Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Dhe për ti bërë ballë kësaj fatkeqësie, janë zjarrfikësit e vetëm, pa asnjë ndihmë, pa asnjë mjet, por vetëm me degë pemësh dhe lopata gjysmake, të cilat nuk arrijnë dot të shuajnë një vatër zjarri minimale, jo më një pyll të gjithë.
Zjarret që kanë përfshirë Shqipërinë në ditët e fundit, kanë nxjerr në pah paaftësinë e shtetit për të t'i bërë ballë një situatë të tillë. 1 i vdekur, dhjetra banesa të shkrumbuara dhe mijëra hektarë me toka e pyje të pushtuara nga flakët është bilanci i vetëm dy ditëve të fundit në vend. Dhe për ti bërë ballë kësaj fatkeqësie, janë zjarrfikësit e vetëm, pa asnjë ndihmë, pa asnjë mjet, por vetëm me degë pemësh dhe lopata gjysmake, të cilat nuk arrijnë dot të shuajnë një vatër zjarri minimale, jo më një pyll të gjithë.
Por çfarë po bën qeveria përball kësaj situatë?
Kryeministri Edi Rama, vetëm me postime në Facebook dhe X, duket se ka marrë situatën në dorë, duke reklamuar punën e palodhur të zjarrfikësve tanë, por pa ofruar asnjë lloj mbështetje për t'i lehtësuar punën atyre. Me kërcënime e presione për të futur në burg qytetarë që ndezin zjarre, por duke refuzuar të mbaj premtimet që ka bërë vetë në kohë fushatë elektorale për avionë zjarrfikës. Jo më larg se ditën e sotme, Rama i ka bërë një llogari Greqisë dhe zjarreve që përfshin këtë vend, duke tentuar që të shfaqësojë qeverinë e tij për dështimin në përballjen kundrejt kësaj situate.
"Po fqinjët tanë, Greqia dhe Italia apo Turqia dhe Spanja, që po përcëllohen më keq se ç’do vit tjetër kanë vallë mungesë avionësh?! Ja një informacion bazuar në referencat e vetë shtypit grek për Greqinë për shembull: Greqia ka një flotë ajrore totale prej 77 avionësh zjarrfikës; helikopterë janë pakashumë 20; automjete të tjera afërsisht 3,500 dhe zjarrfikëse të të gjitha llojeve e funksioneve. Pra, e thënë thjeshtë. Sa më shumë aq më mirë padiskutim, por prapëseprapë kurimi i pasojave nuk i eliminon shkaqet, të cilat janë disa, janë njësoj për të gjithë shtetet që po i vuajnë zjarret këtë sezon (disa shumë më keq se ne meqë ra fjala) dhe janë shumë më komplekse se sa duken kur numëron avionët," shkruan Rama.
Por jo me larg se 3 muaj më parë, në fushatë elektorale, ishte po Rama që deklaroi i bindur se në këtë verë, Shqipëria do të kishte 2 avionë zjarrfikës të saj, Por deri më tani asgjë nuk ka ndodhur dhe ky rezultoi një tjetër premtim elektoral, që u harrua sa përfunduan zgjedhjet.
“Flota jonë ajrore do të ketë në dispozicion duke filluar nga kjo verë, janë bërë marrëveshjet, dy avionë zjarrfikës në gatishmëri për ne pa pritur që të vijnë nga një vend apo nga një vend tjetër”, tha Rama në fushatë.
Ku janë avionët e premtuar?
Vetë Ministri përgjegjës për këtë situatë, Pirro Vëngu jo më larg se më 29 korrik, deklaroi se është realizuar procedura për blerjen e avionëve.
“Janë alokuar fondet, kemi buxhetin dhe kemi realizuar edhe procedurën për blerjen e dy avionëve zjarrfikës”, tha Vëngu.
Por në kundërshtim me çfarë tha Ministri Vëngu, Ministria e Mbrojtjes ka deklaruar se ky proces është në zhvillim e sipër, pa dhënë asnjë datë se kur mund të vijnë avionët.
“Blerja e këtyre avionëve është në proces, i cili po shkon drejt përfundimit”, tha Ministria e Mbrojtjes për Faktoje.
6 milion dollarë për satelitët Albania 1 dhe Albania 2 dhe asnjë rezultat
Në tetor të vitit 2021, pasi Shqipëria kishte kaluar një situatë katastrofike me zjarret që shkrumbuan gjithçka, Edi Rama premtoi se qeveria kishte parashikuar mbrojtje nga zjarret, duke përdorur satelitët Albania 1 dhe Albania 2. Vetëm një vit më vonë, Rama paralajmëroi lëshimin e satelitëve në hapësirë, ku ndër të tjera përmendi ndihmën kundër zjarreve.
"Shqipëria do të ketë përdorim ekskluziv të tyre, për përpunimin e Informacionit Gjeohapësinor (GIS) si dhe ofrimin e produkteve të imazherisë dhe komponentëve të tjerë të saj, e një sërë institucioneve e subjekteve, publike ose private, puna e të cilave lidhet me territorin, ujërat, pyjet, zjarret, mbetjet urbane, prodhimin bujqësor, zhvillimin urban, titujt e pronësisë, e me radhë," shkroi Rama.
Por në të vertëtë, satelitët e vetmja gjë që po përdoren janë për të bërë fotorgafime të vendit dhe për harta. Sipas drejtueses së Autoritetit Shtetëror për Informacionin Gjeohapësinor, Vilma Tomço, fotot e marra nga satelitët, shërbejnë për të evidentuar dëmet nga zjarret, por jo për ti parandaluar ato. Por deri më tani nuk ka ardhur asnjë paralajmërim për zjarret dhe nuk është marrë asnjë masë kundër tyre.
“Gjatë vitit të kaluar ne bëmë një mbulim të vendit me ortofoto, dhe në vitin 2024 po bëjmë mbulimin e dytë me qëllim që të shikojmë ndryshimet që kanë ndodhur në tokë. Shikojmë si ndryshojnë burimet ujore, apo fauna. Ne japim informacione se ku janë zonat e thata dhe shohim që mund të ketë rreziqe për zjarre dhe informojmë për marrjet e masave. Pastaj evidentojmë dëmet që bëhen nga zjarret apo dhe nga përmbytjet. Jep një pamje financiare për të bërë institucionet përllogaritjet e dëmeve”, u shpreh në Komisionin e Veprimtarisë drejtuesja e ASIG Vilma Tomço.
Si çdo vit dhe kjo verë po kalon me zjarre masive që kanë përfshirë të gjithë territorin e vendit. Por masat e vetme të marra janë, puna njerëzore e zjarrfikësve të pa lodhur, që me degë pemësh po luftojnë të vetëm shuarjen e flakëve dhe ushtria që është ngjitur në zonat me flakë me lopata në duar./Dosja.al
Sali Berisha TIRANË- Kreu i Partisë Demokratike, Sali Berisha, duke folur lidhur me situatën alarmante të zjarreve, theksoi se&nb...
foto ilustruese KOSOVË- Të gjitha bizneset që nuk kanë nënshkruar kontratë komerciale me një nga furnizuesit e licencuar...
TIRANË- Në një kohë kur Shqipëria po kalon një situate dramatike për shkak të zjarreve të favorizuara nga tempera...
foto ilustruese TIRANË- Instituti për Bashkitë e vendit ka reaguar lidhur me situatën e zjarreve në vend, Në një p...
pamje nga vendngjarja BERAT- katër persona janë arrestuar në Berat, pasi ndezën zjarr në në lagjen “Uznovë”...
Artur Cobo dhe Leonidha, ish- administratori i Bankers TIRANE- Një skemë mashtrimi, më e madhja e dekadës së fundit është...
bonori GRAMSH- Vatrat e zjarrit në Gramsh, vijon të jenë aktive, duke rrezikuar jetën e banorëve. Flakët kanë shkrumbua...
foto ilustruese TIRANË- Shqipëria është duke u përballë me një gjendje të vështirë zjarresh, si pasoj&eu...
TIRANË- Delegacioni i Bashkimit Evropian në Shqipëri ka reaguar lidhur me mbylljen e News24. Përmes një reagimi në rrj...
KONISPOL- Një aksident me pasojë vdekje ka ndodhur paraditen e sotme pranë fshatit Shkallë, në Bashkinë Konispol. B&e...
