Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Për t’i mbyllur gojën çdo zëri opozitar, Hamasi terrorizoi qytetarët e Gazës. Rrugës për në shkollën Dar-Alarqam që ndiqja në lagjen Al-Shujaiya afër kufirit me Izraelin, një grup burrash të maskuar që mbanin kallashnikovë kontrollonin secilën nga makinat që kalonin andej.
Nga Hamza Howidy “Newsweek”
Unë kam lindur në Rripin e Gazës në fund të viteve 1990, si një nga 6 fëmijët e familjes time. Në atë kohë në pushtet ishte Autoriteti Palestinez (AP). Im atë, ashtu si shumica e njerëzve në Gaza, ishte i neveritur nga korrupsioni i AP dhe priste ndonjë alternativë.
Hamasi premtoi “ndryshim dhe reforma”, dhe me këtë slogan fitoi në vitin 2006 zgjedhjet për Këshillin Legjislativ Palestinez. Një vit më vonë, u zgjova nga gjumi nga krismat e armëve. Persona të armatosur të Hamasit po luftonin ndaj Fatah duke vrarë më shumë se 600 palestinezë. Shumë shpejt u bë e qartë se Hamasi nuk ishte “ndryshimi dhe reforma” që ne shpresonim.
Për t’i mbyllur gojën çdo zëri opozitar, Hamasi terrorizoi qytetarët e Gazës. Rrugës për në shkollën Dar-Alarqam që ndiqja në lagjen Al-Shujaiya afër kufirit me Izraelin, një grup burrash të maskuar që mbanin kallashnikovë kontrollonin secilën nga makinat që kalonin andej.
Në fund të vitit 2007, njerëz të maskuar hapën zyra në shkollën tonë për të promovuar kampet ushtarake të Hamasit dhe për të regjistruar nxënësit në to. Unë u diplomova dhe fillova studimet në Universitetin Islamik të Gazës, së bashku me udhëheqësit e ardhshëm të Hamasit dhe anëtarët e saj aktualë.
Të gjitha klasat e artit u zëvendësuan me mësime radikale islamike, dhe zgjedhjet për këshillat dhe klubet studentore ishin të hapura vetëm për anëtarët e Hamasit, të cilët morën të gjitha privilegjet dhe shpërndanë të gjitha fondet midis tyre. Shprehja e mospajtimit me ta thjeshte nuk ishte një opsion.
Hamasi nuk ka një politikë të tolerancës për kritikat apo kundërshtimet ndaj ndonjë prej politikave të tij. Është i ndaluar çdo lloj diskutimi. Çdo gazetar palestinez që e kundërshton apo kritikon një politikë pezullohet dhe hetohet. Protestat janë rreptësisht të ndaluara.
Liria e fjalës në Gaza është një fantazi. Mjeti më i ndyrë që përdor Hamasi për t’u mbyllur gojën qytetarëve, është linçimi i personazheve përmes fushatave në internet që i akuzojnë disidentët se punojnë për organet armiqësore apo për kryerjen e akteve imorale. Po ashtu Hamasi hyn rregullisht në shtëpitë e njerëzve që konsiderohen si tradhtarë, dhe i poshtëron ata para familjes dhe fqinjëve të tyre.
E kam parë këtë gjë shumë herë i tmerruar kur isha student. Dhe ndërsa po rritej shtypja e Hamasit ndaj qytetarëve palestinezë të Gazës, po përkeqësohej cilësia e jetës. Agresioni i Hamasit ndaj Izraelit, solli gjithnjë e më pak leje pune dhe kufizime të energjisë elektrike në Gaza, të cilën e kishim vetëm për 8 orë në ditë.
Ekonomia u fut në kolaps. U përkeqësuan kushtet sociale dhe ekonomike. U hap një hendek i madh social midis elitës së pasur që i përket Hamasit dhe pjesës tjetër të popullsisë, e cila po jetonte gjithnjë e më shumë në varfëri. Punët në sektorin publik, kufizoheshin vetëm për anëtarët e Hamasit.
Taksat po rriteshin dita-ditës për nevojat e tyre, edhe pse kostoja e jetesës po kapte rekorde. Shumë prej nesh nuk mundën të duronin më. Unë isha njëri prej tyre. Edhe pse e dinim se disidentët burgoseshin, torturoheshin, madje edhe vriteshin, në vitin 2019 disa nga ne vendosëm të bashkojmë forcat dhe të dalim në protestë për të shprehur kundërshtimin tonë ndaj Hamasit.
Me moton “Duam të jetojmë”, demonstrata jonë solli një reagim ekstrem të Hamasit. Ata e shtypën me dhunë protestën dhe ne të gjithë u arrestuam. S’do ta harroj kurrë ditën time të parë në burg. Po ngjisja me pranga në duar shkallët duke dëgjuar ulërimat e kolegëve të mi, shumica prej tyre studentë, të cilët ishin arrestuar para meje.
Unë u mbajta në qeli për 21 ditë dhe iu nënshtrova torturave të llojeve të ndryshme. Më rrihnin me shkopinj dhe më lagnin me ujë të ftohtë në orët e vona të natës edhe pse ishte mesi i dimrit. Pasi u liruam, shumica e atyre që morën pjesë në demonstrata u larguan nga Gaza. Nuk kishte asnjë shpresë për ndonjë ndryshim të situatës. Ne kemi përjetuar ngacmime të vazhdueshme nga anëtarët e Hamasit. Disa vdiqën në përpjekje për t’u arratisur si Tamer Al-Sultan, farmacist në profesion, krimi i vetëm i të cilit ishte kërkimi i pajtimit midis Hamasit dhe Fatahut.
Kushtet e jetesës së njerëzve u përkeqësuan. Hendeku i pasurisë u zgjerua edhe më tej. Ne protestuam sërish vitin e kaluar, dhe u shtypëm në të njëjtën mënyrë si në 2019-ën. Unë u arrestova sërish nga Hamasi vitin e kaluar dhe u mbajta për 14 ditë në burg, këtë herë në një qeli të vogël pa krevat, pa dritare dhe një hapësirë të vogël ku mezi mund të ulesha.
Më liruan me kushtin që të mos merrja pjesë në demonstrata të tjera. Unë vazhdova të shpreh ende herë pas here opinionin tim në rrjetet sociale, por urdhër-arrestet pas çdo postimi dhe kërcënimet e vazhdueshme nga anëtarët e Hamasit dhe akuzat për tradhti, më bënë të humbisja shpresën se mund të nxisja ndonjë lloj ndryshimi.
U largova nga Gaza në gushtin e vitit 2023, për të kërkuar një të ardhme më të mirë për veten dhe familjen time. Gjatë gjithë kësaj kohe, Hamasi po planifikonte të zgjeronte ekstremizmin dhe terrorin e tij. Ata e dinin se çfarë do të ndodhte si pasojë e masakrës së tyre më 7 tetor, kur sulmuan civilët izraelitë, dhe kur Izraeli u kundërpërgjigj me një sulm ushtarak masiv që synonte të shkatërronte Hamasin, dhe që ka shkatërruar pjesë të mëdha të Rripit të Gazës.
Mendoj se izraelitët e kanë të vështirë të kuptojnë se në Gaza ka shumë njerëz të pafajshëm, të cilët kanë vuajtur po aq shumë nga e keqja e Hamasit sa edhe ata. Por unë i kuptoj këta izraelitë. Gjatë jetës sime si banor i Gazës, e vetmja gjë që besoja për izraelitët, ishte se ata të gjithë na urrejnë dhe duan të na eliminojnë si palestinezë që jemi.
Por tani e di më qartë sesi janë gjërat. Pasi kritikova Hamasin për veprimet e tij të tmerrshme më 7 tetor, për herë të parë në jetën time bëra miq disa izraelitë. Kam parë se shumë prej tyre, duan po ashtu si unë, që ky konflikt të përfundojë në mënyrë që të jetojnë në paqe.
Këto miqësi më hapën sytë ndaj vuajtjeve të tyre. Tani e kuptoj më mirë atë që ata po mendojnë, dhe kam vendosur të mos bëj kurrë gjykime përpara se të dëgjoj palën tjetër. Shpresoj që miqtë e mi të rinj, të ndihen njëlloj për banorët e shumtë të Gazës që jetojnë nën shtypjen e Hamasit.
Ne palestinezët kemi një thënie: “Shpresa lind nga barku i vuajtjes”. Unë shpresoj që pas luftës, pasi të jetë mposhtur Hamasi, ne të mund të ndërtojmë një paqe të vërtetë dhe të qëndrueshme, si për palestinezët po ashtu edhe për izraelitët. Shumë banorë të Gazës po luten gjithashtu për këtë gjë.
Shënim:Hamza Howidy, është një palestinez nga qyteti i Gazës. Ai është kontabilist në profesion dhe një aktivist për paqen.
Aleksandër Lukashenko BJELLORUSI- Presidenti i Bjellorusisë, Aleksandër Lukashenko, ka nënshkruar një ligj të...
Tërmeti nëJaponi JAPONI- Bilanci i viktimave nga tërmeti i fuqishëm në Japoni më 31 dhjetor, ka shkuar në 92, teksa eki...
Përplasja e trenave në Indonezi INDONEZI- Një aksident i rëndë hekurudhor ka ndodhur në Perëndim të Indonezisë...
Foto ilustruese GJERMANI- Në Evropë janë regjistruar temperatura jashtëzakonisht të ftohta, teksa reshjet e dëbor&...
Zjarrfikës GJERMANI- Një spital është përfshirë nga flakët në Gjermani, ku për pasojë 1 person ka humbur ...
Foto Ilustruese Nga Anshel Pfeffer “The Spectator” Gjatë një konference për mediat në Teheran në fund të muajit ...
Ilham Aliyev SHBA- Shtetet e Bashkuara e kanë vendosur Azerbajxhanin dhe tri vende të tjera në listën e vëzhgimit, për toleri...
Autobusët e përplasur TURQI- Një aksident i rëndë është regjistruar mëngjesin e sotëm në Turqi ku dy auto...
Foto Ilustruese UKRAINË- Kur Rusia e nisi pushtimin e Ukrainës në shkurt 2022, ukrainasit u rreshtuan për t'iu bashkuar forcave të...
Qeveria e Kosoves KOSOVË- Qeveria e Kosovës mori vendim të enjten vonë që të lejojë hyrjen në Kosovë...
