Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Alex Soros ishte ndër emrat e parë të mëdhenj që mbështeti Zëvendës Presidenten Kamala Harris kur fushata e Presidentit Joe Biden shpërtheu në kaos dhe ai bëri një foto me Walz në Konventën Kombëtare Demokratike në Çikago muajin e kaluar, ku oligarku i krahut të majtë e shpalli veten si “Walzpilled!”
SHBA- Takimi i shumëkomentuar i së martës midis Alex Soros dhe guvernatorit Tim Walz meriton vëmendje. Filantropi 38-vjeçar i majtë është një nga lojtarët më të rëndësishëm në politikën amerikane dhe më gjerë. Kjo, falë pasurisë së tij prej 25 miliardë dollarësh, të cilën babai i tij i famshëm, George Soros, ia dorëzoi atij për të menaxhuar në përparimin e kryqëzatës globale të krahut të majtë të familjes.
Të quash Alex Soros si zotin e errët të parave të errëta të krahut të majtë nuk është ekzagjerim. Ai është i përfshirë në elitën demokrate, duke pasur parasysh më shumë se dy duzina vizitat e tij në Shtëpinë e Bardhë të Biden, plus angazhimin e tij të fundit me Huma Abedin, e cila ishte në fakti punonjësja e gjithanshme e Hillary Clinton.
Alex Soros ishte ndër emrat e parë të mëdhenj që mbështeti Zëvendës Presidenten Kamala Harris kur fushata e Presidentit Joe Biden shpërtheu në kaos dhe ai bëri një foto me Walz në Konventën Kombëtare Demokratike në Çikago muajin e kaluar, ku oligarku i krahut të majtë e shpalli veten si “Walzpilled!” Sidoqoftë, takimi i së martës në rezidencën e investitorit në Nju Jork, kur Walz u shfaq i nënshtruar ndaj bamirësit të tij, tërhoqi vëmendjen.
Analistët republikanë reaguan shumë shpejt me përbuzje kur panë se si Ëalz, i ashtuquajtur si "njeriu i popullit", iu përul pasardhësve të dinastisë Soros.
Paraqitja e Ëalz-it me ‘pinjollin nepotik’ nuk ishte saktësisht në përputhje me mënyrën se si ai dhe Harris e portretizojnë veten para votuesve si ‘klasë e mesme.
Megjithatë, duke i dhënë Alex Soros çfarëdo që ai dëshiron, në këmbim të parave dhe publicitetit të tij, është pikërisht ajo që votuesit duhet të presin që një presidencë Harris-Walz të bëjë nëse dyshja marrin detyrën më 20 janar.
Kjo ka implikime përtej politikës së brendshme dhe pagesave të zakonshme nga donatorët e mëdhenj të krahut të majtë, të cilët kanë qëndruar pas presidencave demokratike për dekada. Edhe pse pothuajse askush në media nuk është munduar të vërë re, Alex Soros ka lidhje shqetësuese jashtë vendit, të cilat meritojnë shqyrtim.
Për arsye që janë të vështira për t'u deshifruar, Alex Soros demonstron një shkallë të lartë interesi për Shqipërinë, një vend i varfër ballkanik me më pak se 3 milionë banorë që nuk renditet në ekonominë globale përveç krimit. Thënë këtë, Alex Soros kalon shumë kohë në Shqipëri, duke u shoqëruar me kryeministrin e saj për një kohë të gjatë, Edi Rama.
Që nga viti 2012, Rama e ka drejtuar Shqipërinë si feudin e tij personal, ndërkohë që e ka kthyer vendin në një gropë autoritare korrupsioni, siç e pranojnë me zell edhe organet e të drejtave të njeriut që nuk janë kritike të së majtës. Në kohën e Ramës, armiqtë e socialistëve janë shtypur, heshtur dhe arrestuar. Nëse doni të mësoni se si të përdorni ligjin për të izoluar rivalët politikë nën maskën e “luftës ndaj korrupsionit", Shqipëria e Ramës është udhërrëfyesi juaj.
Ajo që është edhe më e keqja, është se mandati i Ramës ka dëshmuar se vendi i tij i vogël është bërë qendra e Evropës për tregtinë e paligjshme të drogës. Siç u shpreh kohët e fundit një revistë kryesore gjermane e lajmeve, që vështirë se është e djathtë, Rama "e ka transformuar Shqipërinë në një narko-shtet autokratik".
Siç kam raportuar, Shqipëria e Ramës është bërë e domosdoshme për tregtinë globale të drogave të paligjshme, veçanërisht kokainës, duke destabilizuar vendet në disa kontinente. Administrata e Biden-it zotëron një tolerancë të çuditshme për narkoshtetin e Ramës në Evropë, duke këmbëngulur se Shqipëria Socialiste po lufton krimin, kur është e kundërta. Edhe përfshirja e Ramës në korruptimin e turpshëm të ish-agjentit special të FBI-së, Charles McGonigal, një nga skandalet më të këqija në historinë e byrosë, nuk bëri asgjë për të dëmtuar reputacionin e Ramës në administratën Biden-Harris.
Vlen të pyesësh nëse miqësia e Alex Soros me Ramën ka të bëjë me këtë butësi të pashpjegueshme në Uashington. Të thuash se miliarderi është i fiksuar me liderin socialist, është e butë. Alex Soros shfaqet në Tiranë, kryeqyteti i Shqipërisë duke postuar rregullisht foto të çuditshme të momenteve ‘vëllazërore’ me Ramën. Ai e quan publikisht Ramën "vëllai im në Tiranë" dhe "vëllai im nga një nënë tjetër".
Meqenëse nuk ka shumë gjëra ligjore për të investuar atje, dhe me sa duket, ata nuk diskutojnë vetëm për basketbollin, prandaj është e rëndësishme të dihet pse Alex Soros e konsideron Tiranën si shtëpinë e tij të dytë. Lidhja e tij e thellë me Ramën është e vështirë të shpjegohet.
Nëse presidenca e Harris-Walz planifikon të lejojë Alex Soros të diktojë politikën në Shtëpinë e Bardhë, republikanët duhet të pyesin shumë shpejt pse filantropi i majtë e konsideron Shqipërinë e Ramës, përkufizimin e një kleptokracie autoritare socialiste, një model kaq të mirë për t'u imituar. Sepse, nëse kjo është ajo që demokratët kanë rezervuar për Amerikën, votuesit kanë të drejtë ta dinë./Washington Examiner
viktor orban SHKUP- Kryeministri i Hungarisë, Viktor Orban, së bashku me një delegacion nga Qeveria e tij, të qëndrojnë p&eum...
benjamin netanyahu SHBA- Raportet për një armëpushim të afërt midis Izraelit dhe Libanit nuk janë të vërteta, tha B...
bernie sanders SHBA- Senatori amerikan Bernie Sanders ka prezantuar një rezolutë të përbashkët për të bllokuar shitjen e...
donald trump SHBA- Kandidati republikan për president amerikan, Donald Trump, e ka akuzuar presidentin ukrainas Volodymyr Zelensky se po merr miliarda...
ushtaret libaneze LIBAN- "Situatë lufte” - kështu e përshkroi në fillim të javës përfaqësuesi i lartë i ...
Albin Kurti KOSOVË- Kryeministri i Kosovës Albin Kurti ka kujtuar masakrën e Abrisë së Epërme të Drenasit, në 26-vj...
lideret e BP dhe Josep Borrell SHBA- Shefi i diplomacisë së Bashkimit Europian, Josep Borrel ka takuar liderët e Ballkanit Perëndimor,&...
iwao hakamada JAPONI- Një burrë 88-vjeçar, i cili është i dënuari me vdekje më jetëgjatë në botë, ...
dita e atentatit UASHINGTON – Dështimet e shumta të Shërbimit Sekret përpara tubimit elektoral të ish-Presidentit Donald Tru...
Foto ilustruese SERBI- Kur Dragani dhe një grup i bashkëkombësve të tij serb mbërritën në Aeroportin Nikola Tesla të...
