Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Ndryshimet klimatike bënë që sivjet Toka të jetë mbi 1.5 gradë celsius më e nxehtë, krahasuar me mesataren e epokës para industriale.
BAKU- Dhjetëra udhëheqës botërorë që po marrin pjesë në konferencën vjetore të Kombeve të Bashkuara për klimën në Azerbajxhan, po shprehin shqetësim për pasojat e ndryshimeve klimatike. Përtej fjalimeve mbi motin ekstrem, pjesëmarrësit kanë arritur të sigurojnë zotimin e bankave kryesore për t’u dhënë më shumë hua vendeve në zhvillim për t’u përballur me pasojat e ngrohjes globale.
Udhëheqës të vendeve të vogla ishuj janë ankuar se po përballen me pasojat më të mëdha të ndryshimeve klimatike. Ata ankohen se edhe ndihmat nga vendet e zhvilluara, që janë shkaktarët kryesore të ndryshimeve klimatike, janë shumë të vogla dhe të vonuara. Kryeministri i Grenadës, Dickon Mitchell foli në detaje mbi një thatësirë disa mujore në fillim të vitit ndërsa tani vendi i tij po përballet me një uragan të kategorisë 5. Kryeministri i ishullit, Niue, në anën tjetër të globit, pranë Fixhit dhe Zelandës së Re, tha se ndryshimet klimatike janë kërcënimi më i madh me të cilin përballet vendi i tij.
“Ne po dështojmë të arrijmë synimin për të mos lejuar rritjen e temperaturave mbi 1.5 gradë celsius. Për vendin tim dhe rajonin e Paqësorit, ndryshimi klimatik është kërcënimi më i madh me të cilin po përballemi”, tha zoti Tagelagi.
Ndryshimet klimatike bënë që sivjet Toka të jetë mbi 1.5 gradë celsius më e nxehtë, krahasuar me mesataren e epokës para industriale. Kufiri prej 1.5 gradë celsius u përcaktua në vitin 2015 gjatë konferencës së Parisit. Një nga përkushtimet kryesore që rritja e temperaturave të mos shkojë mbi 1.5 gradë celsius është ulja e emetimeve nga karburantet fosile në nivelin zero, deri në vitin 2050. Shkencëtarët që po marrin pjesë në konferencën në Baku, thonë se kjo nuk po ndodh.
“Emetimet nga lëndët djegëse fosile janë rritur përsëri në vitin 2024 dhe ne nuk po bëjmë mjaft në nivel global për t’i ulur ato”, thotë Mike O’Sullivan, shkencëtar nga Universiteti Exeter.
“Nëse marrim nivelet e sotme të emetimeve, rritja e përhershme e temperaturës përtej 1.5 gradë celsius do të ndodhë brenda gjashtë vjetësh. Pra duhet bërë ulje masive e emetimeve”, thotë Stephen Sitch, shkencëtar mbi mjedisin.
Shkencëtarët e pranuan se Shtetet e Bashkuara dhe Evropa i kanë zvogëluar emetimet e gazeve duke investuar më shumë në energji të ripërtëritshme.
Duke folur në emër të Shteteve të Bashkuara, i dërguari për klimën John Podesta tha se pasojat e mosndërmarrjes së masave tashmë janë të qarta, duke kujtuar pasojat nga uraganet vdekjeprurës në Shtetet e Bashkuara Helene dhe Milton dhe motin ekstrem në pjesë të tjera të botës.
“Ne kemi një zgjedhje të qartë midis një të ardhmeje më të sigurt, më të pastër dhe një të ardhmeje më të pistë, më të rrezikshme dhe më të shtrenjtë. Ne e dimë se çfarë duhet të bëjmë. Le t’ia fillojmë punës dhe ta përfundojmë atë”, tha zoti Podesta.
Pjesëmarrësit në këtë takim po kërkojnë të arrijnë një marrëveshje mbi fondet që vendet e zhvilluara duhet t’i ndajnë për vendet në zhvillim për t’i ndihmuar ato të shtojnë prodhimin e energjisë së pastër. Një version fillestar i kësaj marrëveshjeje u publikua të mërkurën, por ajo ende nuk është finalizuar.
Një grup huadhënësish, përfshirë Bankën Botërore, njoftuan të martën se do të shtojnë fondet që vendet e varfra mund t’i marrin hua në 120 miliardë dollarë deri në vitin 2030. Kjo përbën një rritje afërsisht me 60% nga shuma e përcaktuar një vit më parë./VOA
pamje nga vendngjarja KOSOVË- Të shtëna me armë zjarri janë raportuar pasditen e sotme në Klinë të Kosovës. Me...
Donald Trump SHBA- Presidenti i zgjedhur Donald Trump pritet të emërojë së shpejti një të dërguar për paqen n&...
Sulmet LIBAN- 78 persona u vranë dhe 122 u plagosën nga sulmet izraelite të martën në zona të ndryshme të Liba...
joe dhe jill biden SHBA- Gjatë takimit të presidentit të zgjedhur Donald Trump me Joe Biden, u shfaq edhe Zonja e Parë Jill Biden. ...
Aleksey Zimin SERBI- Kuzhinieri rus Aleksey Zimin, i cili drejtonte një restorant në qendër të Londrës dhe ishte kritik i luft&eu...
trump, biden SHBA- Vizita e Donald Trump në Shtëpinë e Bardhë sot, me ftesë të Presidentit Joe Biden, është një...
Notre Dame FRANCË- Pesë vjet pasi një zjarr shkatërroi katedralen historike të Francës, Notre Dame po përgatit...
Donald Trump SHBA- Duke folur në përfundim të takimit të republikanëve, Donald Trump iu referua sugjerimeve se ai mund të p&e...
trump, biden SHBA- Presidenti i zgjedhur i SHBA, Donald Trump ka mbërritur pak minuta më parë në Shtëpinë e Bardhë ...
fotot ilustruese SHBA- Zyrtarët palestinezë të shëndetësisë thonë se sulmet ajrore izraelite vranë të pakt&eum...
