Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
SHQIPËRI-Shtetasi turk, Selami Simsek i kërkon Komisionit Kombëtar për Azilin dhe Refugjatët që të rrëzojë në tërësi një vendim të Drejtorisë së Azilit dhe Shtetësisë pranë Ministrisë së Brendshme, që vendosi kundër kërkesës së këtij të fundit për azil në Shqipëri.
Në ankimin drejtuar Komisionit Kombëtar për Azilin dhe Refugjatët, avokati i Simsek, Elton Hyseni thekson se refuzimi i azilit ishte ndërmarrë në shkelje të ligjit, pa kryer verifikime për rrezikimin e jetës dhe se palëve të interesuara u ishte fshehur ky vendim për muaj me radhë.
Komisioni Kombëtar për Azilin dhe Refugjatët është shkalla e dytë e apelimit për të huajt, të cilëve u është refuzuar azili në Shqipëri, i cili përbëhet nga 4 përfaqësues të qeverisë, një përfaqësues i Shërbimit Informativ Shtetëror dhe një anëtar nga Komiteti Shqiptar i Helsinkit. BIRN mësoi se çështja e Simsek do të trajtohet në mbledhjen e Komisionit Kombëtar për Azilin të mërkurën.
Selami Simsek u arrestua korrikun e vitit të kaluar me një vizë kanadeze false në Rinas, së bashku me mësuesin Harun Çelik. Ata pretenduan se po arratiseshin, pasi përndiqeshin nga Turqia si pjesë e lëvizjes së klerikut Fetullah Gylen.
Më 1 janar, Shqipëria dëboi Harun Çelik pavarësisht thirrjeve të tij në kërkim të azilit. Çelik u burgos menjëherë sapo mbërriti në Turqi, ndërsa Agjencia shtetërore e lajmeve Anadolu raportoi se ai ishte kapur në një operacion ku ishte përfshirë dhe shërbimi sekret turk, MIT.
Në një proces të ndarë gjyqësor, Selami Simsek u dënua më 27 janar nga Gjykata e Tiranës me një vit e gjysmë burg, ndërsa përfitoi uljen e një të tretës së dënimit për shkak se pranoi fajin dhe shprehu pendesë.
Rasti i Simsek dhe bashkëudhëtarit të tij të dëbuar, Harun Çelik ka nxitur hetime për akuza të rrëmbimit të personit dhe zhdukjes nga një grup i Organizatës së Kombeve të Bashkuara mbi Ndalimet Arbitrare, i cili i dërgoi Shqipërisë një listë pyetjesh në maj.
Furgonin i policisë ku u mbajt i ndaluar shtetasi turk, Selami Simsek.
Selami Simsek u lirua nga burgu pasditen e 9 marsit 2020 dhe u shoqërua nga policia tek Drejtoria e Kufirit dhe Migracionit në Laprakë, ku bëri kërkesën për azil. Pas një sërë peripecish, Simsek u shoqërua në Qendrën e Mbyllur për të Huajt në Karreç në periferi të Tiranës, ku ndodhet edhe aktualisht.
Siç doli më vonë, Drejtoria e Azilit dhe Shtetësisë pranë Ministrisë së Brendshme mori menjëherë vendim për refuzimin e kërkesës së tij për azil. Ky vendim nuk iu njoftua as shtetasit turk dhe as avokatit të tij.
Vendimi që rrodhi në media 4 muaj më vonë e cilësonte kërkesën e Simsek të pabazuar dhe se këtij të fundit nuk i kanosej ndonjë rrezik. Por avokati mbrojtës, Elton Hyseni thotë në mbrojtjen e tij se vendimi i marrë në pak orë ishte vetëm formal dhe kishte shkelur ligjin për azilikërkuesit.
Në mbrojtje, Hyseni parashtron ndër të tjera se Simsek përndiqet “në mënyrë të padrejtë si familjar i një gylenisti”, ndërsa theksohet se Drejtoria e Azilit dhe Shtetësisë kishte vendosur rrëzimin e kërkesës pa kryer verifikim dhe duke mos njoftuar as Agjencinë e Kombeve të Bashkuara për Refugjatët (UNHCR), siç kërkohet nga ligji.
“Nuk është bërë asnjë verifikim si dhe nuk ka një përshkrim të kërkimit me ngulm nga autoritetet turke të kthimit në vendin e origjinës të shtetasve turq, të cilët kanë braktisur vendin e tyre si anëtarë të lëvizjes “Gyleniste”, thuhet në ankim.
Hyseni parashtron se minimalisht duhej të ishte kërkuar nëse kishte apo jo një kërkesë të Ankarasë për të transferuar Simsek në Turqi dhe nëse ky i fundit konsiderohej anëtar i “Lëvizjes Gylen”.
“Në rastin konkret autoriteti përgjegjës nuk ka vërtetuar asnjë nga të dhënat e treguara në kërkesën për azil nga azilkërkuesi si dhe nuk ka bërë asnjë korespondencë me UNHCR-në në bazë të procedurës administrative të parashikuar nga neni 37 i ligjit,”, thuhet në ankim.
Avokati pretendon gjithashtu se vendimi ishte i paligjshëm dhe se Drejtoria e Azilit dhe Shtetësisë kishte shkelur ligjin, duke mos njoftuar atë dhe klientin e tij për vendimin për muaj të tërë.
“Nga ana e Drejtorisë së Azilit dhe Shtetësisë, pranë Ministrisë së Brendshme është shkelur neni 37 pika 4 e ligjit nr.121/2014, pasi vendimi përfundimtar nuk na është vënë në dijeni brenda afatit 5 ditor të nxjerrjes së tij,” thuhet në ankim. Avokati thotë se ka mësuar për vendimin ne media më 2 korrik dhe se asnjëherë nuk e ka marrë atë në rrugë zyrtare.
Avokati kërkon shfuqizimin e vendimit dhe pranimin e kërkesës së Selami Simsek për azil. Ai kërkon gjithashtu pezullimin e çdo mundësie dëbimi, derisa kërkesa për azil të ketë kaluar në çdo shkallë gjykimi në Shqipëri.
1 vit nga zgjedhjet e 25 prillit si e shikoni gjendjen e vendit:
SHKODËR– Të shtëna me armë zjarri janë raportuar mbrëmjen e sotme në Shirokë. Mësohet se në vendin e ngjarjes kanë mbërritur forca të shumta policore, ndër...
TIRANË– Polonia ka mbyllur fluturimmet me Shqipërinë. Përmes një statusi në rrjetet sociale, TIA ka njoftuar se fluturimet e rregullta me Shqipërinë,...
VLORË– Një person i identifikuar si A. Xhaferllari ka mbetur i plagpsur me armë zjarri. Ngjarja ka ndodhur mbrëmjen e sotme në qytetin e Vlorës, pranë zonë...
TIRANË- MiniStria për Evropën dhe Punët e Jashtme ka njoftuar, se ka arritur një marrëveshje me palën greke, që kufiri të qëndrojë i hapur gjatë natës, por...
TIRANË– Pala greke ka pranuar që të mbajë hapur sporetelet në kufi edhe gjatë natës. Pas katër ditësh pritje, kur radha e emigrantëve ka shkuar në 25 kilom...
KAKAVIJË– Një emigrant nga Kakavija është ankuar për shtetin shqiptar që nuk i jep zgjidhje dhe për mungesën e ujit në kufi, që ka katër ditë që pret...
KAKAVIJË-Kreu i Emergjencave Civile, Haki Çako ka reaguar sërish në lidhje me situatën në pikën kufitare të Kakavijës. Në një komunikim për mediat, ...
TIRANË– Drejtori i Drejtorisë së Përgjithshme të Shërbimeve të Transportit Rrugor, Blendi Gonxhe ka komentuar radhët kilometrike në Kakavijë, teksa shkruan...
