Politike

“Bëhen vetëm me referendum”/ Rama i kthehet Metës: Kjo nuk ndodh gjëkundi, ne do hapim listat, me ligj e me karton, do kemi model europian jo kosh karavidhesh

  • Blushi: Ke frikë nga populli sepse e fiton edhe të tretin, sovraniteti i përket atij
  • Sipas Ramës, kjo gjë nuk ndodh asgjëkundi dhe se Shqipëria do t'i hapë listat me ligj dhe me karton.
    Featured image of article: “Bëhen vetëm me referendum”/ Rama i kthehet Metës: Kjo nuk ndodh gjëkundi, ne do hapim listat, me ligj e me karton, do kemi model europian jo kosh karavidhesh Edi Rama dhe Ilir Meta

    TIRANË– Kryeministri Edi Rama ka reguar pas deklaratës së Presidentit Ilir Meta, teksa ky i fundit u shpreh se ndryshimi i sistemit, heqja e koalicioneve dhe hapja e listave bëhen vetë me referendum.

    Sipas Ramës, kjo gjë nuk ndodh asgjëkundi dhe se Shqipëria do t’i hapë listat me ligj dhe me karton.

    Përsa i përket faktit që Shqipëria nuk do të ndjekë model lindor, Rama shprehet se Shqipëria do të ndjekë një model europian dhe se do të jetë me koalicione tamam, me zë, figura e program, jo kosh karavidhesh pa din as iman!

    Për më shumë bëhu pjesë e grupit më viral në Facebook, Dosja.al

    “IM thotë ndryshimi i sistemit,heqja e koalicioneve,hapja e listave bëhen vetëm me referendum!Askund nuk bëhet referendum për këto çështje. Ndërsa këtu as sistemi s’do ndryshojë,as koalicionet s’do ndalohen,po listat do hapen nga Kuvendi i Shqipërisë me ligj, me zakon e me karton! Sa për modelin lindor, modeli i koalicionit që kemi s’është as perëndimor, as jugor, as verior dhe prandaj nuk gjendet askund në lindje a në perëndim! Modeli i ri do të jetë gjerman e plotësisht europian, koalicion tamam, me zë, figura e program, jo kosh karavidhesh pa din as iman!”- shkruan Rama.

    (f.m/dosja.al)

    Shto Koment