaw, drejtor për çështje qeveritare në Këshillin për Marrëdhënie Amerikano - Islamike.
Më 2021, Instituti Othering & Belonging i Universitetit Berkeley, e ka publikuar një studim, sipas së cilit 85 për qind e atyre që kanë qenë subjekte të islamofobisë, kanë thënë se nuk i kanë raportuar rastet te autoritetet.
“Numri i vërtetë mbetet të mësohet”, ka thënë McCaw.
Në një prej incidenteve më shqetësuese, një qiradhënës në Illinois, është akuzuar ditë më parë se e ka sulmuar me thikë një qiramarrëse palestinezo-amerikane dhe djalin e saj, dhe dyshohet se arsyeja ka qenë pse ata i përkisnin besimit islam.
Si pasojë e sulmit, djaloshi gjashtëvjeçar ka vdekur dhe nëna është plagosur.
Sherifi policor, prokurorët dhe familjarët, kanë thënë se djaloshi dhe nëna e tij janë shënjestruar pse kanë qenë myslimanë.
Më specifikisht, prokurorët kanë thënë se qiradhënësi ka qenë “i zemëruar… për atë që ka ndodhur në Jerusalem” dhe gruaja e tij i ka thënë policisë se burri i saj është frikësuar se ata do të sulmoheshin nga njerëzit me prejardhje prej Lindjes së Mesme.
Në Pensilvani, një burrë është akuzuar për frikësim në baza etnike, pasi policia ka thënë se ai ia ka drejtuar armën një pjesëmarrësi të marshit pro-palestinez afër Kongresit amerikan, të premten.
Në Boston, fjala “nazistë” është shkruar në muret e ndërtesës së Qendrës Kulturore Palestineze për Paqe.
“Ka shumë gjëra për t’u frikësuar. Ekziston shumë ankth dhe paraqartësi në gjithçka që është duke ndodhur”, ka thënë Abed Ayoub, drejtor ekzekutiv për Komitetin amerikano-arab kundër diskriminimit.
Ai ka thënë se grupi i ka pranuar më shumë se 100 raportime, përfshirë ngacmimet, kërcënimet, frikësimet dhe sulmet fizike.
“Është përkujtues i madh i ditëve të para pas sulmeve të 11 shtatorit, kur njerëzit nuk kanë dashur të dalin jashtë, nuk kanë dashur t’i dërgojnë fëmijët në shkollë”, ka thënë ai.
“Ata janë të shqetësuar vetëm pse janë në ambiente publike”.
Në Dearborn të Miçiganit, ku gjendet numri më i madh i myslimanëve për kokë banori, liderë të komunitetit dhe liderët fetarë janë takuar jashtë departamentit policorë të vendit.
Në këtë qytet janë regjistruar disa kërcënime ditëve të fundit, përfshirë ato të një burri të akuzuar pse ka pyetur në rrjete sociale, nëse dikush dëshiron t’i bashkohet për t’i përndjekur palestinezët.
“Ne duhet ta kuptojmë që këto çështje që po ndodhin jashtë shtetit, nuk janë vetëm jashtë shtetit, shumë gjëra lidhen edhe me këtu”, ka thënë Imran Salha, imim i Qendrës Islamike të Detroidit.
Historikisht, krimet kundër hebrenjve janë rritur sa herë ka pasur konflikte izraelito-palestineze, ka thënë Levin, profesor në Kalifornia. Në mars të vitit 1994, ka pasur rritje të krimeve me bazë urrejtjeje kundër hebrenjve, prej 79 në 147, një muaj pasi një ekstremist amerikano-izraelit ka shtënë me armë kundër palestinezëve myslimanë në një xhami, ka thënë ai, duke i cituar statistikat e FBI-së.
Në tetor të vitit 2000, krimet me bazë urrejtjeje kundër hebrenjve në Shtetet e Bashkuara janë rritur nga 81 në 204, në krahasim me muajin para se të ndodhte një seri protestash të dhunshme në fshatrat arabe në veri të Izraelit. Levin e ka vërejtur një trend të ngjashëm të maj të vitit 2021, sidomos në qytetet me popullsi të konsiderueshme hebreje, sikurse Nju Jorku dhe Llos Angjellesi.
Javën e kaluar në Kaliforni, disa fletushka që kanë përhapur retorikë kundër hebrenjve, janë përhapur nëpër lagje dhe nëpër makina. Në Fresno, policia ka thënë se një burrë është i dyshuar për thyerje dritaresh dhe lënie të një shkrese kundër hebrenjve në një furrë buke, dhe është “person me interes” për vandalizim të një sinagoge lokale.
Julie Platt, drejtore e Federatës së Hebrenjve të Amerikës Veriore, ka thënë se sinagogat dhe qendrat e komunitetit hebrej në SHBA, i kanë forcuar kushtet e sigurisë.
“Mendoj se qëllimi kryesor është që të na terrorizojnë në aspektin psikologjik”, ka thënë ajo.
“Për aq kohë sa nuk dëgjoj për kërcënime shumë konkrete, besoj se duhet ta vazhdojmë jetën”.
Shumë amerikano-palestinezë të intervistuar së fundi në Bruklin, në një lagje me popullsi të madhe arabe, kanë thënë se atmosfera ka qenë e tensionuar në javën e fundit.
Jumana Alkaram ka thënë se ajo personalisht nuk është kërcënuar, mirëpo që “e di që nëse dal me flamurin palestinez në dorë, do të isha kërcënuar. Sepse shumica e mbështet Izraelin dhe nuk e kanë pamjen e plotë se çfarë është duke ndodhur në Gaza”.
Në qytetin e Nju Jorkut, restoranti palestinez, Ayat, është detyruar ta mbyllë linjën telefonike, pasi ka marrë vazhdimisht kërcënime, sipas pronarit, Abdul Elenani.
Në hyrje të restorantit është murali i një palestinezi duke qarë dhe në menu janë thirrjet “jepni fund pushtimit”.
Të premten, një burrë ka hyrë në dhomën kryesore dhe ka bërtitur “terrorist”, mbrapa shpinës së Elenanit.
Megjithatë, ky akt është tejkaluar me mbështetjen që ai e ka pranuar nga fqinjët, shumica prej të cilëve janë hebrenj dhe e ndajnë vizionin e njëjtë për minimizim të vdekjeve civile, ka thënë ai.
“Në Nju Jork ne jetojmë të gjithë bashkë, punojmë bashkë, rritemi bashkë”, ka thënë Elenani.
“Ne të gjithë duam që të ndalet kjo dhunë”.
Marrë nga REL
Kryeministri i Izraelit, Benjamin Netanyahu IZRAEL- Izraeli iu ka bërë thirrje qytetarëve të largohen nga Jordania dhe Egjipti dhe i k...
KE BRUKSEL- Komisioni Europian nuk pranon të bëjë komente mbi deklaratën e bërë nga presidenti francez Emmanuel Macron gjat&e...
diplomatet e BE KOSOVË-Pesë emisarët e Bashkimit Europian që pritet të takojnë sot në orën 10:00 me kryeministrin e...
pika kufitare e Rafahut EGJIPT- Kalimi i Rafahut është mbyllur menjëherë pasi kaluan 20 kamionë me ndihma, sipas CNN. Pik&e...
Kamionet GAZA- Pikëkalimi kufitar mes Egjiptit dhe Gazës është hapur të shtunën, duke mundësuar dërgimin e ndihmave...
Badoci PRISHTINË- Rreth 18 kilometra rrugë e ndajnë qendrën e Prishtinës nga Liqeni i Badocit, prej ku bëhet furnizimi me uj&...
Momenti i lirimit GAZA- Pamjet e lirimit të 18-vjeçares Natalie Raanan dhe nënës së saj Judith, e cila është me p...
Alicia Kearns dhe Vjosa Osmani KOSOVË- Presidentja e Kosovës, Vjosa Osmani ka falenderuar deputeten britanike, Alicia Kearns për përkra...
Diplomatet KOSOVË- Pesë diplomatë të Perëndimit nisin më 21 tetor vizitat në Kosovë dhe Serbi, me një qël...
Marina Vulović Deutsche Welle: Të shtunën, të dërguarit e shteteve të Kuint-it udhëtojnë në rajon p&...
