Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Deada Hyka
Pandemia e Covid-19 ka dëmtuar shumë industri në të gjithë botën, por gjithashtu ka rritur kërkesën për mjaft sektorë. Një përfitues ka qenë globalisht industria e botimeve, e cila ka parë rritje të kërkesës që nga goditja e pandemisë. Të dhënat e Google Trends tregojnë se kërkimet për libra këtë vit ishin relativisht më të larta krahasuar me shifrat e vitit të kaluar në të gjithë vendet. Po në Shqipëri, si duket situata?
Burime nga shtëpitë botuese pohojnë për “Monitor” se pandemia pati efektet e saj në rritjen e leximit. Sipas Arlinda Dudaj, drejtuese e shtëpisë botuese DUDAJ, ka pasur dy momente. “Një moment ishte menjëherë sapo shpërtheu pandemia, në 2020 pati një kërkesë në rritje dhe më pas një rënie të konsiderueshme gjatë hapjes dhe deri në çastin që po flasim” – thotë znj. Dudaj.
Ndërsa Loreta Berhami, nga shtëpia botuese PEGI, thotë se kërkesa për libra thriller ishte e lartë vitin e shkuar. Sipas saj, muaji i dytë i karantinës u shoqërua me rritje të kërkesës për libra, ndër të cilat mbizotëroi libri thriller/mister.
Sipas Albert Gjokës, menaxher i Bukinist, pandemia ka ndikuar negativisht në tregun e librit, duke ulur ndjeshëm fuqinë blerëse.
“Libri është ndër gjërat e para që hiqet si shpenzim në jetën e përditshme të konsumatorit dhe gjatë dy viteve të fundit ka pasur ulje të kërkesave. Shtëpitë botuese kanë ulur ndjeshëm numrin e botimeve, duke ndërprerë kontratat e planifikuara për të sjellë botime të reja. Por, duke nisur që nga tremujori i dytë i këtij viti, ka një prirje për t’u rikthyer në normalitet” – thotë z. Gjoka Sipas tij, ndonëse ka një rënie në nivel global të lexueshmërisë, ajo që konsiderohet pozitive është se botuesit kanë përmirësuar ofertën e tyre me tituj me kategori dhe zhanre të ndryshme botimesh.
Arlinda Dudaj thotë se tregu është i destinuar të jetojë, pavarësisht vështirësive. “Edhe pse duket se ka shumë probleme, e shikoj me optimizëm si një sektor që është i destinuar të jetojë. Libri nuk e humbet aspak koherencën, gjithmonë do të ketë nevojë për dije dhe lexim, kështu që edhe në rast se s’do të shënojë rritje, të paktën do të qëndrojë në ekuilibër” – thotë znj. Dudaj.
Librat më të preferuar për 2020-n
Viti 2020 ka qenë një vit i vështirë për të gjithë për shkak të pandemisë së Covid-19, por për tregun e librit pati disa zhvillime domethënëse: Ngujimi i gjatë në shtëpi i njerëzve e riktheu vëmendjen tek libri, si dhe pati një rritje të interesit tek letërsia e vlerave, kryesisht tek klasikët dhe autorë të rëndësishëm të letrave. Tregu i botimeve pati ulje dratike të botimeve të hedhura në qarkullim nëse e krahasojmë me vitet e kaluara, si dhe ndërprerje të kontratave me agjencitë dhe autorët, shoqëruar edhe me probleme të tjera.
Sipas Bukinist, ndër librat më të kërkuar nga lexuesit gjatë vitit 2020, kryesojnë botime të zhvillimit personal dhe të motivimit. Edhe për shkak të pandemisë, por edhe të nevojës për më shumë motivim, kjo kategori po shënon rritje domethënëse të kërkesës së lexuesit nga viti në vit. Po ashtu, autorët bestsellër botërorë mbeten të tillë edhe për lexuesit shqiptarë.
Ndër më të preferuarit ishin:
-“Mendo dhe bëhu i pasur” nga Napoleon, ka ndihmuar shumë njerëz të ndryshojnë rrjedhën e jetës së tyre ;
“Tatuisti i Aushvicit” nga Heather Morris, një histori dashurie në një kamp përqendrimi, ajo e Lejli dhe Gita Sokolovit,
“Gjuetari i balonave” nga Khaled Hosseini. Ky libër mbetet ndër më të pëlqyerit nga lexuesit shqiptarë, të cilët përgjithësisht janë të pasionuar pas historive me fund tragjik dhe realiteteve që përkojnë me ato të një mjedisi tipik shqiptar.
-“Baba i pasur, baba i varfër” nga Robert Kiyosaki. Çuditërisht, gjatë periudhës së pandemisë ky ka qenë ndër librat më të kërkuar nga lexuesit shqiptarë. “Baba i pasur baba i varfër” është një pikë fillestare për secilin që dëshiron të marrë kontroll mbi të ardhmen e tij financiar
-“Dashuria në kohërat e kolerës” nga Gabriel Garcia Marquez, është një klasik modern që shitet në çdo lloj kohe, por gjatë vitit 2020 pati një rikthim të fuqishëm nga lexuesi shqiptar.
-“Murtaja” nga Albert Kamy ishte një ndër tre librat më të kërkuar në botë gjatë vitit të pandemisë.
MONITOR
Iftar dhe politikë, a u prek Muaji i Ramazanit nga politikanët?
Fuqia e shkatërrimit krijues: Përmbysja ekonomike dhe pasuria e Kombeve nga Philippe Aghion, Céline Antonin dhe Simon Bunel, përkthyer nga Jodie Cohen-Tanugi, B...
Kjo verë ka sjellë pak frymëmarrje për turizmit, pas sezonit të kaluar, që u dëmtua ndjeshëm si rrjedhojë e kufizimeve nga pandemia. Turizmi po u rikthehet grad...
Sezoni turistik veror erdhi këtë vit me rritje çmimesh për shumicën e bregdetit shqiptar. Tur-operatorët dhe vetë strukturat akomoduese raportojnë rritje...
TIRANË– Pandemia shkaktoi rënie të frikshme ekonomike, por tani po shfaqet një bum i çuditshëm dhe energjik. Çmimi i naftës është rritu...
TIRANË– Mbështetur në vrojtimet e Dhomës së Tregtisë dhe Industrisë në Tiranë për klimën e të bërit biznes në Shqipëri, rreth 70% e sipërmarrësve men...
Pesë vjet nga miratimi i paketës ligjore, Reforma në Drejtësi është sot ende një kantier i hapur. Përfaqësuesit e bizneseve shprehen se është shumë herët për të...
Në vitin 2020, Saimir Canaj nga Shkodra, themeluesi i kompanisë “Canaj”, përfundoi ngritjen e fabrikës moderne të përpunimit dhe prodhimit të lëngjeve të frutav...
Viti 2020 ka qenë një vit i vështirë për të gjithë për shkak të pandemisë së Covid-19, por për tregun e librit pati disa zhvillime domethënëse.Ngujimi i gjatë n...
TIRANË– I nxehti i kësaj vere ka krijuar një situatë emergjence në vende si Turqia, Greqia, Shqipëria, Kosova etj., ku zjarret në zona të ndryshme të...
Të enjten më 5 gusht 2021, Zyra Përfaqësuese në SHBA e Këshillit Kombëtar të Rezistencës së Iranit (NCRI-SHBA) zhvilloi një konferencë informuese online. Diskut...
