Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
• Zhurmat brenda një lokali kanë shkaktuar përplasje mes një grupi të rinjsh dhe Policisë së Shtetit. • Dje, gjatë mbrëmjes, në një prej lagjeve të kryeqytetit në "Myslym Shyri", të rinjtë kanë shkaktuar probleme tek banorët e lagjes që menjëherë kanë njoftuar Policinë. •Pas marrjes së informacionit, efektivët e komisariatit nr.2 kanë shkuar në një zonë ku kishte informacione nga banorët se një grup të rinjsh po bënin zhurmë duke shqetësuar qytetarët. • Pasi Policia ka shkuar atje, të rinjtë jo vetëm që nuk kanë respektuar ligjin, por kanë filluar t’i kundërshtojnë dhe kanë dhunuar dy prej tyre. • Teksa prindërit e të rinjve të arrestuar janë ankuar se efektivët u kishin dhunuar fëmijët, në fakt Policia e Shtetit ka dalë në një deklaratë, ku bën me dije se dy efektivë janë dhunuar prej të rinjve. • Ndaj dhe i kanë prangosur 6 prej tyre, ndërsa një 17-vjeçar u procedua penalisht duke u ndjekur në gjendje të lirë. • Deri më tani, Policia i ka identifikuar të rinjtë vetëm me iniciale, ndërkohë që mosha e tyre varion nga 19-28 vjeç.
9 artikuj për këtë temë.
TIRANË- Videoja që po shikoni tregon dhunimin e një të riu me shkop gome. Pamjet e publikuara nga JOQ tregojnë katër efektivë policie kanë mbërthyer një të ri, pjesë e grupiut të ‘zhurmuesve’ në rrugën “Myslym Shyri” dhe e dhunojnë atë.
Një prej efektivëve, në dukje qeros, nxjerr dhe shkopin e gomës e qëllon pa mëshirë të riun. Goditjet vijojnë edhe nga policët e tjerë, ndërsa në sfond dëgjohen të bërtitura.
Çfarë ndodhi një natë më parë në rrugën ‘Myslym Shyri’?
Zhurmat brenda një lokali kanë shkaktuar përplasje mes një grupi të rinjsh dhe Policisë së Shtetit. Pas marrjes së informacionit, efektivët e komisariatit nr.2 kanë shkuar në zone, por të rinjtë kanë filluar t’i kundërshtojnë dhe kanë dhunuar dy prej tyre. Prindërit e të rinjve të arrestuar janë ankuar se efektivët u kishin dhunuar fëmijët, ndërsa Policia e Shtetit ka dalë në një deklaratë, ku bën me dije se dy efektivë janë dhunuar prej të rinjve. 6 prej tyre janë prangosur, ndërsa një 17-vjeçar u procedua penalisht në gjendje të lirë. Deri më tani, Policia i ka identifikuar të rinjtë vetëm me iniciale, ndërkohë që mosha e tyre varion nga 19-28 vjeç.
TIRANË- Zona e “Myslym Shyrit” është ‘zgjuar’ në mesnatë nga ulërimat e disa të rinjve që po dhunoheshin barbarisht nga efektivët e Policisë. Burime nga zona, bëjnë me dije për Dosja.al se të gjithë banorët kanë mbetur të ‘shokuar’ kur kanë parë dhunën që po ushtrohej mbi të rinjtë. Ishin vetë ata që kërkuan ndërhyrjen e efektivëve në lagje, pasi të rinjtë ishin bërë problem për zhurmën e krijuar dhe qetësinë publike, por kanë rezerva për mënyrën se unifromat blu e trajtuan ngjarjen.
Ata tregojnë se djemtë u luteshin policëve që t’i lëshonin e mos t’i dhunonin më, por efektivët nuk kanë ditur të bëjnë hapa pas. Të njëjtat burime, bëjnë me dije për Dosja.al se adoleshentët kanë plagë të shumta në fizikun e tyre dhe se efektivëve u janë kundërpërgjigjur vetëm në momentin që dhuna e policëve po bëhej e padurueshme.
Tani pas hekurave janë 6 prej të rinjve, të identifikuar vetëm me iniciale nga Policia e Shtetit, nga mosha 19-28 vjeç, ndërsa një 17-vjeçar është proceduar penalisht. Vetë Policia e Shtetit pretendon se kanë qenë të rinjtë ata që kanë dhunuar punonjësit e policisë dhe i kanë detyruar këta të fundit që të kërkojnë thirrjen e grupeve të tjera për tu ardhur në ndihmë e për të neutralizuar situatën. Nga ana tjetër, Avokati i Popullit kërkon transparencë dhe vënien e egektivëve para drejtësisë.
TIRANË- Avokati i Popullit ka kërkuar që Policia e Shtetit të vërë para përgjegjësisë efektivët që kanë dhunuar të rinjtë në rrugën "Myslym Shyri". Reagimi i AP-së ka ardhur pas përplasjes së ndodhur në këtë zonë të Tiranës, ngjarje për të cilën ka dy pretendime. Sipas Avokatit të Popullit, ushtrimi i dhunës apo arrestimet e paligjshme janë krejtësisht të papranueshme në kuadrin e standardeve demokratike dhe të shtetit ligjor mbi të cilat synohet të mbështeten institucionet tona.
Reagimi i plotë i Avokatit të Popullit:
Institucioni i Avokatit të Popullit është vënë në dijeni nga raportime të ndryshme në lidhje me rastin e 7 të rinjve të shoqëruar nga Policia e kryeqytetit mbrëmjen e djeshme si dhe disa pretendimeve për veprime arbitrare nga ana e punonjësve të Policisë ndaj tyre, dhe për këtë arsye menjëherë ka ngritur dy grupe inspektimi për të verifikuar situatën në vend. Sipas komunikatës së Policisë por edhe nga verifikimet e kryera në Komisariatin e Policisë nr.2 në Tiranë nga ana e grupit të inspektimit të Avokatit të Popullit është mësuar se 7 shtetas të moshave 17-28 vjeç, janë shoqëruar e më pas arrestuar mesnatën e mbrëmshme pranë ambienteve të një qendre lojërash elektronike, pasi sikurse raporton Policia, ndaj tyre kishte ankesa nga qytetarët për prishjen e qetësisë publike.
Ekipi i Avokatit të Popullit ka marrë kontakt me personat e shoqëruar si dhe me zyrtarët policorë përgjegjës për kryerjen e procedurave në Komisariatin nr.2. Sipas verifikimeve paraprake, 3 prej shtetasve kanë pasur pretendime se ndaj tyre është ushtruar dhunë nga ana e punonjësve të Policisë së Shtetit. Një shtetas ndërkohë ka marrë edhe ndihmë mjekësore si pasojë e lëndimeve të shkaktuara nga ndërhyrja e efektivëve të Policisë.
Avokati i Popullit dënon këtu e në çdo rast veprimet e dhunshme dhe arbitrare nga ana e organeve ligjzbatuese dhe kërkon vendosjen në punë të mekanizmave të brendshëm të kontrollit të Policisë për gjetjen dhe vënien para përgjegjësisë ligjore të autorëve. Ushtrimi i dhunës apo arrestimet e paligjshme janë krejtësisht të papranueshme në kuadrin e standardeve demokratike dhe të shtetit ligjor mbi të cilat synohet të mbështeten institucionet tona. Avokati i Popullit do të vazhdojë hetimin administrativ mbi rastin dhe do të dalë me konkluzione e rekomandime të cilat do të paraqiten pranë institucioneve përkatëse.
Çfarë ndodhi një natë më parë?
Zhurmat brenda një lokali kanë shkaktuar përplasje mes një grupi të rinjsh dhe Policisë së Shtetit. Pas marrjes së informacionit, efektivët e komisariatit nr.2 kanë shkuar në zone, por të rinjtë kanë filluar t’i kundërshtojnë dhe kanë dhunuar dy prej tyre. Prindërit e të rinjve të arrestuar janë ankuar se efektivët u kishin dhunuar fëmijët, ndërsa Policia e Shtetit ka dalë në një deklaratë, ku bën me dije se dy efektivë janë dhunuar prej të rinjve. 6 prej tyre janë prangosur, ndërsa një 17-vjeçar u procedua penalisht në gjendje të lirë. Deri më tani, Policia i ka identifikuar të rinjtë vetëm me iniciale, ndërkohë që mosha e tyre varion nga 19-28 vjeç.
TIRANË-Detaje të reja kanë dalë në dritë nga përplasja mes Policisë dhe një grupi të rinjsh, mbrëmjen e djeshme në një nga lagjet e Tiranës.
Një prej prindërve të djemve të arrestuar ka reaguar për "JOQ" dhe ka thënë se dhuna e ushtruar ishte barbare dhe gjithçka ka ndodhur, pasi dy efektivë policie kanë filluar të parët të dhunojnë një të ri, duke e tërhequr zvarrë.
Për të, ai ka dërguar edhe fotot dhe siç shihet më poshtë, i riu e ka të gjithë fytyrën me plagë dhe dora e tij është e mbuluar me gjak. Sipas prindit të një prej të rinjve dhunë është ushtruar edhe në komisariatin e policisë. Sipas tij, janë vetëm dy efektivë që kanë deklaruar se të rinjtë u janë përgjigjur me dhunë, por sipas tij asnjë prej efektivëve nuk ka shenja, përveç njërit që është kapur tek pjesa e qafës.
VIDEO E PËPLESHJES
View this post on Instagram
TIRANË- Policia e Tiranës ka reaguar edhe një herë për ngjarjen e mbrëmshme, ku u arrestuan 6 të rinj, si dhe mbetën të plagosur dy efektivë. Në rrjetet sociale qarkullon një video ku shihet sesi policia shoqëron adoleshentët. Në lidhje me këtë Policia sqaron se efektivët ishin njoftim se në një ambient në rrugën “Naim Frashëri”, disa persona shqetësonin banorët me zhurma, ndaj dhe patrulla kishte nisur për kontroll dhe kanë filluar t’i kundërshtojnë ata me dhunë.
Dy punonjësit e Patrullës së Përgjithshme, duke vlerësuar situatën dhe rrezikun për shkak të dhunës që po përdorej ndaj tyre, kanë kërkuar ndihmën e patrullave të tjera, të cilat kanë kaluar në ndihmë të kolegëve për shkak të situatës së krijuar. Ndërsa pas ndërhyrjes së shërbimeve të tjera të Policisë, për të neutralizuar dhunën mbi dy punonjësit e Policisë, kanë shoqëruar 6 të rinjt të identifikuar vetëm me iniciale.
Reagim i Drejtorisë Vendore të Policisë Tiranë
Në lidhje me një video të publikuar në rrjete sociale, në të cilën shfaqen disa punonjës policie që shoqërojnë me forcë disa shtetas, ju sqarojmë se: Mbrëmjen e djeshme, shërbimet e Policisë kanë marrë njoftim se në një ambient në rrugën "Naim Frashëri", disa persona shqetësonin banorët, me zhurma. Shërbimet e Patrullës së Përgjithshme kanë kaluar menjëherë në adresën e dhënë dhe kanë konstatuar disa shtetas, të cilët nuk iu janë bindur urdhrave të punonjësve të Policisë dhe kanë filluar t’i kundërshtojnë ata me dhunë. Dy punonjësit e Patrullës së Përgjithshme, duke vlerësuar situatën dhe rrezikun për shkak të dhunës që po përdorej ndaj tyre, kanë kërkuar ndihmën e patrullave të tjera, të cilat kanë kaluar në ndihmë të kolegëve për shkak të situatës së krijuar. Edhe pas ndërhyrjes së shërbimeve të tjera të Policisë, për të neutralizuar dhunën mbi dy punonjësit e Policisë, këta shtetas i kanë kundërshtuar përsëri me dhunë punonjësit e Policisë, gjatë shoqërimit të tyre në Komisariat. Në vijim të veprimeve procedurale, specialistët për Hetimin e Krimeve të Komisariatit të Policisë Nr. 2 kanë arrestuar në flagrancë shtetasit S. S., 20 vjeç, M. Sh., 19 vjeç, E. Ç., 19 vjeç, A. D., 19 vjeç, M. B., 20 vjeç dhe M. K., 28 vjeç, si dhe ka nisur procedimi penal në gjendje të lirë për shtetasin K. P., 17 vjeç. Përsa i përket veprimeve të punonjësve të Policisë, Drejtoria e Standardeve Profesionale në Policinë e Shtetit ka nisur menjëherë hetimin për të analizuar veprimet e punonjësve të Policisë, nëse janë respektuar procedurat standarde të punës apo nëse ka tejkalim të përdorimit të forcës nga ana e punonjësve të Policisë për të neutralizuar veprimet kundërshtuese me dhunë verbale dhe fizike të shtetasve tashmë të arrestuar, ndaj punonjësve të Policisë. Në përfundim të hetimeve nga Drejtoria e Standardeve Profesionale, do të ketë një njoftim të posaçëm për shtyp.
TIRANË- Janë bërë publike pamjet nga arrestimi i një nate më parë në kryeqytet. Gjashtë të rinj u vunë në pranga nga policia e Tiranës, me motivin se kishin bërë zhurmë në zonë, pasi për këtë ishin ankuar banorët. Mirëpo, dhuna në video bie ndesh me njoftimin e policisë së bërë publik për mediat, aty ku thuhet se të rinjtë dhunuan rëndë dy efektivë.
Në videon e bërë publike nga JOQ, shihet një grup me policë të cilët dhunojnë të rinjtë. 'O shefi ça të bëra, mos gjuaj' dëgjohet të thonë të rinjtë.
Vieë this post on Instagram
TIRANË- Policia ka dalë me një njoftim zyrtar për arrestimin e adoleshentëve në zonën e 'Myslym Shyrit'. Sipas tyre, të rinjtë u vunë në pranga pasi ndaj tyre u ngritën ankesa nga banorët për zhurmën që ato kishin shkaktuar. Në momentin që policia ka kryer arrestimin e tyre, sipas forcave blu, personat e ndaluar kundërshtuan me dhunë punonjësit e policisë.
NJOFTIMI I POLICISË:
Vihen në pranga 6 shtetas dhe procedohet në gjendje të lirë 1 tjetër, për vepra të ndryshme penale. Specialistët për Hetimin e Krimeve të Komisariatit të Policisë Nr. 2 arrestuan në flagrancë shtetasit S. S., 20 vjeç, M. Sh., 19 vjeç, E. Ç., 19 vjeç, A. D., 19 vjeç, M. B., 20 vjeç dhe M. K., 28 vjeç, si dhe nisi procedimi penal në gjendje të lirë për shtetasin K. P., 17 vjeç. Këta shtetas, mbrëmjen e djeshme, nuk iu janë bindur urdhrave të punonjësve të Policisë, të cilët po kryenin veprime policore pasi në subjektin ku po qëndronin këta shtetas kishte ankesa nga qytetarët, për zhurma. Gjithashtu, kanë kundërshtuar me dhunë punonjësit e Policisë, gjatë shoqërimit në Komisariat.
Mirëpo, familjarët e të rinjve janë shprehur ndryshe për mediat. Ata kanë deklaruar se kanë qënë efektivët ata të cilët dhunuan fëmijët dhe jo e kundërta siç u bë e ditur nga policia.
TIRANË- Policia ka kryer disa arrestime në zonën e 'Myslym Shyrit' në kryeqytet. Në pranga kanë përfunduar disa adoleshentë, për të cilët u ankuan banorët e zonës.
'Faxnews' raportom se në momentin e arrestimit, kanë mbetur të lënduar dy policë. Të dy ndodhen në spital, pasi njëri prej tyre ka marrë lëndime të shumta ndërsa tjetri më të lehta.
Familjarët e të rinjve kundërshtuan arrestimin duke u shprehur se ishin efektivët ata të cilët ushtruan dhunë e jo fëmijët e tyre. Policia ende nuk ka dalë me një njoftim zyrtar për këtë ngjarje.
