Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Zëdhënësi i Komisionit Qendror të Zgjedhjeve, Valmir Elezi, i tha Zërit të Amerikës se tani është hapur afati prej 48 orësh, brenda të cilit subjektet politike mund të paraqesin ankesat e tyre në Panelin Zgjedhor për Ankesa dhe Parashtresa, në lidhje me ndonjë shkelje të supozuar gjatë numërimit.
KOSOVË- Gati një muaj pas ditës së zgjedhjeve parlamentare në Kosovë, Komisioni Qendror i Zgjedhjeve ka përfunduar numërimin e votave të hedhura me kusht dhe atyre të personave me nevoja të veçanta, duke përmbyllur kështu procesin e numërimit të të gjitha votave.
Zëdhënësi i Komisionit Qendror të Zgjedhjeve, Valmir Elezi, i tha Zërit të Amerikës se tani është hapur afati prej 48 orësh, brenda të cilit subjektet politike mund të paraqesin ankesat e tyre në Panelin Zgjedhor për Ankesa dhe Parashtresa, në lidhje me ndonjë shkelje të supozuar gjatë numërimit.
“Pas kalimit të këtij afati, do të shpallen rezultatet përfundimtare,” tha zoti Elezi në një përgjigje me shkrim, duke theksuar se, sipas planifikimeve të KQZ-së, rezultati përfundimtar pritet të certifikohet më 18 mars.
Përmbyllja e numërimit konfirmoi se asnjë nga partitë nuk ka siguruar numër të mjaftueshëm të ulëseve në parlamentin e Kosovës për të formuar e vetme qeverinë, një proces që kërkon 61 vota në parlamentin 120 vendësh.
Sipas vëzhguesve, fituesja e këtyre zgjedhjeve, Lëvizja Vetëvendosje, pritet të ketë 48 ulëse, Partia Demokratike e Kosovës, që doli e dyta, 24, Lidhja Demokratike e Kosovës 20, ndërkaq Aleanca për Ardhmërinë e Kosovës dhe partnerët tetë.
Dhjetë ulëse i takojnë komuniteteve pakicë joserbe, ndërkaq 10 të tjera komunitetit serb. Për herë të parë, Lista Serbe ka fituar vetëm nëntë nga ato, meqë një e fitoi Partia e Pavarur Liberale e ministrit aktual për Komunitete dhe Kthim, Nenad Rashiç.
Analisti Rrahman Paçarizi, tha për Zërin e Amerikës se rezultati zgjedhor ka prodhuar një situatë pa rrugëdalje për formimin e një qeverie funksionale.
“Për shkak të dallimeve, për shkak të blloqeve të cilat janë krijuar edhe gjatë qeverisjes së lëvizjes Vetëvendosje, për shkak të arrogancës, mungesës së transparencës të partisë në pushtet e cila në zgjedhjet e kaluara doli me numra shumë të mëdhenjë dhe për shkak të një fushate e cila ishte totalisht e ndarë pra në një anë lëvizja Vetëvendosje dhe në anën tjetër blloku joformal opozitar, që nuk u formalizua asnjëherë por që ishte bllok që iu kundërvu lëvizjes Vetëvendosje dhe jo njëri – tjetrit”, tha ai.
Gjetjen e një zgjidhjeje e bën edhe më problematike situata me pakicat serbe dhe jo serbe thotë zoti Paçarizi.
“Kemi sërish një situatë që është pak më problematike se që ka qenë më përpara sepse për shkak të mosditancimit të Listës Serbe nga agresioni i (Milan) Radojçiçit, që ishte edhe ashtu nënkryetar i Listës Serbe asokohe, partitë politike shqiptare nuk janë të gatshme në asnjë variant që ta shohin si partner këtë forcë politike dhe rrjedhimisht nuk mund as nuk duan të llogarisin në votat e tyre qoftë Vetëvendosja, qoftë partitë opozitare dhe kemi një pat pozicion sepse e vetmja mundësi do të ishte sikur opozita të mund t’i siguronte dhjetë votat e pakicave joserbe që poashtu është e pamundur”, thotë ai.
Vëzhguesit në vazhdimësi tërheqin vërejtjen se as skenarët e mundshëm të formimit të qeverisë së re që përfshijnë lëvizjen Vetëvendosje me pakicat joserbe apo partitë opozitare të bashkuara, nuk ofrojnë fuqinë e duhur vendimmarrëse përballë sfidave të shumta që e presin vendin në planin e brendshëm dhe të jashtëm.
“Sepse bërja e qeverisë nënkupton marrjen e përgjegjësive të jashtëzakonshme në një situatë e cila u pa që mund të jetë nëse jo e rrezikshme të paktën e paparashikueshme për shkak të pozicionimit të presidentit amerikan Trump në raport me krizat globale. Prandaj unë mendoj që fatkeqësisht do të kemi për një kohë të caktuar një qeveri në detyrë e cila do ta shtyjë aq sa mund ta shtyjë për një kohë të caktuar dhe ndoshta të shkohet në zgjedhje të jashtëzakonshme bashkë me zgjedhjet lokale në vjeshtën e mesme të këtij viti, diku në tetor”, thotë ai.
Ambasada gjermane në Prishtinë bëri thirrje të enjten për formimin sa më të shpejtë të një qeverie të qëndrueshme në Kosovë duke theksuar se “në këto kohë pasigurish është thelbësore që partitë politike të tregohen të përgjegjshme dhe të bashkëpunojnë duke vendosur interesin e vendit përpara”./VOA
Fotografi e realizuar gjatë prezantimit të hulumtimit lidhur me sfidat e serbëve dhe rekomandimeve për integrimin e tyre në shoqë...
Droga GJERMANI- Autoritetet gjermane kanë zhvilluar një operacion antidrogë ku janë sekuestruar 280 kilogramë kokainë. Droga ...
takimi TIRANË- Ditën e sotme trupa e gjyqtarëve të Gjykatës Kushtetuese të Shqipërisë ka zhvilluar një t...
foto ilustruese BERLIN- Zhvillimi galopant i ekosistemit të inovacionit në Shqipëri, por edhe sfidat e së ardhmes, ndër t&eum...
foto ilustruese TIRANË- Gjykata e Posaçme ka shpallur fajtor dhe dënuar me burg katër anëtarët e huaj të një...
Foto ilustruese KOSOVË- Anëtarët e Komisionit Qendror të Zgjedhjeve kanë votuar kundër rekomandimit të Sekretariatit t&e...
foto ilustruese GREQI- Një 28-vjecar shqiptar ka rënë në prangat e policisë greke, pas një operacioni që çoi n&eu...
foto ilustruese TIRANË- Këshilli i Ministrave miratoi vendimin për miratimin e zonave kadastrale në të cilat lejohet kultivimi i b...
ermal pacaj TIRANË- Këshilli i Ministrave ka vendosur ditën e sotme lirimin nga detyra të drejtorit të Përgjithshëm t&eu...
ministria e financave TIRANË- Florian Semani është emëruar ditën e sotme zëvendësministër i Financave. Emë...
