Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
UKRAINË- Buça, një qytet në periferi të Kievit, u shndërrua në qendër të vëmendjes ndërkombëtare për shkak të akteve mizore ndaj popullatës civile të kryera nga forcat ruse që qëndruar aty rreth një muaj. Në një intervistë për Zërin e Amerikës, kryebashkiaku i Buçës, rrëfen tronditjen që pësoi pas rikthimit në qytet. Anatoliy Fedoruk, flet mbi numrin e viktimave civile që janë gjetur, përpjekjet për të rindërtuar infrastrukturën ndërsa thekson se është ende herët që banorët e larguar në fillim të agresionit rus, të rikthehen. Shërbimi rus i Zërit të Amerikës bisedoi me zotin Fedoruk dhe sjell pamje të qytetit të shkatërruar.
Për Anatoliy Fedoruk, kryetar i Bashkisë së Buçës, ajo që ka ndodhur në qytet nga trupat ruse është e paimagjinueshme. Ai ka studiuar për histori, por ajo që pa më 1 prill, ka tronditur gjithçka dinte mbi luftën dhe kodet e saj.
“Si historian shpresoja që traditat ushtarake të respektoheshin disi. Prisja që ushtarët të mos sulmonin civilët ose të ishin të dhunshëm ndaj tyre. Sigurisht, gjatë luftës ka shumë bombardime. Në thelb ajo është një llotari, ose jeton ose vdes. Por ajo që pashë, ishin shtëpi të shkatërruara, makina ushtarake të djegura, trupa njerëzish të pajetë. Ata ishin torturuar, u kishin lidhur duart pas shpine, ata ishin civilë të qëlluar për vdekje. Dhe mund ta kuptoje fare mirë se kishin qenë aty prej disa ditësh”, thotë ai.
Në intervistën e tij për Zërin e Amerikës zoti Fedoruk thotë se pasi forcat ruse u larguan, zyrtarët lokalë kishin gjetur 5 trupa njerëzish në moshë të re me duar të lidhura në një kamp fëmijësh në lagjen Melkini. Aty forcat ruse kishin patur qendrën e tyre.
“Kishte shumë trupa njerëzish të vrarë në rrugë, jo nga bombardimet, por me plagë armësh. Ishin qëlluar për vdekje me mitraloz. Çdo ditë po gjejmë trupa në pjesë të ndryshme të qytetit, në kopshte me perime, tek zonat e parkut, këndet e lojërave, janë krahas atyre për të cilët mediat ka shkruar tashmë. 320 kanë vdekur. Kemi zbuluar dy trupa të tjerë të vrarë me armë zjarri në fshatin Lubyanka. Dhe gjashtë të tjera në fshatin Zdvizhevka”.
Sipas kryetarit të bashkisë së Buças deri tani janë identifikuar 163 viktima, të gjithë banorë të qytetit, të vrarë e torturuar brutalisht nga ushtarët rusë, sikurse thotë ai.
“Ne kemi shqyrtuar rreth 80% të territorit, deri aty ku mund të shkojmë. Sepse të shkosh në zonat pyjore ose në brigjet e lumenjve pranë fshatrave është e rrezikshme. Këto janë zona ku ishin të vendosura trupat ruse, nga ku u bombardua Kievi. Ato vazhdojnë të jenë ende të minuara dhe askush, me përjashtim të specialistëve, nuk mund të shkojë atje tani për tani”.
Zoti Fedoruk thotë se aktualisht po punohet për të rikuperuar atë çka mundet apo të rindërtohen objektet më të rëndësishme të infrastrukturës. Po kështu sipas tij, po punohet për t’u ardhur në ndihmë atyre njerëzve që kanë jetuar në bodrume për një muaj të tërë, nën zjarrin e predhave derisa forcat ruse u larguan. Ata, thotë ai, kanë nevojë për ndihmë mjekësore e psikologjike.
Buça vazhdon të jetë nën shtetërrethim ashtu sikurse i gjithë rajoni. Autoritetet u kërkojnë banorëve ta respektojnë atë duke u bërë thirrje gjithashtu atyre që duan të rikthehen se është ende shumë herët për ta bërë një gjë të tillë.
“Një pjesë e madhe e territorit është ende e rrezikshme. Por në të njëjtën kohë u drejtohem atyre banorëve të qytetit tonë që punonin në objekte infrastrukturore me rëndësi: ne kemi nevojë për ju. Sepse pasi të rindërtojmë infrastrukturën, do të kemi nevojë për ta vënë atë në funksion”.
Zoti Fedoruk thotë se do të duhet të paktën një javë e gjysmë që qytetit të bëhet sërish i banueshëm. Por, kjo do të kërkojë një punë kolosale. Goditja e infrastrukturës jetike nga forcat ruse nuk ishte diçka e rastësishme, thotë ai.
“Stacioni hekurudhor ishte i pari që u bombardua. Është ndërprerë plotësisht shërbimi, është shkatërruar plotësisht. Po ashtu janë dëmtuar rezervuarët e ujit që ndodhen në zonat pyjore. Pothuajse të gjitha stacionet që ofronin sinjalet e komunikimit janë shkatërruar ndër të parët. Kjo do të thotë se armiku i kishte vënë qëllimisht në shënjestër. Kemi mbetur pa komunikim, pa energji elektrike dhe pa ujë në këto kushte. Por, po mbështesim njëri-tjetrin”.
Në një qytet të lënë të shkatërruar nga forcat ruse është e vështirë të llogariten dëmet. Nga një kompleks i madh apartamentesh, 20 për qind e tyre duhet të rrëzohen pasi janë bërë të pabanueshme nga bombardimet. Po kështu rreth 150 deri 170 shtëpi janë djegur tërësisht, pa marrë parasysh dëme të tjera.
Por nëse shifra e dëmeve nuk dihet, e me siguri është e lartë, një gjë është po aq e sigurt:
“Do të na kushtojë shumë, por ne do ta rindërtojmë”, thotë kryebashkiaku i Buçës për Zërin e Amerikës.
Marrë nga VOA
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
SHBA- Pentagoni i gjen pretendimet “jobindëse” nga Rusia se forcat e saj nuk ishin të përfshira në sulmin në një stacion treni në Ukrainë më herët s...
UKRAINË- Presidenti ukrainas Volodymyr Zelensky u tha të premten krerëve të Bashkimit Evropian se paketa e fundit e sanksioneve të bllokut kundër Rusisë nu...
UKRAINË- Një organizatë ndërkombëtare e krijuar për të identifikuar të vdekurit dhe të zhdukurit nga konfliktet e viteve 1990 në Ballkan po përgatitet të d...
RUSI– Shtetasit rusë po shpenzojnë mesatarisht 40% të të ardhurave të tyre për ushqime. Kjo është gati dyfishi i nivelit të shpenzimeve përpara luftës në ...
KOSOVË- Ish-kryeministri i Kosovës, Ramush Haradinaj, ka reaguar pas disa shkrimeve në media, se ai mund të jetë kandidat për president të Shqipërisë. Hara...
RUSI– Presidenti rus Vladimir Putin përmbysi dekada të paqes dhe qëndrueshmërisë në Evropë me sulmin e paprovokuar kundër Ukrainës. Ekspertët thonë për Zë...
UKRAINË- Siç e deklaroi dhe Presidenti Joe Biden, Sllovakia ka dërguar të gjithë sistemin e saj raketor S-300 tokë-ajër në Ukrainë, për të ndihmuar ...
UKRAINË- Shtabi i Përgjithshëm i Ukrainës tha se forcat ruse kanë përfunduar tërheqjen e tyre nga rajoni verior i Ukrainës Sumy, ndërsa vazhdonin një grumb...
Deutsche Welle: Cila qe vlera e kësaj marrëveshjeje për njohjen reciproke të patentave mes Gjermanisë dhe Kosovës?Xhelal Sveçla: Me këtë marrveshje të gj...
GJERMANI- Për opinionin publik në Gjermani lajmi erdhi papritur. Në buxhetin e qeverisë së SHBA për vitin 2023 janë caktuar 506 milionë dollarë për bazat ushtar...
