Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Një muaj më parë, Prigozhin tha se Surovikin duhet të zëvendësojë Gerasimovin.
RUSI- Gjenerali i ushtrisë ruse, Sergei Surovikin, është në mesin e gjeneralëve të lartë që janë zhdukur nga publiku që nga rebelimi i dështuar i 24 qershorit që synonte rrëzimin e nivelit të lartë politik në Rusi.Surovikin, 56 vjeç, trupmadh dhe me kokë të rruar, u pa për herë të fundit të më 24 qershor, kur u shfaq në një video ku shihej se nuk ndihej rehat dhe kishte frymëmarrje të vështirësuar, duke i kërkuar të hiqte dorë shefit të mercenarëve të Grupit Wagner, Yevgeny Prigozhin.
Një raport i New York Times-it, i bazuar në një konferencë të inteligjencës amerikane, tha se Surovikin kishte njohuri paraprake për kryengritjen dhe se autoritetet po kontrollonin nëse ai ishte bashkëpunëtor. Kremlini e hodhi poshtë atë raport, por të enjten nuk pranoi t’iu përgjigjej pyetjeve në lidhje me gjeneralin.
Këtu janë disa fakte kryesore rreth Surovikin:
Fushata e Ukrainës
Surovikin, atëherë komandant i forcave ruse në Ukrainën jugore, iu dha komanda e përgjithshme në Ukrainë më 8 tetor – i pari që u emërua publikisht në atë rol.
Rusia sapo ishte mposhtur në rajonin verilindor të Harkivit. Brenda një muaji, ai kishte urdhëruar një tërheqje nga bregu perëndimor i lumit Dnjepër në rajonin jugor të Hersonit në Ukrainë, duke pranuar se forcat e tij ishin në rrezik të mbylleshin nga bombardimi i një ure të rëndësishme.
Kontigjenti, i vlerësuar nga SHBA-ja në 30.000 trupa, u tërhoq duke hedhur në erë urën pas largimit të tyre. Ministri i mbrojtjes i Ukrainës dhe diplomatët perëndimorë thanë se Surovikin duket se ka rritur disiplinën, ndërsa ka shtuar gjithashtu sulmet ndaj infrastrukturës.
Imazhi i tij si një siberian gjigant, i gatshëm për të përdorur taktika brutale për të arritur rezultate, u bëri thirrje nacionalistëve rusë, të cilët mendonin se ai mund të mbikëqyrte tërheqjen pa hapur ndarje të rrezikshme të brendshme.
Megjithatë, me stagnimin e luftës, në janar ai ishte në vartësi të shefit të Shtabit të Përgjithshëm, Valery Gerasimov, duke qëndruar si një nga tre zëvendësit e Gerasimovit.
Wagner
Pas tërheqjes nga Hersoni, Prigozhin, një kritik i ashpër i Gerasimovit dhe ministrit të Mbrojtjes Sergei Shoigu, e vlerësoi Surovikinin si “një njeri që nuk ka frikë nga përgjegjësia”. Një muaj më parë, Prigozhin tha se Surovikin duhet të zëvendësojë Gerasimovin.
Kur Prigozhin organizoi kryengritjen e tij, Surovikin ishte një nga dy gjeneralët që u panë një një video derisa nxitnin atë publikisht të hiqte dorë.
Megjithatë, Surovikin dukej i sforcuar dhe në siklet. Zyrtarët amerikanë i thanë Reuters-it të mërkurën se Surovikin kishte mbështetur Prigozhin, por se inteligjenca perëndimore nuk e dinte me siguri nëse ai e kishte ndihmuar rebelimin në ndonjë mënyrë.
Moscow Times dhe një publikues ushtarak raportuan arrestimin e Surovikin, ndërsa disa korrespondentë të tjerë të mbrojtjes thanë se ai dhe oficerë të tjerë të lartë po merreshin në pyetje nga shërbimi i sigurisë ruse FSB për të verifikuar besnikërinë e tyre.
Edhe agjencia Associated Press, duke cituar burime, ka raportuar se gjenerali Surovikin besohet se është arrestuar disa ditë pas rebelimit. Reuters nuk mundi të verifikonte në mënyrë të pavarur këto raportime.
Siria
Në vitin 2017, ndërsa komandonte Distriktin e gjerë Ushtarak Lindor të Rusisë, Surovikin, u dërgua për rreth tetë muaj në krye të forcave të dislokuara në Siri për të ndihmuar presidentin Bashar al-Assad të luftojë grupe të ndryshme rebele.
Në kohën kur ai mbaroi detyrën e tij, lufta civile ishte kthyer në favor të Assadit dhe presidenti Vlladimir Putin po përgatiste një vizitë për të njoftuar një tërheqje të forcave ruse.
Surovikin u shpërblye me komandën e Forcave Ajrore të Rusisë dhe u bë hero i Rusisë. Në vitin 2021 ai ishte gjeneral i ushtrisë, i barabartë në gradë me Gerasimovin. Ndërsa Rusia mohoi të kishte shënjëstruar civilët, Vëzhguesi sirian për të Drejtat e Njeriut tha se sulmet ajrore ruse dhe bombardimet shpesh pa dallim vranë 5.700 civilë në dy vjet deri në shtator të vitit 2017./REL
Foto ilustruese POLONI- Polonia do të përforcojë kufirin e saj lindor pas mbërritjes së mercenarëve rusë nga Grupi Wagne...
Glasglow SKOCI- Një bar dhe restorant në qendër të qytetit Glasgow u detyrua të mbyllej pasi një tufë e madhe...
Foto ilustruese GJEORGJI- Policia gjeorgjiane ka arrestuar 52 persona të akuzuar për trafik droge, duke përfshirë 37 tregtarë...
Vendimi i qeverisë së Kosovës për të shpallur dy entitete serbe në veri, si organizata terroriste nuk është bër&e...
Foto ilustruese MOLDAVI- Komisioni Evropian dhe Shërbimi Evropian i Veprimit të Jashtëm njoftuan të mërkurën një pa...
Sudan Një raport i publikuar së fundmi nga Organizata e Kombeve të Bashkuara zbulon se, që nga shpërthimi i luftimeve në Sud...
SHBA- Ligjvënësit kryesorë amerikanë po i bëjnë thirrje administratës Biden që të informojë Kongresin pë...
Qytetari TROPOJË- Emisioni Stop në Tv Klan ka udhëtuar në qytetin e Bajram Currit, Tropojë, për problemin e një biznesi,...
foto ilustruese SHBA- Gjykata e Lartë e Shteteve të Bashkuara të Amerikës ka vendosur që raca nuk mund të konsiderohet m...
nëna e 17-vjeçarit FRANCË- Mounia, nëna e Nahelit, 17-vjeçarit që u qëllua për vdekje nga një efektiv...
