Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Arrestimi i tij ka provokuar tensione në marrëdhëniet mes Shqipërisë dhe Greqisë. Qeveria shqiptare ka deklaruar se çështja është në duar të drejtësisë, dhe nuk ka lidhje me faktin se Beleri i përket pakicës greke.
Gjykata e Posaçme kundër Korrupsionit dhe Krimit të Organizuar mbajti sërish sot në "arrest me burg" Fredi Belerin, kryetar i zgjedhur i bashkisë së Himarës. Ai u arrestua 3 muaj më parë, nën dyshimet për korrupsion zgjedhor me shitblerje votash. Beleri i ka hedhur poshtë akuzat, si të motivuar politikisht.
Arrestimi i tij ka provokuar tensione në marrëdhëniet mes Shqipërisë dhe Greqisë. Qeveria shqiptare ka deklaruar se çështja është në duar të drejtësisë, dhe nuk ka lidhje me faktin se Beleri i përket pakicës greke.
Gjykata e Posaçme kundër Korrupsionit dhe Krimit të Organizuar vendosi sot përsëri masën e "arrestit me burg" për kryetarin e zgjedhur të bashkisë së Himarës, Fredi Beleri, i arrestuar në flagrancë nga policia nën dyshimet për korrupsion zgjedhor dhe shitblerje votash më shumë se 3 muaj më parë.
Gjykata Speciale hodhi sërish poshtë kërkesat e përsëritura për ndryshim të masës së sigurisë, për të mundësuar betimin dhe marrjen e detyrës si kryebashkiak, si dhe pavlefshmëri të akteve prej përfaqësuesve të tij, të cilët kanë pretenduar për një ndalim politik të klientit të tyre.
Beleri u arrestua dy ditë para zgjedhjeve vendore në mesnatën e 12 majit në lokalin e tij në Himarë, ku gjendej në prani të personave të tjerë, dhe ku policia raportoi se e kapi në flagrancë duke u përpjekur të blinte vota nga disa qytetarë për të fituar mandatin e tij.
Disa ditë më pas, Komisioni Qendror i Zgjedhjeve e shpalli Belerin fitues të zgjedhjeve vendore, me një rezultat të ngushtë përballë kandidatit socialist.
Ai i ka mohuar akuzat për shitblerje votash dhe ka kërkuar në mënyrë të përsëritur që të bëjë betimin sipas ligjit, duke pretenduar për një sulm politik që po i bën atij partia e kandidatit kundërshtar në pushtet, Partia Socialiste e drejtuar nga kryeministri Edi Rama.
Ngjarja ka provokuar tensione mes Shqipërisë dhe Greqisë. Një seri zyrtarësh të parlamentit dhe qeverisë greke u kanë kërkuar autoriteteve shqiptare lirimin e Belerit, për bërë betimin në detyrë, duke përmendur se kjo çështje do të ndikojë në marrëdhëniet mes dy vendeve dhe në ecurinë e Shqipërisë drejt Bashkimit Europian.
Ky i fundit është shprehur se çështja e Belerit është çështje e drejtësisë së re, që nuk ndikohet dhe as ka presione nga qeveria dhe shumica socialiste.
Rama shprehu habinë se si kërkohet lirimi i një qytetari shqiptar me kombësi greke, i akuzuar nga SPAK për shitblerje votash. Ai theksoi se kjo çështje e drejtësisë shqiptare është politizuar deri në pikën që organizohet një protestë në Shqipëri nga autoritete të zgjedhura në Greqi, duke e quajtur surreale ndërhyrjen e palës greke në një çështje të drejtësisë shqiptare.
Kryeministri Kyriakos Mitsotakis ftoi një javë më parë Presidentin e Shqipërisë, Bajram Begaj, për një darkë jozyrtare me udhëheqës shtetërorë sot në Athinë. Presidenti Begaj u përgjigj negativisht kësaj ftese, për shkak të pamundësisë për të udhëtuar drejt Athinës, duke deklaruar se kishte agjendën e përcaktuar më parë.
Kjo ftesë për Begaj vlerësohet nga vëzhguesit si një mënyrë diplomatike për të shprehur pakënaqësitë e Athinës ndaj kryeministrit Rama, i cili përfaqëson më së shumti Shqipërisë në punët e jashtme.
Respektimi i të drejtave të pakicës greke në Shqipëri kthehet herë pas here si një temë që trazon marrëdhëniet midis dy vendeve gjatë gjithë tranzicionit me shkaqe të ndryshme; herë me çështje të pronave, herë me kufijtë detarë, herë me çështje të objekteve fetare, herë me çështje të varrezave ushtarake apo të ligjit të luftës, dhe së fundi edhe me akuzat e korrupsionit zgjedhor.
Shqipëria ka ndjekur dekadën e fundit qasjen e përcaktuar nga qeveria Rama si “Zero probleme me fqinjët”, ndërsa Greqia pretendon përmbushjen nga Tirana të standarteve të BE-së, ku Tirana përpiqet të integrohet. /Burimi i lajmit VOA
Lin të Pogradecit Arkeologë shqiptarë dhe zvicerianë gjetën këtë vit materiale të reja në kërkimet disav...
Dritan Zagani TIRANË- Dritan Zagani, ish-shef i Narkotikës dhe Trafiqeve në Policinë e Fierit, ka folur sot në “Z...
Ministia e Jashtme ne Greqi TIRANË- Ministria e Jashtme greke ka përcjellë një reagim në lidhje me rrëzimin e kërkes&eu...
pamje nga vendngjarja VLORË- Një zjarr i madh ka rënë në hyrje të Vlorës, në autostradën Fier-Vlorë....
pamje nga vendngjarja DURRËS- Një lokal në zonën e plazhit në Durrës është përfshirë mga zjarri.&nbs...
foto ilustruese BERAT- Një ullishte në fshatin Lapardha, në Berat është përshirë nga zjarri. Era dhe temperaturat e...
vaksinim TIRANE- Shefja për sëmundjet infektive në Institutin e Shëndetit Publik, Silva Bino, në prag të nisjes së viti...
foto ilustruese TIRANË- Nga 1 shtatori do të nisë shpërndarja e teksteve shkollore. Lajmin e bën të ditur Ministrja e Arsimi...
TIRANË- Gjykata e Apelit ka liruar nga qelia tre ushtaraket, shefin e zbulimit Gramoz Mulla dhe dy specialistët e zbulimit Rustem Poçi dhe Ge...
policia kontrolle ne det Në 24 orët e fundit, Policia Kufitare e Vlorës dhe Njësia Policore Detare Vlorë kanë bllokuar 18 mj...
