Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Shqipëria kërkon revolucion
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Ata dyshohen për krijimin e një organizate kriminale, shpërdorim detyre dhe kontrabandë cigaresh. Veloviç i hodhi poshtë këto akuza para prokurorisë, konfirmoi avokati i tij, Nikolla Martinoviç.
MAL I ZI- Gjykata e Lartë në Podgoricë i caktoi një muaj paraburgim ish-drejtorit të Drejtorisë së Policisë së Malit të Zi, Vesellin Veloviç, për shkak të, siç u tha, rrezikut të arratisjes dhe ndikimit te dëshmitarët. Policia arrestoi Veloviçin dhe dy persona të tjerë, Mujo Nikoçeviç dhe Nikolla Mërkiç, të hënën më 24 korrik.
Ata dyshohen për krijimin e një organizate kriminale, shpërdorim detyre dhe kontrabandë cigaresh. Veloviç i hodhi poshtë këto akuza para prokurorisë, konfirmoi avokati i tij, Nikolla Martinoviç.
Policia është ende në kërkim të Aleksandar Mërkiqit, vëllait të Nikolla Mërkiçit, i cili, siç tha drejtori i policisë, Nikolla Terziç, nuk ndodhet në Mal të Zi.
Sipas Terziçit, arsyeja e krijimit të rastit në të cilin dyshohen Veloviç, Mërkiç dhe dy persona të tjerë, është një korrespondencë nga aplikacioni i koduar SKY.
Gazeta malazeze, Vijesti, ka publikuar së voni korrespondencën e SKY-t, ku zyrtari i arrestuar i Agjencisë për Siguri Kombëtare, Petar Llazoviç, i ka shkruar në vitin 2020 udhëheqësit të “klanit të Kavaçit”, Radoje Zvicer, se i ka konfiskuar një kamion cigare Aleksandër Mërkiçit dhe se Veloviç do të zemërohet për këtë.
Në korrespondencë, Llazoviç, i cili në dosjet e Europolit është identifikuar si pjesëtar i “klanit të Kavaçit”, thotë gjithashtu se Mërkiq është në kontakt me “klanin Shkalar” dhe se ai e ka ndihmuar Veloviçin të “krijojë kontakt” me të.
Llazoviç ndodhet në paraburgim që nga gushti i vitit të kaluar dhe Prokuroria Speciale e Shtetit të Malit të Zi e akuzon atë për anëtarësim në organizatë kriminale, kontrabandë droge dhe armësh.
Nga ana tjetër, avokati i Veloviçit, Nikolla Martinoviç, thotë se ka qenë pikërisht Veloviç ai që ka organizuar disa aksione kundër Mërkiçit, derisa ka qenë drejtor i policisë.
“Me urdhër të tij janë kontrolluar fabrikat e Mërkiqit në Mojkovac dhe magazinat në Podgoricë”, thotë Martinoviç.
Çfarë dihet për fabrikat e duhanit në Mojkovac?
Ndërtesa në të cilën ndodhet fabrika e duhanit në Mojkovac, në vitet ’90 ka qenë fabrika e tekstilit, Kom, në pronësi të shtetit.
Në fabrikën që është në pronësi të Aleksandar Mërkiqit nga viti 2007, cigaret prodhohen nga Montenegro Tobacco Company, e cila është themeluar në të njëjtin vit në Podgoricë. Kjo kompani, drejtor ekzekutiv i së cilës ka qenë Esad Zejnilloviq, ka marrë licencën për prodhimin e cigareve dy vjet më vonë.
Aktivitet i kompanisë është tregtia me shumicë e produkteve të duhanit. Në prill të vitit 2008, Zejnilloviç dhe Aleksandër Mërkiç kanë bërë përpjekje të kontrabandojnë pjesë të një makinerie nga Gjermania, që përdoret për shtypjen e ambalazheve, përmes terminalit doganor në Podgoricë.
Sipas informacioneve të portalit Libertas, ata e kanë kërcënuar doganierin, por për këtë rast nuk janë ndjekur penalisht, ndonëse Drejtoria doganore ka raportuar gjithçka në prokurori.
Në vitin 2009, sipas informacioneve në të cilat ka pasur qasje Radio Evropa e Lirë, Zejnilloviç ia ka dorëzuar kompaninë firmës European International General Trading nga Dubai.
Paraprakisht, kapitali i kompanisë është rritur për 1.6 milion euro. Në procesverbalet e Gjykatës Ekonomike në Podgoricë thuhet se pronarë të kësaj kompanie kanë qenë Ahmet al Asbram, me 51 për qind të aksioneve, dhe Miodrag Novoviç nga Plava me 49 për qind të aksioneve. I fundit është bërë drejtor ekzekutiv në vitin 2010.
Tetë muaj në vonë, selia e Montenegro Tobacco Company është zhvendosur në Mojkovac, në fabrikën e Mërkiqit. Zhelko Bullatoviç është emëruar drejtor ekzekutiv i Montenegro Tobacco Company në shkurt të vitit 2011.
Një vit më parë, ai ka themeluar kompaninë Montengro Duvan Commerce në Mojkovac, të cilën si drejtor ekzekutiv e ka lënë pas një viti. Më 10 shtator, 2014, Montengro Duvan Commerce është kapur në kontrabandë cigaresh, pasi 200 pako cigaresh “Monte” ia ka shitur kompanisë Stupa nga Rozhaja, e cila në atë kohë nuk ka pasur licencë për të shitur cigare.
Dy ditë më vonë, kompania Stupa ka marrë miratimin për tregtimin e produkteve të duhanit, ndonëse personat e autorizuar të kësaj kompanie kanë pasur dënime të formës së prerë për kontrabandë me mallra të akcizës nga viti 2011 dhe 2013.
Nëse Ministria e atëhershme e Drejtësisë do të konstatonte ekzistencën e rasteve penale, Stupa nuk do të mund të merrte miratimin për tregtimin e produkteve të duhanit, më 12 shtator, 2014.
Ministër i Drejtësisë në atë kohë ishte Dushko Markoviq, me origjinë nga Mojkovaci, ish-drejtor i Agjencisë për Siguri Kombëtare, e më vonë kryeministër i Malit të Zi.
Përndryshe, kompania në atë kohë kishte vetëm një dyqan në fshatin Stupë, në kufi me Kosovën, ku jetonin vetëm gjashtë familje.
Dhënia me qira e një magazine në Portin e Tivarit
Ka qenë Bullatoviç ai që ka dëshmuar për lidhjen mes Aleksandar Mërkiqit dhe Montenegro Tobacco Company.
Aleksandër Mërkiç ka dalë me idenë që fabrika e cigareve nga Mojkovaci ta ketë depon e saj në Zonën e Lirë të Portit të Tivarit, ka thënë Bullatoviç në seancën para prokurorit special në tetor të vitit 2020. Ai dyshohet për krijimin e një organizate kriminale dhe pastrim parash.
Bullatoviç ka thënë në atë kohë se depoja për nevojat e Montenegro Tobacco Company “është blerë në emër të gruas së tij, Dushica” nga ndërmarrja Ripshped, ka shkruar portali Libertas.
Pikërisht nga kjo depo janë vjedhur 2.500 paketime me cigare, me vlerë mbi dhjetë milionë euro, në fillim të vitit 2022.
Kompania në listën e borxhlinjve tatimorë
Sipas raporteve financiare të disponueshme për publikun, operacionet e Montenegro Tobacco Company janë përmbyllur në vitin 2021 me humbje prej 24.651 eurosh, ndërsa humbjet në vitin 2020 kanë arritur në më shumë se gjysmë milioni.
Borxhi total i këtij personi juridik është rreth 2.1 milionë euro. Kompania ka edhe një përfaqësi të regjistruar në Novi Pazar të Serbisë.
Por, pavarësisht bilancit negativ zyrtar në biznes, kompania ka shprehur interes për blerjen e cigareve me vlerë disa dhjetëra milionë euro, të cilat shteti i Malit të Zi i ka konfiskuar në maj të vitit 2022 në Zonën e Lirë Doganore në Portin e Tivarit. Ndër produktet e konfiskuara kanë qenë edhe cigaret e Montenegro Duvan Commerce dhe të Ripshpedit.
Disa policë dhe gazetarë në shënjestër
Në mars të vitit 2011, Radio Evropa e Lirë ka shkruar për policin Enver Daciq, i cili ka pretenduar se ka zbuluar prodhimin e markave të rreme të cigareve në një fabrikë duhani në Mojkovac dhe se ekziston një rrugë kontrabande midis Malit të Zi dhe Kosovës.
“Nuk kam qenë i duhuri sepse nuk kam dashur të merrem me ato aktivitete të paligjshme. Unë dhe ish-kolegët e mi kemi prova të forta si për kontrabandën e cigareve, ashtu edhe për eksportin fiktiv të karburanteve në Kosovë”, ka thënë tha Daciq në atë kohë.
Përveç Daciçit, edhe policët Nexhad Kuç dhe Hamdo Muriq kanë mbetur pa punë, ndërsa kanë folur për kontrabandën në zonën kufitare. Drejtori i atëhershëm i Drejtorisë së Policisë, Vesellin Veloviç, ka thënë se pesë policë janë shkarkuar, për shkak të gabimeve profesionale.
Gjatë viteve 2010 dhe 2011, gazeta Vijesti ka publikuar pretendimet e burimeve të saj policore se zyrtarë të lartë të policisë dhe të Agjencisë për Siguri Kombëtare, si të kaluar, ashtu edhe të tanishëm, dyshohet se janë të përfshirë në kontrabandë të cigareve nga fabrika në Mojkovac.
Pas hulumtimeve rreth prodhimit, magazinimit dhe kontrabandimit të mundshëm të cigareve nga depoja në Donja Gorica, në periferi të Podgoricës, gazetarja që i ka shkruar artikujt në këtë temë, Ollivera Llakiç, është bërë shënjestër e kërcënimeve dhe sulmeve.
Për kërcënimet telefonike kundër saj është gjykuar edhe Millenko Rabrenoviç, ish-shofer dhe ish-shef i sigurimit të Vesellin Veloviqit, por gjykata e ka shpallur të pafajshëm për mungesë provash.
Organizata joqeveritare, Iniciativa Globale Kundër Krimit të Organizuar Transkombëtar, me seli në Gjenevë, ka publikuar në vitin 2022 një hulumtim për rrugët detare ballkanike, ku thuhet se Porti i Tivarit në jug të Malit të Zi është qendër e kontrabandës me cigare./ REL
Antony Blinken dhe Hu'akavameilik SHBA- Sekretari amerikan i Shtetit, Antony Blinken, vazhdon të mërkurën turneun në rajonin. e In...
foto ilustruese RUSI- Zëdhënësja e Ministrisë së Punëve të Jashtme të Rusisë, Maria Zakharova tha se d&eu...
Hun Sen Kryeministri i Kamboxhias, Hun Sen – një nga udhëheqësit më jetëgjatë në botë – ka njoftuar se...
Foto ilustruese “Mbaj mend se vetëm pak çaste pas tërmetit, një fëmijë e nxorën nga shtëpia që ishte k...
Nicholas Abbot KOSOVË- Ambasadori i Britanisë së Madhe, Nicholas Abbott i ka quajtur të papranueshme kërcënimet nd...
Japoni JAPONI- Popullsia e Japonisë është ulur me gati 1 milion banorë. Të dhënat e qeverisë tregojnë se ...
foto ilustruese KOSOVË- Administrata Tatimore e Kosovës u bën thirrje të gjithë personave që të përmbushin t&e...
Foto ilustruese FRANCË- Franca ndodhet mes vendeve që po përballen me zjarret e rrezikshme. Sipas mediave të huaja, zona më e...
foto ilustruese ITALI- Ishulli jugor italian i Sicilisë është dërrmuar nga zjarret e egra nga të cilat humbën jetën...
Izrael IZRAEL- Protestat janë përshkallëzuar në Izrael pas miratimit të hënën të ligjit që kufizon pushtetin ...
