Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Kreu i PD-së, Lulzim Basha i ka dërguar një letër Elisabeta Imerajt, drejtueses së Prokurorisë së Tiranës, në të cilën e konsideronte si të panevojshme kërkesën e paraqitjes për njohjen e akteve rreth hetimit për deklarimet financiare të Partisë Demokratike.
Basha e cilësoi si të panevojshme dhe të pambështetur në ligj dhe në asnjë standard profesional e etik të hetimit pasi as ai dhe asnjë drejtues tjetër i Partisë Demorkatike nuk janë marrë nën hetim dhe nuk janë të pandehur në asnjë hetim.
“Fakti që një ftesë e tillë vjen 6 muaj pasi ju e keni marrë informacionin në fjalë dhe në një kohë kur ka filluar një fushatë keqinformimi me natyrën dhe ecurinë e hetimit në fjalë, na bën të mendojmë se veprimi juaj është bërë jo për qëllime hetimore, por për shërbime propagandistike politike.”-thuhet në letrën e Kryetarit të PD, Lulzim Basha.
Letra e plotë:
Lënda: Kthim përgjigje
DREJTUAR: Znj. Elisabeta Imeraj – Drejtuese e Prokurorisë
PROKURORIA PRANË GJYKATËS SË SHKALLËS SË PARË TIRANË
PËR DIJENI: Z. Gjergji Tako, Prokuror pranë Prokurorisë së Shkallës Parë Tiranë
E nderuar znj. Drejtuese e Prokurorisë,
Në përgjigje të shkresës nr. 4135 Prot., datë 18.03.2019 të Prokurorisë pranë Gjykatës së Shkallës së Parë Tiranë, me anë të së cilës përcillet urdhri juaj për paraqitjen për njohje me aktet e ardhura nga Departamenti i Drejtësisë së Shteteve të Bashkuara të Amerikës dhe nga Autoriteti i Drejtësisë së Skocisë, për z. Arben Ristani, z. Gazment Bardhi, z. Ilir Dervishi dhe z. Lulzim Basha, ju bëjmë me dije sa më poshtë vijon:
Jam i habitur nga thirrja juaj për t’u paraqitur pranë zyrave tuaja për t’u njohur me një informacion që ju paskeni marrë në kuadër të hetimit që ju po zhvilloni në lidhje me respektimin e ligjit në deklarimet financiare të Partisë Demokratike.
Kjo kërkesë e juaja është e panevojshme, e pa mbështetur në ligj dhe e pa mbështetur në asnjë standard profesional dhe etik të hetimit.
As unë, asnjë drejtues tjetër i Partisë Demorkatike dhe as Partia Demokratike nuk janë marrë nën hetim dhe nuk janë të pandehur në asnjë hetim, prandaj as unë dhe as një drejtues tjetër i Partisë Demokratike nuk ka nevojë dhe ju nuk keni asnjë detyrim ta na informoni për asnjë të dhënë që mund të jeni duke mbledhur në kuadër të verifikimeve tuaja.
Zyrtarët e Partisë Demokratike, në zbatim të nenin 312 të Kodit të Procedurës Penale, në cilësinë e tyre si persona që mund të tregojnë rrethana të dobishme për qëllimet e hetimit, janë paraqitur më parë në Prokurori dhe kanë dhënë shpjegimet e tyre. Gjithashtu, Partia Demokratike e Shqipërisë ka depozituar në organin e prokurorisë të gjitha të dhënat e kërkuara nga ana juaj. Në këto kushte, organi i prokurorisë ka marrë të gjitha të dhënat e nevojshme dhe që disponohen nga ana jonë, që i shërbejnë hetimit dhe ndihmojnë prokurorinë në përfundimin mbi këtë çështje. Për pasojë, ju bëjmë me dije se edhe zyrtarët e tjetër të Partisë Demokratike z. Ristani, z. Bardhi dhe z. Dervishi, e cmojnë të panevojshme paraqitjen, sipas njoftimit të ardhur nga ana juaj, për njohjen me aktet.
Nëse për çfarëdo arsyeje, ju mendoni se ne duhet të njihemi me ndonjë informacion, mund të na i dërgoni atë me postë ose mund ta bëni publik në media.
Zonja Drejtuese,
Fakti që na keni drejtuar një ftesë të panevojshme për të marrë një informacion që nuk ka asnjë interes për ne; fakti që kjo ftesë është formuluar në një mënyrë që çon në keqkuptime të panevojshme; fakti që kjo kërkesë është rrjedhur në media dhe është keqinterpretuar prej tyre dhe përdorur nga kundërshtarët tanë politikë; fakti që ju nuk keni bërë asnjë sqarim apo përgënjeshtrim të këtyre keqintepretimeve; fakti që informacioni që doni të na përcillni nuk ka asnjë fakt apo të dhënë të re që nuk është pohuar nga ne gjatë shpjegimeve tona të mëparshme; si dhe fakti që një ftesë e tillë vjen gjashtë muaj pasi ju e keni marrë informacionin në fjalë dhe në një kohë kur ka filluar një fushatë keqinformimi me natyrën dhe ecurinë e hetimit në fjalë, na bën të mendojmë se veprimi juaj është bërë jo për qëllime hetimore, por për shërbime propagandistike politike.
Nisur nga ky dyshim, dëshiroj t’ju kujtoj se ju keni detyrimin kushtetues dhe ligjor të kryeni hetime larg ndikimeve politike, si dhe detyrimin ligjor që të garantoni besueshmërinë dhe integritetin e hetimit.
Me thirrjen e panevojshme, keqinformuese dhe në një kohë të përzgjedhur politikisht, ju keni kompromentuar rëndë integritetin dhe paanshmërinë e hetimit.
Për këtë arsye, ju kërkoj të distancoheni menjëherë nga qendrime me prapavijë politike dhe të merrni të gjitha masat për të ndaluar në të ardhmen çdo lloj përdorimi për qëllime politike të hetimit që po zhvilloni.
PARTIA DEMOKRATIKE E SHQIPËRISË
KRYETARI
LULZIM BASHA
Dy ditë më parë Prokuroria kërkoi kreun e PD-së, Lulzim Bashën pas ardhjes së dy letërporosive nga Shtetet e Bashkuara të Amerikës dhe Skocia. Letërporosi ka riaktivizuar hetimet për dosjen e lobimit, nga ku PD ka paguar 525.000 dollarë, ndërsa kompania “Biniatta Trade” 150.000 dollarë. Përveç Bashës në pyetje do të rimerret në pyetje ish-Sekretari i Përgjithshëm i PD-së, Arben Ristani. Po sot në pyetje do të merret prokurori Gjergj Tako; financieri i kësaj force politike, Ilir Dervishi dhe sekretari aktual i PD-së, Gazment Bardhi. Edhe në Skoci ka një hetim për pastrim parash, pasi kompania “Biniatta Trade” e ka selinë atje. Nga letërporosia e ardhur nga Skocia, prokurorët shqiptarë kanë përftuar të dhëna të reja dhe të panjohura më parë, se kush janë pronarët e vërtetë të “Biniatta Trade”, përveç dy shtetasve rusë, Evgeny Sheremetyev dhe Kostantin Ferulev, që sipas hulumtimit të “Mother Jones” zotërojnë 75 për qind të aksioneve të “Biniatta Trade”.
(k.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Protesta e opozitës para Kuvendit ditën e sotme pritet që të jetë më e tkurrur në numra ndyshe nga herët e tjera. Mësohet se në protestën e sotme P...
TIRANË– Sekretarja e Përgjithshme e Këshillit të Bashkëpunimit Rajonal, Majlinda Bregu, ka komentuar videon, ku shfaqej me eurodeputetin Knut Fleckenstein,...
TIRANË- Deputetja e përjashtuar e PD-së, Rudina Hajdari do të jetë sot e pranishme në Kuvend. Teksa futej brenda Hajdari dha një prononcim për “Ora News” d...
TIRANË- Deputeti i Partisë Demokratike, Mysim Murrizi, në një postim në Facebook ka ironizuar deklaratat e politikanëve shqiptarë të cilët shprehen se janë...
GJERMANI- Kreu i Partisë Demokratike, Lulzim Basha, gjatë vizitës së tij në Gjermani ka zhvilluar një takim me kryetaren e re të CDU-së Annegret Kramp-Karrenbau...
GREQI- Ministri i Jashtëm i Greqisë, George Katrougalos, ka zhvilluar ditën e sotme një takim me homologun e tij turk Mevlut Cavusoglu, në Bruksel, në përfundim...
TIRANË- Kryeministri Edi Rama si duket ka mjaftueshëm besim tek zëvendësi i tij, Erion Braçe, i cili erdhi në vend të Senida Mesit, me ndryshimet që...
TIRANË- Kryetari i Forumit Rinor të Partisë Demokratike, Belind Këlliçi, shprehet se opozita dhe revolta popullore nuk do të lejojnë zgjedhje lokale...
TIRANË- Zëdhënësja e Partisë Demokratike Ina Zhupa, ka reaguar lidhur me Kongresin e Partisë Socialiste, që pritet të zhvillohet më 23 Mars, në orën 11:00,...
TIRANË- Kryeministri Rama është larguar në drejtim të paditur nga Shqipëria. Përkundër detyrimit ligjor të informimit të aktivtetit, Rama është larguar pa ...
