Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Kryetari i Partisë Demokratike, Lulzim Basha ka hedhur akuza të forta ndaj paraardhësit të tij, Sali Berisha. Në një intervistë për ABC, Basha deklaroi se Berisha më 8 janar drejtoi një organizatë kriminale për të vrarë funksionarët e PD, duke pretenduar se kishte bashkëpunuar me Tom Doshin dhe me Aqif Rakipin. Po ashtu, i pyetur nëse vuri në rrezik përfaqësuesit e PD për mbledhjen e thirrur në seli, Basha tha se ata në vendin dhe orën e gabuar, por Sali Berisha dhe organizata e tij kriminale.
“Sali Berisha është përjashtuar me unanimitet nga Kryesia e Partisë Demokratike ditën pasi vendosi të sillej jo si politikan, por si kreu i një organizate kriminale antikombëtare, antiamerikane dhe provoi tentativën e vrasjes të një grupi drejtuesish dhe anëtarësh të Partisë Demokratike në selinë e Partisë Demokratike pasi kishte nisur një fushatë të nxitjes së dhunës, të gjuhës së urrejtjes, të përçarjes së demokratëve për të shkatërruar Partinë Demokratike siç e paralajmëroi vetë që nëse Partia Demokratike nuk do të kthehej në bunker për hallin e tij personal, ai do ta shkatërronte, nuk e meritonte të ekzistonte,”-tha Basha.
PJESË NGA INTERVISTA:
Juxhin Mustafaraj – ABC: Zoti Basha ju përjashtuat Sali Berishën dhe me gjasë të gjithë atë që konsiderohet Komisioni I Rithemelimit, nëse ata do të vendosin sërish të vijnë në Partinë Demokratike do të jetë e njëjta gjë? Do të lejohen ata që të të vijnë, të mbajnë deklarata, të hyjnë në selinë e Partisë Demokratike?
Lulzim Basha: Çdo akt dhune, çdo akt në kundërshtim me ligjin do të trajtohet siç trajtohet çdo vepër penale nga çdo keqbërës.
Juxhin Mustafaraj – ABC: Meqenëse flasim për shkeljen e ligjit dhe nevojën e institucioneve sepse shpesh herë në Shqipëri madje edhe opozita e ka konsideruar policinë si përkrahëse të qeverisë, a nuk do të ishte mirë që policia të kishte ndërhyrë atë ditë, a do të duhet ju të kërkonit më shpejt ndërhyrjen e policisë që të mos lejonit vandalizimin e Partisë Demokratike dhe pse jo rrezikimin e jetës së njerëzve?
Lulzim Basha: Skenari ka qenë i mirëpërgatitur midis Sali Berishës dhe njerëzve të tij dhe midis Edi Ramës dhe njerëzve të tij. Sali Berisha po e bën të gjithë këtë për të shkatërruar Partinë Demokratike dhe në shërbim të kësaj ka kriminelët e Edi Ramës, ka të njëjtat struktura që Edi Rama ka përdorur me 25 prill, ju si media iu janë vënë në dispozicion dhe keni raportuar se janë të njëjtat struktura, strukturat e Tom Doshit kanë qenë të pranishme edhe atë ditë këtu, strukturat e Aqif Rakipit kanë qenë të pranishme edhe atë ditë këtu, po kështu edhe satrukturat e të tjerëve që priten të shpallen non grata apo pritet të kenë të njëjtin kurs konflikti sa i përket përpjekjes kundër korrupsionit në Shqipëri dhe natyrisht kreu i korrupsionit është kreu i qeverisë.
Kështu që, këta të gjithë i bashkon një hall i madh, i bashkon beteja kundër korrupsionit që është shpalosur tashmë nga aleati ynë strategjik, Shtetet e Bashkuara të Amerikës dhe në Shqipëri për momentin ka vetëm një forcë, ka vetëm një faktorë, i cili është le të themi pengesë për ta dhe shpresë për Shqipërinë dhe shqiptarët dhe një pikë mbështetje të strategjive të aleatëve tanë për të luftuar korrupsionin si armikun kryesorë të mirëqenies së shqiptarëve.
Ndaj, ata janë të bashkuar në hallin e tyre dhe në përpjekjen e tyre për të ndalur luftën kundër korrupsionit, ne jemi më të bashkuar dhe më të vendosur se kurrë në luftën kundër korrupsionit si armiku numër një i mirëqenies së shqiptarëve. Të tjerat pastaj janë detaje taktike se si Trekëndëshi i Bermudës në të gjitha instrumentet që ka dhe Edi Rama ka padiskutim edhe instrumentet e tij në Policinë e Shtetit dhe në Drejtësi, përpiqen të ndalojnë të paevitueshmen, por nuk do ta ndalin dot.
Korrupsioni do të bjerrë, do të shembet, do të marrë me vete aktorët kryesorë të korrupsionit dhe të tranzicionit 30-vjeçarë të Shqipërisë, ndërsa Partia Demokratike do të triumfojë me vizionin e saj dhe do të udhëheq Shqipërinë dhe shqiptarët drejt normalitetit, larg kulturës së dhunës, së linçimit. Larg kulturës së skllavërimit të mendjes dhe të shpirtit dhe rikthimit të dinjitetit për çdo njeri, për çdo qytetarë dhe të mundësive për të jetuar normalisht në një vend normal që i ka të gjitha mundësitë dhe pasuritë, t’i ofrojnë një jetesë normale çdo familje shqiptare nga Konispoli në Vermosh.
(k.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
ITALI – Në rrugicat e Amsterdamit dhe Brukselit është e lehtë të hasësh njerëz të të gjitha kombësive. Postat e para në rrugën e drogës, dy kryeqytetet ev...
TIRANË – Temperaturat e ulëta janë kthyer së bashku me muajin janar. Ulja e temperaturave do të vazhdojë edhe ditët në vjim kur priten të arrijnë nën...
TIRANË– Gjykata e Tiranës ka vendosur të lirojë nga burgu 34 të arrestuarit e protestës së dhunshme të 8 janarit në selinë e Partisë Demokratike. Për...
TIRANË– Kryetari i Bashkisë së Tiranës, Erjon Veliaj ka kërcënuar hapur gjyqtarët ditën e sotme. Teksa ndodhej në një aktivitet së bashku me policinë...
TIRANË– Një 38-vjeçar ka rënë aksidentalisht nga kati i dytë i një objekti në afërsi të Qytetit Studenti në Tiranë. Policia informon se 38-vje...
TIRANË– Duket se në selinë e Partisë Demokratike kanë një preferencë për mjetet gjermane, më saktësisht ato tip “Mercedes Benz”. Kryedemokrati Lulzim...
TIRANË– Gjykata e Tiranës ka vendosur të lirojë nga burgu 34 të arrestuarit e protestës së dhunshme të 8 janarit në selinë e Partisë Demokratike. Pro...
GREQI– I riu shqiptar, Aleksandër Luca, i arrestuar për vrasjen e studentes greke Eleni Topaloudi ka dhënë një intervistë nga burgu për mediat vendase. Në...
TIRANË– Deputeti socialist, Petro Koçi ka komentuar dhe një herë situatën në Kadastrën e Fierit. Me anë të një postimi të bërë në rrjetin e ti...
SHKODËR- Pezullohen nga detyra 3 zyrtarë të burgut të Reçit në Shkodër. Shërbimi i Kontrollit të Brendshëm të Sistemit të Burgjeve ka pezulluar nga...
