Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
GJERMANI- “Çtensionim” është fjala magjike këto ditë në Berlinin politik. Edhe në deklaratën e përbashkët të kancelares Merkel, presidentit Macron dhe kryeministrit, Boris Johnson të dielën kërkohet çtensionimi i situatës. Apelohet ndaj “të gjithë aktorëve”, “të ushtrojnë vetëpërmbajtje të madhe dhe të tregojnë përgjegjësi”. Po, por si të arrihet ky çtensionim?
Përgjigjja e Europës: Përmes bisedimeve. Europianët, theksoi ministri i Jashtëm gjerman, Heiko Maas të hënën në radion gjermane, DLF, kanë “tek dyja palët kanale të hapura bisedimesh dhe funksionuese që po përdoren këtë moment. Ne do të japim ndihmesën tonë që të mos ketë në Irak një luftë me prokurë të vendeve të tjera.”
SHBA kritikojnë mungesën e mbështetjes
Bisedimet zhvillohen me SHBA, që me vrasjen e gjeneralit iranian, Khasem Soleimani në Bagdad, kryeqytetin irakian të enjten e kaluar e ashpërsoi fort krizën. Ministri i Jashtëm amerikan, Mike Pompeo u shpreh i zhgënjyer për mungesën e mbështetjes nga europianët. SHBA e argumentuan vrasjen me drone të Soleimanit me sulmet konkrete të planifikuara nga gjenerali iranian. Prova për këtë pretendim nuk janë dhënë, konfirmoi një zëdhënës i Ministrisë së Jashtme të Gjermanisë të hënën. “Ne e kemi parë arsyetimin e SHBA. Nga mungojnë informacionet për t’i kuptuar këto arsyetime”, tha Rainer Breul i pyetur në një konferencë shtypi të qeverisë.
Europa ka filluar diplomacinë e ecejakeve me shpërndarje rolesh: Macron mban kontakt me presidentin e Iranit, Hasan Rohani; Boris Johnson me presidentin amerikan, Donald Trump. Angela Merkel takohet në fundjavë me presidentin rus, Vladimir Putin për të biseduar për krizën e Gjirit. Edhe Rusia, ashtu si Kina është nënshkruese e marrëveshjes atomike me Iranin në vitin 2015.
Ushtarë gjermanë në Irak
Qeveria gjermane zhvillon bisedime edhe me Bagdadin. Të dielën, (05.01) parlamenti irakian, i zemëruar për sulmin me drone në territorin e tij, kërkoi fundin e stacionimit të të gjithë trupave të huaja që marrin pjesë në luftën kundër të ashtuquajturit “Shteti Islamik”, IS. Në Irak janë edhe 120 ushtarë gjermanë, kryesisht për trajnim. Sipas zëdhënësit Rainer Breul tani po bisedohet, “se si mendon të veprojë qeveria me këtë vendim të parlamentit dhe si e dëshiron marrëdhënien e mëtejshme me partnerët.”
Ministri i Jashtëm gjerman, Heiko Maas ishte shprehur më parë, se kundër vullnetit të Irakut askush nuk do një angazhim ushtarak. Maas i vlerësoi kërcënimet për sanksione të amerikanëve si “jo ndihmuese”. Aktualisht ushtarët gjermanë për shkak të gjendjes së sigurisë qëndrojnë në kazermat ushtarake. Heiko Maas parashikon shpejt bisedime edhe homologun iranian, Javad Sarif.
Ndërmjetësues të pafuqishëm
Megjithatë e hapur mbetet pyetja: Çfarë ka për t’iu ofruar partnerëve në bisedime Berlini dhe Europa veç apeleve dhe këshillave? Ka më shumë se një vit e gjysmë që europianët përpiqen pa sukses të ndërmjetësojnë mes Teheranit dhe Uashingtonit. ata angazhohen për shpëtimin e marrëveshjes atomike me Iranin, të cilën Trump e hodhi poshtë njëanshëm në maj 2018.
Përpjekjet e Gjermanisë, Francës, Britanisë së Madhe për t’i ofruar avantazhe ekonomike Iranit, të premtuara në marrëveshjen atomike, nuk kanë qenë të suksesshme deri më tani. Shumica e firmave europiane për shkak të presionit amerikan janë larguar nga Irani. INSTEX, shoqëria e krijuar qëllimisht për këtë nga Berlini, Parisi dhe Londra për t’i mënjanuar sanksionet nuk po bën përpara.
Për shkak se Teherani nuk shikon më avantazhe nga kjo marrëveshje, nga maji i vitit 2019, ai po tërhiqet hap pas hapi prej saj. Të dielën Irani bëri të ditur shfuqizimin e një pike në marrëveshje, kufizimet për centrifugat e pasurimit të uranit. Sipas zëdhënësit të Ministrisë së Jashtme gjermane, Rainer Breul kjo “është një shkelje tjetër e rëndë e marrëveshjes”.
Europa – “tigër prej letre”
Europa nuk mund të bëjë shumë në konfliktin e Gjirit, konstaton ish-ministri i Jashtëm gjerman, Sigmar Gabriel në një opinion për gazetën gjermane, “Tagesspiegel”. Shumë shpesh Bashkimi Europian në dy vitet e fundit ka treguar, “se është një tigër prej letre, kur puna bëhet serioze.” Ish-ministri i Jashtëm është i mendimit, se për ta ndryshuar këtë situatë të tensionuar, Europa duhet të jetë e guximshme dhe të marrë parasysh rreziqet. “Në rast nevoje të rrezikojë edhe një konflikt më të madh politik me presidentin e tanishëm të SHBA.” Për ta penguar Teheranin të vazhdojë ngjitjen në spiralen e tensioneve, Gabriel ka një ofertë: Kredi dyshifrore miliardëshe të Bankës Qendrore Europiane dhe bankave kombëtare europiane për kthimin e Iranit në marrëveshjen atomike dhe në rastin më të keq reagim “të kufizuar” për atentatin kundër Soleimanit. Sipas Sigmar Gabriel me këtë ofertë, Europa do të kthente besueshmërinë në Teheran dhe nuk do të ishte më një tigër në letër.
(Marrë nga DW)
Tirana është boshatisur për ditët e pushimit. Cilën nga ritet e shenjta po ndiqni:
SHBA- Bolton nuk ishte tepër i bindshëm në përgjigjen e tij, por ka pranuar të dëshmojë në procesin kundër Trumpit lidhur me aferën e Ukrainës, nëse Senati amer...
Kosovë- Ish-deputeti Milaim Zeka në edicionin festiv “N’Darkë” në T7 ka kënduar këngën “Oj Shqipëri mos thuj marova”.Por para se të këndonte këtë këngë Zeka ësh...
IRAN- Ka shkruar në 40 numri i víktímave dhe 213 të tjerë janë plágosur për shkák të türmave të mëdha të njerëzve para varrimit të gjeneralit Kasem Sulejmani...
SHBA- Irani kércënói SHBA-në me “hákmarrje të áshpër” pas vrásjes së gjeneralit Kasem Sulejmani të premten në aeroportin e Bagdadit, ndërsa këtij kércéními SHBA...
SHBA- Mark Esper ka kündërshtuar Presidentin Donald Trump, në lidhje me shqétësimet për vendet e Trashëgimisë Kulturore të mbrojtura nga UNESKO. Ndër të tjera s...
KOSOVË– Kreu i Lëvizjes Vetëvendosje, Albin Kurti pritet që të mbledhë sot kryesinë e partisë. Në këtë takim, Kurti do të diskutojë me kryesinë pas takimi...
SHBA- Presidenti amerikan Donald Trump është përballur me krítika në rritje për kércënímet e tij për të sülmuar vendet kulturore të Iranit.Presidenti amerikan b...
SUEDI- Një kompani mobiljesh në Suedi “ Ikea Malm” ka pranuar të paguajë 46 milion dollarë për prindërit e një fëmije i cili u vrá si shkák i një íncidenti ku s...
SHBA- Fotografitë e qelisë në të cilën ndodhet Jeffrey Epstein të realizuara pas vdékjes së tij u bënë publike në emisionin “60 Minuta, në CBS.Imazhet tregojnë ...
IRAN-Të paktën 35 njerëz kanë gjetur vdékjen gjatë várrimit të gjeneralit Kasem Sulejmani në Iran. Sipas mediave të húaja vdékjet janë shkáktuar nga vetë njerë...
