Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Udhëheqësi i Lëvizjes URA dhe kryeministri me mandat teknik i Malit të Zi, Dritan Abazoviç, ka thënë më 5 prill se vendimi për rrënimin e objekteve të Gjukanoviçit, nuk ka të bëjë me zgjedhjet.
Dy ditë pasi humbi zgjedhjet presidenciale më 2 prill, Inspektorati Ndërtimor i Ministrisë së Ekologjisë dhe Urbanizmit në Mal të Zi urdhëroi Millo Gjukanoviçin që brenda 20 ditësh të rrënojë dy shtëpi të ndërtuara ilegalisht në pronën e familjes në fshatin Koçan, jo larg qytetit të Nikshiçit. Gjukanoviç ka mbajtur poste udhëheqëse shtetërore për më shumë se tri dekada. Në rundin e dytë të zgjedhjeve presidenciale më 2 prill, ai është mposhtur nga Jakov Millatoviç nga Lëvizja Evropa tash.
“Objektet janë ndërtuar në kundërshtim me planin e vlefshëm hapësinor-urban të Komunës së Nikshiçit. Nëse Gjukanoviç nuk i rrënon në afatin e paraparë, atë do ta bëjë shteti me shpenzimet e tij,”- thuhet në vendimin e Ministrisë, të datës 4 prill, të publikuar në llogarinë në Facebook të Lëvizjes Qytetare URA.
Ministrinë e udhëheq një zyrtare e kësaj partie, Ana Novakoviç Gjuroviç. Udhëheqësi i Lëvizjes URA dhe kryeministri me mandat teknik i Malit të Zi, Dritan Abazoviç, ka thënë më 5 prill se vendimi për rrënimin e objekteve të Gjukanoviçit, nuk ka të bëjë me zgjedhjet.
“Inspektorati duhet të veprojë në përputhje me ligjin dhe pyetja për Gjukanoviçin është: përse ka ndërtuar ilegalisht,”- është shprehur Abazoviç. Ai ka thënë se Gjukanoviç i ka 20 ditë kohë për t’i rrënuar objektet ilegale.
“Të mos dalim në terren e t’i prishim. Ai e ka mundësinë që t’i heqë vetë ato, si një qytetar i përgjegjshëm,”- ka thënë Abazoviç.
Millosh Nikolliç, nga Partia Demokratike e Socialistëve e Gjukanoviçit, e ka cilësuar paralajmërimin për shembje si dhunë institucionale dhe hakmarrje e “një kryeministri të dështuar”. Vendimi që urdhëron Gjukanoviçin t’i rrënojë dy objekte është një shembull flagrant i dhunës ligjore, i bazuar në deklarata të pasakta dhe jo të plota, thotë përfaqësuesja ligjore e tij, Neda Ivoviç. Në një përgjigje me shkrim dërguar Radios Evropa e Lirë, ajo thotë se në vitin 2018, në Komunën e Nikshiçit është dorëzuar kërkesa për legalizim. Sipas saj, objektet dhe prona janë trashëgimi familjare, që datojnë nga fillimi i shekullit 20.
Ivoviç thotë se Gjukanoviçdo t’i shfrytëzojë mjetet juridike dhe do t’i fillojë procedurat penale dhe civile për mbrojtjen e të drejtave. Në vendimin e datës 4 prill thuhet se Inspektori i Ndërtimit ka paralajmëruar shkuarjen e tij në pronën e Gjukanoviçit, por se porta ka qenë e mbyllur. Vendimin për rrënim e ka shkruar më vonë, bazuar në të dhënat kadastrale.
Sipas Planit Hapësinor Urbanistik të Nikshiçit, objektet janë të vendosura në brezin e gjelbër, ku nuk lejohen ndërtesa banimi. Në vitin 2019, Gjukanoviçka raportuar në Regjistrin e Pronës se ka në pronësi tri parcela prej gati 1 mijë e gjysmë metrash katrorë në Nikshiç dhe se në më të madhen prej tyre zotëron dy ndërtesa njëkatëshe, prej 30 dhe 40 metrash katrorë.
Pamjet tregojnë objekte të mirorganizuara, funksionale dhe shumë më të mëdha seç është raportuar. Siç mund të shihet nga pamjet, pasuria e familjes Gjukanoviç është e rrethuar në tërësi dhe ndërtesat lidhen me njëra-tjetrën me shtigje betoni.
Sipas të dhënave të Administratës së Pasurive të Paluajtshme, një objekt ka një sipërfaqe prej 270 metrash katrorë dhe tjetri 63. Përveç kësaj, sipas Rrjetit për Hulumtimin e Krimit dhe Korrupsionit - LUPA, në pjesën e njërës pronë, Gjukanoviç ka uzurpuar dy parcela të tokës në pronësi të shtetit dhe ka ndërtuar një mur mbi to. Koha kur është publikuar paralajmërimi për rrënim, tregon se qëllim nuk është shtypja e ndërtimeve pa leje, por një “lëvizje marketingu” që dikush mendon se do t’i sjellë pikë politike, thotë aktivisti qytetar, Vuk Marash, për Radion Evropa e Lirë.
“Nga të gjitha ato për të cilat Gjukanoviç dyshohet në tri dekadat e fundit, mendoj se mëkati i tij më i vogël është ndërtimi i paligjshëm”, thotë ai.
Marash thotë se në veprimet e Qeverisë së Abazoviçit ka përzgjedhje.
“Dora e tij e drejtësisë nuk do të arrijë kurrë në Krimovicë dhe te Marko Bato Careviç dhe zyrtarë të ngjashëm, të afërt me Qeverinë ekzistuese”, thotë Marash. Marko Bato Careviç është një zyrtar i partisë Fronti Demokratik, të cilin qendra hulumtuese malazeze MANS e ka akuzuar për uzurpimin e rreth gjysmë milioni metra katrorë tokë shtetërore në Krimovicë, afër Budvës. Për këtë, Careviçnuk është ndjekur penalisht, por është zgjedhur kryetar i Komunës së Budvës.
“Mesazhi më i mirë dërgohet kur filloni të pastroni shtëpinë tuaj dhe më pas të dikujt tjetër. Por, padyshim, këtu ka selektivitet”, thotë Marash.
Sipas tij, i gjithë rasti me Gjukanoviçin është pjesë e një fushate politike që bëhet përpara zgjedhjeve parlamentare, të planifikuara për datën 11 qershor.
Viteve të fundit, kundër Gjukanoviçit janë ngritur disa kallëzime penale, të cilat janë hedhur poshtë. Ndaj tij, MANS-i ka ngritur akuza për shpërdorim të pronës shtetërore për qëllime private dhe mosdeklarim të pasurisë. Një prej tyre ka qenë financimi i fushatës për Partinë Demokratike të Socialistëve, në vitin 2016, kur dyshohet se është krijuar një skemë për të injektuar para me origjinë të panjohur në llogaritë zyrtare të partisë.
Gjithashtu, në tetor të vitit 2021, MANS-i ka njoftuar se dokumentet nga afera “Letrat e Panamasë” tregojnë se Gjukanoviç dhe djali i tij kanë lidhur kontrata sekrete për menaxhimin e aseteve të tyre, duke u fshehur pas një rrjeti të komplikuar të kompanive të lidhura nga Britania e Madhe, Zvicra, Ishujt e Virgjër Britanikë, Panamaja dhe Gjibraltari. Në të njëjtin muaj, Prokuroria Speciale e Shtetit të Malit të Zi ka marrë një deklaratë nga Millo Gjukanoviçi dhe ka marrë në pyetje djalin e tij, Bllazho.
Numri i ndërtimeve pa leje në Mal të Zi është rreth 100.000. Sipas vlerësimeve të Qeverisë, shumica gjendet në vendbanimet periferike të Podgoricës dhe në bregdet, por të dhëna përfundimtare dhe të sakta për to nuk ka. Në raportin e fundit vjetor të Ministrisë së Ekologjisë dhe Urbanizmit në Mal të Zi thuhet se janë paraqitur gati 55 mijë kërkesa për legalizim, por se deri në fund të vitit 2021 janë marrë pak më shumë se 2 mijë vendime për legalizim.
Në mesin e ndërtuesve të paligjshëm është edhe Kisha Ortodokse Serbe në Mal të Zi. Në muajin korrik, mitropoliti Joanikije ka shenjtëruar themelet e tempullit të ardhshëm pranë Liqenit të Kapitenit, në Komunën e Kollashinit, në një parcelë toke që është në pronësi të shtetit të Malit të Zi. Inspektorati Urbanistik dhe Ndërtimor i Ministrisë së Ekologjisë ka kryer një inspektim në atë lokacion, pas të cilit ka thënë se “po ndërmerren masa dhe veprime të mëtejshme”. Por, shembulli më drastik është një kishë metalike e Kishës Ortodokse Serbe, që është vendosur me helikopter në Malin e Rumisë në vitin 2005, duke thyer traditën shekullore të grumbullimit të ortodoksëve, katolikëve dhe myslimanëve në majën e këtij mali./REL
Milorad Dodik SARAJEVË- Udhëheqësi serb Milorad Dodik ka kërcënuar se do të ndërpresë kontaktet me diplomatët ...
Valon Syla PRISHTINË- Gazetari dhe analisti i emisionit Pressing në T7, Valon Syla është sulmuar sonte nga tre persona. Si pasoj&...
Foto ilustruese Një grup dypartiak prej më shumë se 130 anëtarësh të Kongresit amerikan kanë nënshkruar një le...
Foto ilustruese Vendimi i një gjykate të Teksasit që mund të ndalë qasjen tek një nga pilulat më të përdorura ...
Papa Francesku VATIKAN- Papa Francesku e kaloi në mënyrë shumë të qetë fundjavën e Pashkës, por gjatë një...
Ramush Haradinaj PRISHTINË- Kryetari i Aleancës për Ardhmërinë e Kosovës, Ramush Haradinaj ka thënë se marrëv...
James Rubin dhe Dimitar Kovaçevski Zyrtari i lartë i Departamentit amerikan të Shtetit, James Rubin, u ka thënë të mart&eum...
Jeffrey Hovenier Shtetet e Bashkuara janë shprehur të shqetësuara për incidentin në veri të Kosovës më 10 prill, n&...
Foto ilustruese PRISHTINË- Policia e Kosovës ka bërë me dije se ka pezulluar nga puna katër pjesëtarë të saj, n&eum...
Recep Tayyip Erdogan ANKARA- Presidenti turk, Recep Tayyip Erdogan, e ka prezantuar planin për rritje të shpenzimeve publike, i cili shihet si p&...
