Përshkallëzohet situata në Lindjen e Mesme/ Rrëzohet marrëveshja Iran-SHBA, ndërsa sulmet sa vijnë dhe shtohen
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Jermak akuzohet për pastrim parash në kuadër të një grupi kriminal të organizuar, një vepër për të cilën parashikohet dënim me burg nga 8 deri në 12 vjet. Sipas autoriteteve antikorrupsion, grupi ku dyshohet se bënte pjesë Jermak ka pastruar rreth 460 milionë hrivna (rreth 9 milionë euro) përmes një projekti luksoz banimi pranë Kievit. Më vonë, në këtë rast janë ngritur akuza edhe ndaj gjashtë personave të tjerë.
Byroja Kombëtare Antikorrupsion e Ukrainës (NABU) dhe Prokuroria e Specializuar Antikorrupsion (SAP) kanë ngritur aktakuzë kundër Andrij Jermak, ish‑shef i kabinetit të presidentit ukrainas Volodymyr Zelensky. Në sistemin gjyqësor ukrainas, një hap i tillë nënkupton nisjen e një procesi gjyqësor.
Jermak akuzohet për pastrim parash në kuadër të një grupi kriminal të organizuar, një vepër për të cilën parashikohet dënim me burg nga 8 deri në 12 vjet. Sipas autoriteteve antikorrupsion, grupi ku dyshohet se bënte pjesë Jermak ka pastruar rreth 460 milionë hrivna (rreth 9 milionë euro) përmes një projekti luksoz banimi pranë Kievit. Më vonë, në këtë rast janë ngritur akuza edhe ndaj gjashtë personave të tjerë.
Vepra penale
"Bëhet fjalë për një vepër penale veçanërisht të rëndë. Aktualisht jemi në fazën e mbledhjes së provave”, deklaroi kreu i SAP-it, Oleksandr Klimenko, në një konferencë për shtyp në Kiev. Seancat dëgjimore kanë nisur më 12 maj.
Gjykata e Lartë Antikorrupsion e Ukrainës ka caktuar paraburgim hetimor fillestar prej 60 ditësh. Megjithatë, Andrij Jermak ka mundësinë të qëndrojë i lirë me kusht pagesën e një garancie prej 140 milionë hrivnash (rreth 2,7 milionë euro). "Nuk kam kaq para”, u shpreh Jermak para gazetarëve pas vendimit të gjykatës.
Për çfarë akuzohet Andrij Jermak?
Sipas hetimeve, gjithçka ka nisur në vitin 2018, kur një nga të akuzuarit – siç tregohet në një video të publikuar nga NABU – u bë bashkëthemelues i kompanisë BLOOM Development. Kjo kompani, në verën e vitit 2019, bleu mbi katër hektarë tokë pranë Kievit, ndërsa në vitin 2021 filloi ndërtimin e një kompleksi luksoz banimi të quajtur "Dinastia”.
Hetuesit dyshojnë se ky projekt ndërtimi është përdorur në shkallë të gjerë për legalizimin e parave të përfituara në mënyrë të paligjshme. Sipas tyre, grupi kriminal siguronte të ardhura nga burime të ndryshme, përfshirë skema korruptive në koncernin shtetëror "Energoatom”.
Grupi dyshohet se drejtohej nga një person me emrin kod "Karlson”. Sipas raportimeve, pas këtij pseudonimi fshihet biznesmeni Timur Mindiç, i njohur si bashkëpunëtor i afërt dhe mik i presidentit Zelensky. Mindiç është gjithashtu bashkëpronar i shtëpisë televizive "Kvartal-95”, ku ndër themeluesit është edhe vetë Zelensky.
Dyshimet përfshijnë edhe vetë Andrij Jermak. Në kuadër të këtij rasti, NABU kishte kontrolluar në nëntor 2025 zyrën dhe banesën e tij private. Edhe pse atëherë nuk kishte ende akuza penale ndaj tij, Jermak u tërhoq nga posti i shefit të administratës presidenciale, të cilin e mbante që nga viti 2020.
Jermak i mohon akuzat dhe pohon se nuk zotëron asnjë shtëpi në kompleksin "Dinastia”. Ai i cilëson akuzat si të pabaza: "Gjatë muajve të fundit është ushtruar presion publik mbi organet e ndjekjes penale për të nisur një hetim ndaj meje”, shkroi ai në Telegram më 12 maj në mbrëmje. Në të njëjtën kohë, ai theksoi se do të qëndrojë në Ukrainë dhe se është i gatshëm të bashkëpunojë plotësisht për hetimet.
A do të dëmtojë rasti Jermak imazhin e Zelenskyt?
Andrij Jermak ishte shumë i afërt me Presidentin ukrainas, ndërsa gazetarët kanë hedhur tashmë dyshime se një nga shtëpitë në kompleksin e përmendur mund t'i përkasë vetë Zelenskyt përmes ndërmjetësve. Megjithatë, NABU dhe SAP i kanë hedhur poshtë këto raportime.
"Presidenti i Ukrainës, Volodymyr Zelensky, nuk është dhe nuk ka qenë objekt hetimi nga NABU dhe SAP”, deklaroi kreu i NABU, Semen Kryvonos, në një konferencë për shtyp më 12 maj.
Sipas vlerësimit të vëzhguesve, ky rast megjithatë mund të dëmtojë imazhin e Zelenskyt. Politologu ukrainas Petro Oleshçuk beson se procedura do të ketë më pak pasoja direkte, por në planin afatgjatë do të mbetet një barrë e vazhdueshme për udhëheqjen aktuale shtetërore.
"‘Mindiç-gate' do të rikthehet vazhdimisht në vëmendje dhe nuk do të zhduket lehtë. Ai do të mbetet një faktor i përhershëm në perceptimin e punës së presidentit”, tha ai për DW.
Sipas tij, si kundërshtarët e brendshëm politikë të Zelenskyt, ashtu edhe aktorë të jashtëm mund të jenë të interesuar ta mbajnë këtë aferë korrupsioni në fokusin e publikut.
Rreziku – kur të përfundojë lufta
Oleshçuk nuk e përjashton mundësinë që udhëheqja ukrainase të vihet nën presion përmes këtyre informacioneve, me qëllim imponimin e skenarëve për përfundimin e luftës që janë të pafavorshëm për Ukrainën. Edhe politikologu ukrainas Volodymyr Fesenko sheh rreziqe për imazhin e Zelenskyt, sidomos në të ardhmen, edhe pse nuk përjashton humbje të caktuara të mbështetjes që tani.
"Për aq kohë sa Zelensky është president i Ukrainës, ai gëzon imunitet. Prandaj, ndryshe nga Jermak, ndaj tij nuk mund të hapet hetim”, shpjegon Fesenko në një intervistë për DW.
Sipas tij, rreziku më i madh për Zelenskyn do të shfaqet pas përfundimit të luftës, kur të nisë fushata zgjedhore. "Atëherë, çdo material komprometues në lidhje me këtë rast – dhe në përgjithësi me ‘Mindiç-gate' – mund të përdoret kundër Zelenskyt”, thotë Fesenko.
Vetë Zelensky nuk është shprehur deri tani për këtë çështje. Këshilltari i tij për komunikim, Dmytro Lytvyn, u ka deklaruar gazetarëve se hetimet janë ende në zhvillim, ndaj është ende herët për çdo vlerësim./DW
Keir Starmer ANGLI- Për kryeministrin britanik Keir Starmer situata po bëhet gjithnjë e më e vështirë. Prej muajsh pres...
Friedrich Merz GJERMANI- Pas konflikteve të tyre të fundit në publik Friedrich Merz dhe Donald Trump zhvillu...
GJERMANI- Një rrjedhje kimike në një objekt industrial në Nuremberg të Gjermanisë ka shkaktuar vdekjen e një punëtori ...
Donald Trump SHBA- Presidenti amerikan, Donald Trump, deklaroi se Shtetet e Bashkuara kanë lejuar kalimin e tre tankerëve kinezë që tra...
Zhou Qunfei KINË- Miliarderja Zhou Qunfei, e ulur midis Elon Musk dhe Tim Cook ka tërhequr vëmendjen në një dark&eu...
Donald Trump SHBA- Presidenti amerikan, Donald Trump, sinjalizoi se ai do të pajtohej që Irani të pezullojë programin e tij bë...
SHBA- Departamenti amerikan i Shtetit tha më 15 maj se Izraeli dhe Libani janë pajtuar të zgjasin armëpushimin për 45 ditë ...
SHBA- SHBA-të kanë njoftuar një zgjatje 45-ditore të armëpushimit tashmë të brishtë mid...
Foto Ilistruse Elbit System, një nga kompanitë më të mëdha të prodhimit të armëve në botë, me bazë n...
Foto Ilistruse Një vlerësim për kërcënim i Bashkimit Evropian, të cilin e ka parë Radio Evropa e Lirë, paralajm&eum...
