Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Vetë Harris tha përmes një deklarate se ndihet e nderuar që mori mbështetjen e Bidenit dhe se qëllim i saj është “ta fitojë nominimin” e partisë, duke sugjeruar se nuk e përjashton mundësinë që të përballet me të tjerë në garën për nominim.
SHBA- Mbështetja që i dha presidenti i SHBA-së, Joe Biden, zëvendëses së tij, Kamala Harris, për të garuar si kandidate e Partisë Demokratike në zgjedhjet e nëntorit, nuk u ka dha fund spekulimeve nëse ajo do të jetë, në fakt, zyrtarisht kandidate.
Ish-presidenti Bill Clinton dhe gruaja e tij - ish-sekretarja e Shtetit dhe kandidatja demokrate për presidente në vitin 2016, Hillary Clinton - shprehën mbështetjen e tyre për Harrisin, menjëherë pasi Biden lëshoi një deklaratë, duke thënë se ai tërhiqet nga gara.
Por, disa zyrtarë të tjerë të lartë të Partisë Demokratike ishin të përmbajtur, përfshirë këtu: ish-presidentin Barack Obama, ish-kryetaren e Dhomës së Përfaqësuesve, Nancy Pelosi, udhëheqësin e pakicës në Dhomën e Përfaqësuesve, Hakeem Jeffries, dhe udhëheqësin e shumicës në Senat, Chuck Schumer.
Kjo, pasi shumë prej tyre mendojnë se ka kandidatë të tjerë që kanë shanse më të mira për të mposhtur kandidatin republikan dhe ish-presidentin, Donald Trump, në zgjedhjet e 5 nëntorit.
Vetë Harris tha përmes një deklarate se ndihet e nderuar që mori mbështetjen e Bidenit dhe se qëllim i saj është “ta fitojë nominimin” e partisë, duke sugjeruar se nuk e përjashton mundësinë që të përballet me të tjerë në garën për nominim.
Nominimi do të shpallet zyrtarisht në Konventën Kombëtare Demokratike në Çikago të Illinoisit, që do t’i zhvillojë punimet nga data 19 deri më 22 gusht.
Thirrje për një “proces të hapur”
Disa analistë sugjerojnë se do të mbahen një palë “mini-zgjedhje” mes Harrisit dhe çdo kandidati tjetër të mundshëm presidencial, për të përcaktuar se kush do të jetë i nominuari. Se si do të zhvillohen ato zgjedhje, nuk është e qartë.
Por, rregullat e Komitetit Kombëtar Demokratik - i cili duhet të mblidhet dy ditë pasi një kandidat që i ka fituar zgjedhjet paraprake, tërhiqet nga zgjedhjet presidenciale - do të përcaktojnë se si partia do të ecë përpara.
Obama tha se ka “besim të jashtëzakonshëm se udhëheqësit e partisë sonë do të arrijnë të krijojnë një proces, nga i cili do të dalë një kandidat i shquar”.
Nëse mbahen mini-zgjedhjet, ato mund ta përcaktojnë fituesin shumë kohë përpara Konventës së Demokratëve dhe zgjedhja përfundimtare do të shpallet pastaj zyrtarisht në Çikago.
Por, disa thonë se gara mes Harrisit dhe kandidatëve të tjerë mund të fillojë në ditët në vazhdim, porse emri do të vendoset në konventë, nga mijëra delegatët që do të jenë atje.
Ish-zyrtari i administratës së Obamës, David Axelrod, konsulent politik dhe komentues politik për CNN-in, tha se udhëheqësit kryesorë në Partinë Demokratike janë të matur ndaj Harrisit, pasi po pyeten: “Si dhe kush mund ta mposhtë Donald Trumpin në nëntor”?
Në sondazhin e fundit kombëtar nga CBS News, Trump doli në epërsi me 52 për qind mbështetje, kundrejt Bidenit me 47%, dhe me 51% mbështetje kundrejt Harrisit me 48%.
Trump është gjithashtu përpara në sondazhet në shumicën e shteteve të lëkundura - siç njihen shtetet ku votat për demokratët dhe republikanët janë gati të barabarta dhe shpesh të paparashikueshme.
Pavarësisht thirrjeve për një proces të hapur që do të mbahej me shumë kandidatë, askush nuk doli të thotë se do të futet në garë, pas njoftimit të Bidenit.
“Askush nuk tha - së paku jo menjëherë - se do ta sfidojë atë. Kështu që Harris është tani favorite për t’u nominuar”, thotë për Radion Evropa e Lirë Matthew Dallek, profesor i shkencave politike dhe historian në Universitetin George Washington.
Sfiduesit e mundshëm të Harrisit
Edhe pse disa sfidues të mundshëm kanë shprehur tashmë mbështetjen e tyre për Harrisin - përfshirë guvernatorin e Kalifornisë, Gavin Newsom, dhe guvernatorin e Pensilvanisë, Josh Shapiro - janë disa të tjerë që ende mund ta sfidojnë atë:
Gretchen Whitmer (52 vjeçe), guvernatore e Miçigenit
Një guvernatore e njohur në një shtet të lëkundur, Whitmer është relativisht e re dhe njihet në nivel kombëtar, pasi emri i saj është përmendur shpesh si zëvendësuese e mundshme e Bidenit nëse ai tërhiqet. Trump është aktualisht në epërsi në sondazhet e opinionit në Miçigan dhe Whitmer mund të ndihmojë që demokratët ta sigurojnë këtë shtet.
Joe Manchin (76 vjeç), senator nga Virxhinia Perëndimore
Një ligjvënës që shpesh ka zemëruar shumë demokratë, sepse nuk ka votuar gjithmonë me ta, Manchin është regjistruar si i pavarur në fillim të këtij viti. Ai tha më 21 korrik se po mendon të riregjistrohet si demokrat dhe të konkurrojë kundër Harrisit.
Kandidatë të tjerë të mundshëm përfshijnë: guvernatorin e Illinoisit, J.B. Pritzker (59 vjeç), senatorin e Nju Xhërsit, Cory Booker (55 vjeç), guvernatorin e Merillendit, Wes Moore (45 vjeç) dhe ish-zonjën e parë, Michelle Obama (60 vjeçe).
Kush mund të jetë nënpresident/e?
Nëse udhëheqësit e Partisë Demokratike përfundojnë duke e mbështetur Harrisin si kandidate, atëherë në qendër të vëmendjes do të jetë se kush do të garojë si zëvendës apo zëvendëse e saj.
Sfiduesit e mundshëm të Harrisit për nominimin presidencial do të ishin, po ashtu, kandidatë për të qenë zëvendës të saj.
Një përjashtim mund të jetë Newsom, sepse ai është nga Kalifornia, ashtu sikurse edhe Harris, dhe në Amendamentin e 12-të të Kushtetutës së SHBA-së është një klauzolë që i ndalon dy kandidatë nga i njëjti shtet që të konkurrojnë "me të njëjtën biletë".
Disa kandidatë të mundshëm për t'iu bashkuar Harrisit në garën për zëvendës/e të saj janë:
Josh Shapiro (51 vjeç), guvernator i Pensilvanisë
Ashtu si Whitmer, Shapiro është një guvernator i ri i një shteti të lëkundur. Biden e fitoi Pensilvaninë në zgjedhjet presidenciale të vitit 2020, por tani në sondazhe ishte më poshtë se Trumpi.
Mark Kelly (60 vjeç), senator i Arizonës
Ashtu si Shapiro, Kelly është nga një shtet i rëndësishëm për demokratët. Biden e fitoi Arizonën në vitin 2020, por, muajve të fundit, ishte prapa Trumpit në sondazhe. Ish-astronaut dhe kapiten i marinës, Kelly është i martuar me ish-kongresisten Gabby Giffords, e cila u plagos rëndë në një atentat në vitin 2011.
Andy Beshear (46 vjeç), guvernator i Kentakit
Një udhëheqës demokrat në një shtet që i voton fuqishëm republikanët, Beshear shihet si kandidat që mund të fitojë vota nga republikanët e pavarur dhe të moderuar. I konsideruar fillimisht si një sfidues i mundshëm i Harrisit, Beshear shprehu mbështetje për kandidaturën e saj për presidente.
Roy Cooper (67 vjeç), guvernator i Karolinës së Veriut
Një tjetër demokrat në një shtet të lëkundur që ka votuar së voni për republikanët në zgjedhjet kombëtare. Ashtu si Beshear, ai mund t'i tërheqë republikanët e moderuar dhe të pavarur për të votuar për Harrisin.
Nëse Komiteti i rregullave i Konventës Kombëtare Demokratike nuk e ndryshon afatin kohor, votimi virtual nga delegatët në Konventën e partisë do të fillojë në fillim të gushtit.
Kjo nuk i lë shumë kohë partisë për të marrë vendimin përfundimtar - nëse do ta nominojë Harrisin ose dikë tjetër - e as kandidatit/es - nëse është Harris apo dikush tjetër - për të zgjedhur kandidatin për zëvendës/e./REL
Dielli ARGJENTINË- Një astrofotograf ka kapur një mur 236,000 milje të lartë të plazmës së Diellit. Argjentina...
Kamala Harris SHBA- Shkrimtari i “Simpsons”, Al Jean, i është përgjigjur komenteve se shfaqja "parashikoi" Kamala Harris si...
kamala harris SHBA- Nënpresidentja amerikane, Kamala Harris, gjatë paraqitjes së parë publike që kur hyri në garën presi...
pamje nga ngjarja SPANJË- Dhjetëra mijëra njerëz dolën në rrugët e Majorkës më 21 kor...
pamje nga ngjarja ANGLI- Një turisteje i ra të fikët pasi u kafshua nga një kalë i Gardës Mbretërore Brit...
Foto ilustruese TURQI- Një tërmet me magnitudë 4.7 ballë të shkallës Rihter ka ndodhur pasditen e së hën&...
Kamala Harris SHBA- Kamala Harris, nënpresidentja e parë grua në Shtetet e Bashkuara, mund të marrë emërimin e Partisë D...
Foto ilustruese KOSOVË- Vendimi i BE-së nxit reagimin e qeverisë së Kosovës: "Cilido vendim i BE nuk e zhbën faktin që p...
Kimberly Cheatle SHBA- Drejtoresha e Shërbimit Sekret amerikan tha se atentati ndaj ish-presidentit Donald Trump, ishte “dështimi më ...
J.D. Vance SHBA- Senatori nga Ohajo, J.D. Vance u përzgjodh kandidat për nënpresident. Politikat e tij ndërthuren me ato të ish-pr...
