Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
SHBA– Një investigim i BBC-së ka zbuluar disa operacione të fshehta të mercenarëve rusë në luftën civile në Libi, që tregon lidhjet me krimet e luftës dhe ushtrinë ruse. Një tablet Samsungu që la pas një luftëtar i grupit mercenar rus Wagner, zbulon rolin e kësaj organizate, si dhe emrat e koduar të luftëtarëve të cilët mund të gjurmohen tani.
BBC shkruan se janë gjetur pajisje të avancuara ushtarake të Ëagnerit, për të cilat ekspertët thonë se mund të jenë të një baze e ushtrisë ruse, por Moska zyrtare kategorikisht mundohet të mohojë se qëndron pas këtyre mercenarëve. Ky grup për herë të parë është identifikuar në vitin 2014, kur përkrahu separatistët prorusë në konfliktin në lindje të Ukrainës. Prej asaj kohe është përfshirë në shumë ngjarje në rajon, përfshirë Sirinë, Mozambikun, Sudanin dhe në Afrikë.
Luftëtarët e Wagnerit u shfaqen në Libi gjatë vitit 2019, kur iu bashkuan forcave të grupeve rebele të gjeneralit Khalif Haftar, pas sulmeve të kryera ndaj qeverisë në Tripoli. Megjithatë ky konflikt i armatosur ishte ndërprerë në vitin 2020. Ky grup njihet për sekretet. BBC ka arritur të takoj dy ish-pjesëtarë të kësaj njësie. Kanë zbuluar se çfarë lloje të njerëzve i bashkohen Ëagnerit, si dhe mungesën e kodit sa i përket sjelljeve. Nuk ka dyshim që ata vrasin të burgosurit, pasi që ish-një ish-luftëtar këtë e ka pranuar haptazi: “askush nuk dëshiron të mbajë gjallë dikë që duhet ta ushqejë”.
Në dokumentarin e BBC të transmetuar në gjuhën arabe dhe atë ruse me titull “Mercenarët rusë të Haftarit: Brenda grupit Wanger”, tregohen dëshmi për dyshimet për krime lufte dhe vrasjen e qëllimshme të civilëve. Një banor nga Libia, e përshkruan se si ishte shtirur si i vdekur derisa po ia vrisnin familjarët. Dëshmia e tij ka ndihmuar BBC-në të identifikojë një vrasës. Duke e përshkruar edhe një krim të mundshëm të luftës, ushtari i qeverisë libiane, gjithashtu kujton momentin kur bashkëluftëtari i tij u dorëzua para mercenarëve të Wagnerit, por se ishte goditur dy herë me plumba në gjoks. Prej asaj kohe nuk e pa më si dhe tre miqtë tjerë që ishin zënë asokohe nga pjesëtarët e Ëagnerit. Tableti i Samsungut, gjithashtu ofron dëshmi për përfshirjen e mercenarëve dhe vënien e minave në zonat e banuara me civilë.
Vënia e minave pa ndonjë shenjë paralajmëruese përbën krim të luftës. Tabletin e harroi një luftëtar i panjohur i Ëagnerit, pasi që ekipi i tij u tërhoq nga rajoni në jug të Tripolit në pranverën e vitit të kaluar. Në të përshkruhen edhe hartat e linjave të frontit që janë shkruar në gjuhën ruse, që konfirmojnë prezencën e Wagnerit që kishin qasje në operacione të ndryshme. Ekzistojnë video të dronëve dhe emra të koduar të luftëtarëve të Wagnerit, ku njëri prej tyre është identifikuar nga BBC. Ky tablet tani është në duart e sigurta. Përshkrimi i detajuar i pajisjeve ushtarake dhe armëve, përmenden në një dokument prej dhjetë faqeve që BBC-së ia ka dhënë një burim brenda inteligjencës së Libisë. Në dokument gjithashtu tregohet se kush financon dhe përkrah operacionet e Wagnerit.
Në artikullin e BBC, është përshkruar edhe materiali i nevojshëm për “kryerjen e detyrave ushtarake”, përfshirë katër tanke, qindra pushkë automatike AK-47 si dhe pajisje të avancuara për radarë. Një analist ushtarak ka thënë për BBC se armatosja e tyre bëhet në ushtrinë ruse, e një ekspert tjetër që merret me analizimin e grupit Ëagner, ka thënë se të gjitha përshkrimet tregojnë se është i përfshirë Dmitri Utkin. Ai është një person që dikur ishte pjesë e inteligjencës ruse, për të cilin besohet se themeloi Ëagnerin. BBC ka tentuar ta kontaktoj Dmitri Utkinin, por ai ka refuzuar të flet. Analiza e përshkrimit bazuar në dokumentet në veçanti “Evro Polis”, tregon për përfshirjen edhe të Jevgeni Prigozin, biznesmeni rus i afërt me presidentin Vladimir Putin.
Ministria amerikane e Financave kishte sanskionuar Evro Polisin në vitin 2018, duke e cilësuar si një kompani ruse që ka për detyrë të mbroj fushat siriane të naftës që janë nën pronësi apo nën kontroll të Jevgeni Prigozin. Hulumtimet e gazetarëve perëndimorë lidhin Prigozinin me Wagnerin, por ky biznesmen gjithmonë ka mohuar çfarëdo lidhje që mund të ketë me ta. Në anën tjetër, ministria e Jashtme e Rusisë ka deklaruar për BBC se po “bëjnë gjithçka që të arrihet paqja dhe të gjendet një zgjidhje politike e krizës në Libi”. Zyrtarisht Ëagneri nuk ekziston, por besohet se rreth 10.000 njerëz të paktën një herë kanë qenë pjesë e operacione të Wagner që kur u shfaq në luftëra në anën e separatistëve prorusë në lindje të Ukrainës gjatë vitit 2014. Vlerësohet se rreth 100 njerëz të Wagnerit kanë luftuar me gjeneralin Khalif Haftar në Libi gjatë periudhës 2019-2020.
(f.m/dosja.al)
Iftar dhe politikë, a u prek Muaji i Ramazanit nga politikanët?
RUSI– Autoritetet ruse kanë ngritur akuza të reja penale kundër udhëheqësit të opozitës të burgosur, Alexei Navalny, si ‘hakmarrje’ ndaj tij dhe ekipit të tij p...
GREQI- Tashmë duket se Greqia mund të gjejë ‘paqe’ nga zjarret pasi ditën e sotme pjesa më e madhe e vendit është pushtuar nga shirat.Moti ndryshoi ...
MEKSIKË– Tre persona kanë përfunduar të vdekur dhe një tjetër ka mbetur i plagosur si pasojë e një sulmi me armë zjarri. Ngjarja ka ndodhur gjatë një...
GREQI– Një ngjarje e çuditshme ka ndodhur në ishullin e Mykonosit, ku një turiste franceze e dehur shkoi në Polici duke paditur një italian se e kishte p...
ITALI– Kanë kaluar tashmë më shumë se dy muaj nga tragjedia e rrëzimit të teleferikut në Itali ku humbën jetën 13 persona dhe i vetmi i mbijetuar ishte 5-...
BERLIN– Policia gjermane ka arrestuar një punonjës të Ambasadës Britanike pasi akuzohet se ka spiunuar për Rusinë. Sipas mediave të huaja, britaniku, i identifi...
MINSK– Bjellorusia së fundmi u është përgjigjur me veprim të ashpër Shteteve të Bashkuara rreth sanksioneve të fundit që iu vendosën Minskut. Zyrtarisht a...
SHBA– Presidenti i SHBA-ve, Joe Biden u filmua duke injoruar udhëzimin e një agjenti të Shërbimit Sekret i cili po i tregonte shtegun që të çonte në Shtë...
AUSTRALI– Një grua është nën hetim në Australi pasi për 8 muaj ajo pretendoi se ishte mjeke.Sipas BBC, 27-vjeçarja punoi për tetë muaj në Spitalin ...
SHBA–Një ari i zi i mitur u filmua nga disa klientë në një supermarket në Los Angeles të SHBA-ve.Sipas pamjeve të publikuara, ariu u pa brenda supermarketit Ral...
