Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Zyrtarët ukrainas thanë se dronët janë me kosto të ulët dhe janë të krahasueshëm për nga rezultatet me disa raketa me vetëdrejtim të prodhimit rus.
UKRAINË- Presidenti ukrainas Volodymyr Zelenskyy prezantoi të premten armën e re, raketat-dronë "Peklo", që prodhohen në një fabrikë ukrainase, grupi i parë i të cilave, tha ai, tashmë u është dorëzuar forcave të armatosura të vendit.
Në pamjet e qarkulluara nga zyra e tij, Presidenti Zelenskyy mund të shihet duke vizituar fabrikën në një vend që nuk bëhet i ditur, së bashku me Komandantin e Përgjithshëm të Forcave të Armatosura të Ukrainës, Oleksandr Syrskyi dhe zyrtarë të tjerë.
Në një postim në llogarinë e tij në rrjetin social X, zoti Zelenskyy tha se emri i raketës hibride, njëkohësisht edhe dron, do të thotë "ferr" në gjuhën ukrainase. Arma e re ka një rreze veprimi prej 700 kilometrash dhe një shpejtësi prej 700 km/orë. Ai tha se tashmë e ka parë vetë efektivitetin luftarak të kësaj arme.
Zyrtarët ukrainas thanë se dronët janë me kosto të ulët dhe janë të krahasueshëm për nga rezultatet me disa raketa me vetëdrejtim të prodhimit rus.
“Është thelbësore që mbrojtësit tanë të marrin një armë kaq moderne, të prodhuar nga Ukraina”, shprehet zoti Zelenskyy në mesazhin e regjistruar. "Tani detyra është të vazhdojmë të rrisim prodhimin dhe dislokimin".
E premtja ishte Dita e Shërbimeve të Armatosura të Ukrainës dhe Presidenti Zelenskyy mbajti një fjalim përpara ushtarakëve. "Respekt. Mirënjohje. Nder. Kjo është ajo që njerëzit tanë ndiejnë kur bëhet fjalë për ju. Kur njerëzit tanë dëgjojnë për ju, kur ju shohin, shikojnë se si e shkatërroni armikun, raketat e tij, dronët e tij, bazat e tij, arrogancën e tij", tha presidenti ukrainas.
Kur Rusia filloi luftën në Ukrainë, zoti Zelenskyy tha se në atë kohë Ukraina "nuk kishte raketa HIMARS, nuk kishte raketa Patriot, nuk kishte avionë F-16, dhe shumë të tjera mungonin. Por ne ju kishim juve. Luftëtarët ukrainas... ju mbani linjën e lirisë... për shkakun tuaj, të gjithë qëndrojnë, Ukraina mbahet, falë jush, luftëtarë ukrainas”.
Të enjten, Ministria e Mbrojtjes e Ukrainës njoftoi planet për të furnizuar forcat e armatosura me mbi 30,000 dronë sulmues me rreze të gjatë gjatë vitit 2025, me financim të ofruar nga partnerët ndërkombëtarë. Në një deklaratë, ministria tha se dronët funksionojnë në mënyrë autonome dhe mund të godasin objektivat e armikut me saktësi të lartë.
Ministria ukrainase i bëri këto marrëveshje duke patur parasysh se mandati i Presidentit amerikan Joe Biden po përfundon dhe administrata e ardhshme e Presidentit të zgjedhur Donald Trump paraqet pasiguri në këtë drejtim. Presidenti i zgjedhur Trump ka shprehur skepticizëm për vazhdimësinë e mbështetjes dhe ka thënë se do ta zgjidhte luftën përpara inaugurimit të tij më 20 janar, por pa thënë se si.
Një zëdhënës i Këshillit amerikan të Sigurisë Kombëtare u tha gazetarëve se këshilltari i sigurisë kombëtare Jake Sullivan u takua me Andriy Yermakun, drejtuesin e zyrës së presidentit ukrainas, në Shtëpinë e Bardhë të enjten, për të diskutuar të ardhmen e mbështetjes së Shteteve të Bashkuara për Ukrainën.
Zëdhënësi tha se takimi zgjati mbi një orë, ndërsa zoti Sullivan u fokusua tek teoria e Presidentit Biden se përmirësimi i pozitave të Ukrainës në luftën ndaj Rusisë, do t'i mundësonte Ukrainës të hynte në një proces të ardhshëm negociues në premisa të forta.
Zëdhënësi tha se zoti Sullivan dhe zoti Yermak diskutuan mbështetjen strategjike të Shteteve të Bashkuara për Ukrainën, përfshirë rritjen e ndihmës ushtarake dhe të trysnisë ekonomike ndaj Rusisë përmes sanksioneve, trajtimin e sfidës së mungesës së rekrutëve ukrainas dhe mbështetjes së qëndrueshme për ekonominë e Ukrainës.
Për ta vënë në jetë këtë strategji, zëdhënësi vuri në dukje se Shtetet e Bashkuara do t'i sigurojnë ushtrisë së Ukrainës qindra mijëra predha artilerie shtesë, mijëra raketa shtesë dhe qindra automjete të blinduara shtesë, nga tani dhe deri në janar.
Ata vunë në dukje gjithashtu valën gjithëpërfshirëse të sanksioneve të vendosura nga Shtetet e Bashkuara ndaj sektorit financiar të Rusisë dhe se më shumë sanksione do të pasonin në javët në vijim, të gjitha të projektuara për ta bërë më të vështirë për Rusinë që ta vazhdojë luftën e saj në Ukrainë.
Zoti Sullivan dhe zoti Yermak thuhet se diskutuan një propozim amerikan për të përgatitur çdo ushtar të sapomobilizuar, në vendet e stërvitjes jashtë Ukrainës.
Dhe për të ndihmuar ekonominë e Ukrainës në muajt në vijim, zëdhënësi tha se Shtetet e Bashkuara po finalizojnë marrëveshjen e huasë për Përshpejtimin e të Ardhurave të Jashtëzakonshme prej 20 miliardë dollarësh midis qeverive, të mbështetur nga fitimet e fondeve të ngrira ruse.
Zëdhënësi i Këshillit Kombëtar të Sigurisë tha se strategjia është krijuar për të përmirësuar pozicionin e Ukrainës në luftë për vitin e ardhshëm dhe për të hedhur themelet për një zgjidhje të negociuar "që siguron një Ukrainë të pavarur, sovrane dhe demokratike"./VOA
foto ilustruese SIRI- Rebelët sirianë njoftuan se kishin arritur qytetin e tretë më të madh të vendit, Homs. Mijëra njer...
foto ilustruese SHBA- Shumica e amerikanëve dëshirojnë që Shtetet e Bashkuara të udhëheqin në skenën globale me nj&...
foto ilustruese RUSI- Rusia njoftoi të premten se forcat e saj kishin marrë kontrollin e një fshati pranë qytetit stretegjik Pokrovsk d...
Karen Julieth Ojeda Rodríguez KOLUMBI- Policia kolumbiane ka arrestuar 23-vjeçaren Karen Julieth Ojeda Rodríguez, e njohur për au...
foto ilustruese SHBA- Një gjykatë federale e apelit të premten konfirmoi ligjin që mund të çojë në ndalimin e apl...
Recep Tayyip Erdogan TURQIA- Në një fjalim të mbajtur në Këshillin e Shtatë Fetar në Ankara, presidenti turk Rec...
foto ilustruese MBRETËRIA E BASHKUAR- Paraqiten si refugjatë ukrainas për të hyrë në Mbretërinë e Bashkuar, duke p&...
Emmanuel Macron FRANCË- Një sondazh i publikuar këtë të premte, më 6 dhjetor, tregon se 59% e francezëve duan q&eum...
Vladimir Puti, leksandër Lukashenko RUSI- Vladimir Puti dhe Aleksandër Lukashenko nënshkruan sot traktatin për garancinë e s...
Pete Hegseth SHBA- Presidenti i zgjedhur Donald Trump mbështeti të premten publikisht të emëruarin e tij për postin e shefit t&eu...
