"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
Dita e 52-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rama nga Thethi: Paketa e Maleve nuk është për biznesmenë dhe as për oligarkët 21 Korrik, 16:20 ...
Rreth 100 familje gjatë kësaj kohe kanë varrosur të afërmit e tyre. Në vitin 2014 del një pronar i ri, i cili pretendon se e bleu këtë tokë dhe nuk kishte dijeni, që aty kishte varre.
TIRANË- Banorë të zonës Lanabregas në Tiranë janë ankuar në emisionin Stop në Tv Klan, pasi që prej viteve 2000 kanë paguar lekë tek një banor i zonës, i cili pretendonte se kishte një truall. Ata dhanë paratë që ky truall të përdorej si varrezë.
Rreth 100 familje gjatë kësaj kohe kanë varrosur të afërmit e tyre. Në vitin 2014 del një pronar i ri, i cili pretendon se e bleu këtë tokë dhe nuk kishte dijeni, që aty kishte varre. Banorët thonë se pronari ka rrethuar tokën ku janë varrezat.
“Ne jemi një komunitet që banojmë një pjesë që nga viti 1996 në këtë zonën e ashtuquajtur Shkoza. Jemi rreth 100 familje. Një komision i ngritur nga ana e këtij komuniteti i përbërë nga 4 deri në 6 veta, kanë kontaktuar me pronarin e kësaj zone dhe kemi blerë një sipërfaqe toke të pakufizuar. Nuk e di nëse ka patur dokument në atë kohë. Kjo pjesë është njohur si varreza e këtij komuniteti. Problemi qëndron që gjatë periudhës e në vazhdim këtu ka një njeri të cilin unë nuk e njoh që po punonte këtu. Ky zotëria pretendonte që në 2014 e ka blerë nga një person të cilin e ka pasur të punësuar”.
“Ai ka vazhduar duke vepruar prapë, duke ngushtuar të gjitha varrezat, të gjitha rrugët hyrëse nëpër varrezat tona. Që në 2012 kam im atë të varrosur në këto varreza”.
“Nuk e dimë a e ka me letra apo pa letra, si është rishitur kjo sipërfaqe toke në një kohë që bashkia duhet ta kishte kompensuar”.
“Para 2-3 javësh erdha se kam edhe plakun pak pa terezi, i sëmurë, edhe thashë të jetë një vend i zënë. Rastisi edhe ai këtu. Më tha mua këtu nuk ke asnjë vend. Erdhi nguli shtyllat. Pastaj zuri vend hajde këtu tha meqënëse e ke hallin, po sa lekë do më paguash. I thashë unë s’paguaj asnjë lekë. Në qoftë se paguan gjithë komuniteti për herë të dytë, do paguaj edhe unë i thashë”.
Gazetarja e Stop bisedoi edhe me pronarin e parë i cili u ka shitur tokën banorëve. Ai thotë se një pjese toke ka qenë e tij dhe jo e gjitha, por dokumente për shitjen e asaj toke nuk ka patur.
“Ka qenë një pronë…prona sipër ka qenë prona ime. Ajo pjesa poshtë ka qenë. Kur e kam pas dhënë unë, ka qenë pronë …kështu me një fjalë s’ka qenë pemtore. Dhe unë iu dhashë atyre një pjesë. Ka qenë pa letra. Ashtu ishte puna, që ato donin një vend të vogël, një vend për varreza. Ajo pjesa ka qenë pa pronar, kur e kam dhënë unë. Edhe tokat janë shit nëpër zyra, ato nuk i kanë kontrolluar hiç. Janë të gjithë të përfshirë. Është bërë një rrëmujë aty, ç’a të them unë”, thotë ai.
Në emisionin Stop ka ardhur edhe vetë pronari aktual i tokës që thotë se e ka blerë. Edhe vetë zotëria kërkon zgjidhje për rastin.
“Për këtë truall të blerë, tokë bujqësore e llojit pemtore të blerë në fund të vitit 2013 unë kam dokumentacionin përkatës shit-blerje dhe unë kam marrë certifikatën e pasurisë. Për të qenë realë dhe të vërtetë, unë nuk e kam ditur që aty ka varre, por blerja është bërë me një përjashtim të vogël mbi bazën e njohjes personale duke qenë edhe miq edhe shokë pune të vjetër dhe kur kam shkuar për ta parë pronën ishte e pyllëzuar, me varreza brenda. Për mua ka rëndësi kjo, që ata të mos evolojnë tek puna ime kur nuk di ku kanë letrat e veta”, thotë pronari i tokës.
Marrë nga tvklan.al
Iglentian Beti VLORË- Iglentian Beti, një qytetar nga Vlora, është ankuar pranë emisionit Stop në Tv Klan se hipoteka e apart...
Foto Ilustruese DHËRMI- Turisti 21-vjeçar që ra nga kati i tretë i hotelit ku po qëndronte në Dhërmi, ka ndërrua...
Pedofili TIRANË- Emisioni Fiks Fare solli sonte rastin e një pedofili nga Kavaja që ngacmonte seksualisht vajza të mitura. Ky pedofil k...
Covid TIRANË– 50 persona janë infektuar nga pandemia e koronavirusit në Shqipëri. Ministria e Shëndetësisë ka b&eu...
Foto Ilustruese DHËRMI- Një 21-vjeçar nga Anglia ka rënë nga kati i tretë i një hoteli në Dhërmi. Në n...
Adriatik Lapaj TIRANË- Avokati dhe aktivisti Adriatik Lapaj ka paralajmëruar protesta pas rritjes së çmimit të naftës, q&e...
Sherri në Korçë KORÇË- Sokol Duro, 46 vjeç ka mbetur i plagosur si pasojë e një sherri me një fqinjin e ...
Mirela Kumbaro dhe Pandi Zhonga SARANDË- Forumi per Mbrojtjen e Trashegimise Kulturore ka reaguar për arrestimin e ish-drejtorit të Butrinti...
Sarandë SARANDË- Zbardhen të tjera detaje në lihje me operacionin e zhvilluar në Sarandë për tjetërsimin e rreth 10...
Policia ITALI- Një shqiptar është arrestuar në Itali për drogë. Teleturia.it shkruan se 38-vjeçari shqiptar u arr...
